| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. важчаг̇од̇д̇асуд̇д̇аван̣н̣анаа
7. Vacchagottasuttavaṇṇanā
58. сад̇д̇амз махаавибааганд̇и ул̣аарапалам̣ б̣ахувибаагам̣. д̇хаммо наама гат̇ид̇агат̇аа ‘‘ад̇т̇ам̣ д̣̇ахад̇и вид̣̇ахад̇ий’’д̇и гад̇ваа. ануд̇хаммо наама бадигат̇анам̣ ‘‘д̇ам̣ ануг̇ад̇о д̇хаммо’’д̇и гад̇ваа. саха д̇хаммзнаад̇и сахад̇хаммо, со зва сахад̇хаммиго. д̇хаммасад̣̇д̣̇о жзд̇т̇а гааран̣абарияааяод̇и ааха ‘‘сагааран̣о’’д̇и. ваад̣̇ассаад̇и важанасса. анубаад̇о анубажчаа бавад̇д̇и.
58. Sattame mahāvipākanti uḷāraphalaṃ bahuvipākaṃ. Dhammo nāma kathitakathā ‘‘atthaṃ dahati vidahatī’’ti katvā. Anudhammo nāma paṭikathanaṃ ‘‘taṃ anugato dhammo’’ti katvā. Saha dhammenāti sahadhammo, so eva sahadhammiko. Dhammasaddo cettha kāraṇapariyāyoti āha ‘‘sakāraṇo’’ti. Vādassāti vacanassa. Anupāto anupacchā pavatti.
барибант̇з д̇идтад̇ийд̇и баарибант̇иго. бант̇з тад̇ваа барзсам̣ саабад̇зяяам̣ чинд̣̇анад̇о бант̇ад̣̇ууханажоро. яад̣̇и бажжавзгкан̣ан̃аан̣ам̣, гат̇ам̣ д̇ам̣ асзгканд̇и ааха ‘‘асзгкасса бавад̇д̇ад̇д̇аа’’д̇и. ид̇араанийд̇и сийлагканд̇хаад̣̇ийни. саяамбийд̇и би-сад̣̇д̣̇о ‘‘асзгкасса бавад̇д̇аа жаа’’д̇и имамад̇т̇ам̣ самбин̣д̣зд̇и.
Paripanthe tiṭṭhatīti pāripanthiko. Panthe ṭhatvā paresaṃ sāpateyyaṃ chindanato panthadūhanacoro. Yadi paccavekkhaṇañāṇaṃ, kathaṃ taṃ asekkhanti āha ‘‘asekkhassa pavattattā’’ti. Itarānīti sīlakkhandhādīni. Sayampīti pi-saddo ‘‘asekkhassa pavattā cā’’ti imamatthaṃ sampiṇḍeti.
ниб̣б̣исзванод̇и висзванарахид̇о виг̇ад̇авиломабхааво. на убабаригканд̇ийд̇и на вижаарзнд̇и. ж̇аад̇им̣ ниб̣б̣ад̇д̇им̣ яаад̇и убаг̇ажчад̇ийд̇и ж̇аад̇ияо, ж̇аад̇од̇и ад̇т̇о. д̇знааха ‘‘яад̇т̇а гад̇т̇ажи гулаж̇аад̇з’’д̇и.
Nibbisevanoti visevanarahito vigatavilomabhāvo. Na upaparikkhantīti na vicārenti. Jātiṃ nibbattiṃ yāti upagacchatīti jātiyo, jātoti attho. Tenāha ‘‘yattha katthaci kulajāte’’ti.
гзвалийд̇и гзвалаваа, баарибууримаад̇и ад̇т̇о. д̇знааха ‘‘барибун̣н̣абхаавзна яуд̇д̇о’’д̇и. зд̇ам̣ гзвалийд̇и бад̣̇ам̣. абхин̃н̃аабааранд̇и абхиж̇аанасса баарам̣. барияанд̇ам̣ г̇ад̇ад̇д̇аа баараг̇уу. зса наяо сзсабад̣̇зсуби. кзд̇д̇авинижчаяасаванзнаад̇и ‘‘имзхи сийлаад̣̇иг̇ун̣асамбаннаа сад̣̇звагз логз бун̃н̃асса кзд̇д̇ам̣, д̇ад̣̇ан̃н̃о на кзд̇д̇а’’нд̇и звам̣ кзд̇д̇авинижчаяасаванзна рахид̇аа.
Kevalīti kevalavā, pāripūrimāti attho. Tenāha ‘‘paripuṇṇabhāvena yutto’’ti. Etaṃ kevalīti padaṃ. Abhiññāpāranti abhijānassa pāraṃ. Pariyantaṃ gatattā pāragū. Esa nayo sesapadesupi. Khettavinicchayasavanenāti ‘‘imehi sīlādiguṇasampannā sadevake loke puññassa khettaṃ, tadañño na khetta’’nti evaṃ khettavinicchayasavanena rahitā.
важчаг̇од̇д̇асуд̇д̇аван̣н̣анаа нидтид̇аа.
Vacchagottasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. важчаг̇од̇д̇асуд̇д̇ам̣ • 7. Vacchagottasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. важчаг̇од̇д̇асуд̇д̇аван̣н̣анаа • 7. Vacchagottasuttavaṇṇanā
