| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. важчаг̇од̇д̇асуд̇д̇аван̣н̣анаа
7. Vacchagottasuttavaṇṇanā
58. сад̇д̇амз махабпаланд̇и махаавибаагам̣. д̇хаммасса жаануд̇хаммам̣ б̣яаагаронд̇ийд̇и зд̇т̇а д̇хаммо наама гат̇ид̇агат̇аа, ануд̇хаммо наама гат̇ид̇асса бадигат̇анам̣. сахад̇хаммигод̇и сагааран̣о сахзд̇уго. ваад̣̇аанубаад̇од̇и ваад̣̇асса анубаад̇о, анубад̇анам̣ бавад̇д̇ийд̇и ад̇т̇о. г̇аараяхам̣ таананд̇и г̇арахид̇аб̣б̣аяуд̇д̇ам̣ гааран̣ам̣. ид̣̇ам̣ вуд̇д̇ам̣ ход̇и – бход̇аа г̇од̇амзна вуд̇д̇аа сагааран̣аа ваад̣̇аббавад̇д̇и гин̃жиби г̇аараяхам̣ гааран̣ам̣ на ааг̇ажчад̇ийд̇и. ат̇а ваа д̇зхи барзхи вуд̇д̇аа сагааран̣аа ваад̣̇аббавад̇д̇и гин̃жи г̇аараяхам̣ гааран̣ам̣ на ааг̇ажчад̇ийд̇и бужчад̇и.
58. Sattame mahapphalanti mahāvipākaṃ. Dhammassa cānudhammaṃ byākarontīti ettha dhammo nāma kathitakathā, anudhammo nāma kathitassa paṭikathanaṃ. Sahadhammikoti sakāraṇo sahetuko. Vādānupātoti vādassa anupāto, anupatanaṃ pavattīti attho. Gārayhaṃṭhānanti garahitabbayuttaṃ kāraṇaṃ. Idaṃ vuttaṃ hoti – bhotā gotamena vuttā sakāraṇā vādappavatti kiñcipi gārayhaṃ kāraṇaṃ na āgacchatīti. Atha vā tehi parehi vuttā sakāraṇā vādappavatti kiñci gārayhaṃ kāraṇaṃ na āgacchatīti pucchati.
анд̇арааяагаро ход̇ийд̇и анд̇арааяам̣ винаасам̣ гижчалаабхагам̣ виломагам̣ гарод̇и. баарибант̇игод̇и бант̇ад̣̇ууханажоро. кад̇о жа ход̇ийд̇и г̇ун̣акананзна кад̇о ход̇и. убахад̇од̇и г̇ун̣убагхаад̇знзва убахад̇о.
Antarāyakarohotīti antarāyaṃ vināsaṃ kicchalābhakaṃ vilomakaṃ karoti. Pāripanthikoti panthadūhanacoro. Khato ca hotīti guṇakhananena khato hoti. Upahatoti guṇupaghāteneva upahato.
жанд̣̇анигааяаад̇и асужигалалагуубз. олиг̇аллзд̇и нид̣̇д̇хаманагалалз. со жаад̇и со сийлаваад̇и вуд̇д̇акийн̣аасаво. сийлагканд̇хзнаад̇и сийлараасинаа. сзсабад̣̇зсуби зсзва наяо. зд̇т̇а жа вимуд̇д̇ин̃аан̣ад̣̇ассанам̣ вужжад̇и бажжавзгкан̣ан̃аан̣ам̣, д̇ам̣ асзгкасса бавад̇д̇ад̇д̇аа асзгканд̇и вуд̇д̇ам̣. ид̇араани сигкаабарияосаанаббад̇д̇ад̇ааяа саяамби асзгкаанзва. д̇аани жа бана логуд̇д̇араани, бажжавзгкан̣ан̃аан̣ам̣ логияам̣.
Candanikāyāti asucikalalakūpe. Oligalleti niddhamanakalale. So cāti so sīlavāti vuttakhīṇāsavo. Sīlakkhandhenāti sīlarāsinā. Sesapadesupi eseva nayo. Ettha ca vimuttiñāṇadassanaṃ vuccati paccavekkhaṇañāṇaṃ, taṃ asekkhassa pavattattā asekkhanti vuttaṃ. Itarāni sikkhāpariyosānappattatāya sayampi asekkhāneva. Tāni ca pana lokuttarāni, paccavekkhaṇañāṇaṃ lokiyaṃ.
рохин̣ийсууд̇и рад̇д̇аван̣н̣аасу. саруубаасууд̇и ад̇д̇ано важчагзхи самаанаруубаасу. баарзвад̇аасууд̇и габод̇аван̣н̣аасу. д̣̇анд̇од̇и ниб̣б̣исзвано. бун̇г̇авод̇и усабхо. д̇хораяход̇и д̇хураваахо. галяаан̣аж̇аваниггамод̇и галяаан̣зна уж̇унаа ж̇авзна г̇анд̇аа. наасса ван̣н̣ам̣ баригкарзд̇и асса г̇он̣асса сарийраван̣н̣ам̣ на убабаригканд̇и, д̇хураваханагаммамзва бана убабаригканд̇и. яасмим̣ гасмин̃жи ж̇аад̇иязд̇и яад̇т̇а гад̇т̇ажи гулаж̇аад̇з. яаасу гаасужи зд̇аасууд̇и зд̇аасу кад̇д̇ияаад̣̇иббабхзд̣̇аасу яаасу гаасужи ж̇аад̇ийсу.
Rohiṇīsūti rattavaṇṇāsu. Sarūpāsūti attano vacchakehi samānarūpāsu. Pārevatāsūti kapotavaṇṇāsu. Dantoti nibbisevano. Puṅgavoti usabho. Dhorayhoti dhuravāho. Kalyāṇajavanikkamoti kalyāṇena ujunā javena gantā. Nāssa vaṇṇaṃ parikkhareti assa goṇassa sarīravaṇṇaṃ na upaparikkhanti, dhuravahanakammameva pana upaparikkhanti. Yasmiṃ kasmiñci jātiyeti yattha katthaci kulajāte. Yāsu kāsuci etāsūti etāsu khattiyādippabhedāsu yāsu kāsuci jātīsu.
б̣рахмажарияасса гзвалийд̇и б̣рахмажарияасса гзвалзна саманнааг̇ад̇о, барибун̣н̣абхаавзна яуд̇д̇од̇и ад̇т̇о. кийн̣аасаво хи сагалаб̣рахмажаарий наама ход̇и. д̇знзд̇ам̣ вуд̇д̇ам̣. баннабхаарод̇и оробид̇абхааро, канд̇хабхаарам̣ гилзсабхаарам̣ гаамаг̇ун̣абхааран̃жа оробзд̇ваа тид̇од̇и ад̇т̇о. гад̇агижжод̇и жад̇уухи маг̇г̇зхи гижжам̣ гад̇ваа тид̇о. баараг̇уу саб̣б̣ад̇хаммаананд̇и саб̣б̣ад̇хаммаа вужжанд̇и бан̃жагканд̇хаа д̣̇ваад̣̇асааяад̇анаани адтаараса д̇хаад̇уяо, д̇зсам̣ саб̣б̣ад̇хаммаанам̣ абхин̃н̃аабаарам̣, барин̃н̃аабаарам̣, бахаанабаарам̣, бхааванаабаарам̣, сажчигирияаабаарам̣, самаабад̇д̇ибааран̃жаад̇и чаб̣б̣ид̇хам̣ баарам̣ г̇ад̇ад̇д̇аа баараг̇уу. анубаад̣̇ааяаад̇и аг̇г̇ахзд̇ваа. ниб̣б̣уд̇од̇и гилзсасанд̇аабарахид̇о. вираж̇зд̇и рааг̇ад̣̇осамохараж̇арахид̇з.
Brahmacariyassa kevalīti brahmacariyassa kevalena samannāgato, paripuṇṇabhāvena yuttoti attho. Khīṇāsavo hi sakalabrahmacārī nāma hoti. Tenetaṃ vuttaṃ. Pannabhāroti oropitabhāro, khandhabhāraṃ kilesabhāraṃ kāmaguṇabhārañca oropetvā ṭhitoti attho. Katakiccoti catūhi maggehi kiccaṃ katvā ṭhito. Pāragū sabbadhammānanti sabbadhammā vuccanti pañcakkhandhā dvādasāyatanāni aṭṭhārasa dhātuyo, tesaṃ sabbadhammānaṃ abhiññāpāraṃ, pariññāpāraṃ, pahānapāraṃ, bhāvanāpāraṃ, sacchikiriyāpāraṃ, samāpattipārañcāti chabbidhaṃ pāraṃ gatattā pāragū. Anupādāyāti aggahetvā. Nibbutoti kilesasantāparahito. Virajeti rāgadosamoharajarahite.
авиж̇аананд̇аад̇и кзд̇д̇ам̣ аж̇аананд̇аа. д̣̇уммзд̇хаад̇и ниббан̃н̃аа. ассуд̇аавинод̇и кзд̇д̇авинижчаяасаванзна рахид̇аа. б̣ахид̣̇д̇хаад̇и имамхаа саасанаа б̣ахид̣̇д̇хаа. на хи санд̇з убаасарзд̇и б̣уд̣̇д̇хабажжзгаб̣уд̣̇д̇хакийн̣аасавз уд̇д̇амабурисз на убасан̇гаманд̇и. д̇хийрасаммад̇зд̇и бан̣д̣ид̇зхи саммад̇з самбхаавид̇з. муулаж̇аад̇аа бад̇идтид̇аад̇и иминаа сод̇аабаннасса сад̣̇д̇хам̣ д̣̇ассзд̇и. гулз ваа ид̇ха ж̇ааяарзд̇и ид̇ха ваа мануссалогз кад̇д̇ияаб̣раахман̣авзссагулз ж̇ааяанд̇и. аяамзва хи д̇ивид̇хаа гуласамбад̇д̇и наама. анубуб̣б̣зна ниб̣б̣аанам̣, ад̇хиг̇ажчанд̇ийд̇и сийласамаад̇хибан̃н̃аад̇и имз г̇ун̣з буурзд̇ваа ануггамзна ниб̣б̣аанам̣ ад̇хиг̇ажчанд̇ийд̇и.
Avijānantāti khettaṃ ajānantā. Dummedhāti nippaññā. Assutāvinoti khettavinicchayasavanena rahitā. Bahiddhāti imamhā sāsanā bahiddhā. Na hi sante upāsareti buddhapaccekabuddhakhīṇāsave uttamapurise na upasaṅkamanti. Dhīrasammateti paṇḍitehi sammate sambhāvite. Mūlajātā patiṭṭhitāti iminā sotāpannassa saddhaṃ dasseti. Kule vā idha jāyareti idha vā manussaloke khattiyabrāhmaṇavessakule jāyanti. Ayameva hi tividhā kulasampatti nāma. Anupubbena nibbānaṃ, adhigacchantīti sīlasamādhipaññāti ime guṇe pūretvā anukkamena nibbānaṃ adhigacchantīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. важчаг̇од̇д̇асуд̇д̇ам̣ • 7. Vacchagottasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. важчаг̇од̇д̇асуд̇д̇аван̣н̣анаа • 7. Vacchagottasuttavaṇṇanā
