| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. વਚ੍ਛਗੋਤ੍ਤਸੁਤ੍ਤવਣ੍ਣਨਾ
7. Vacchagottasuttavaṇṇanā
੫੮. ਸਤ੍ਤਮੇ ਮਹਪ੍ਫਲਨ੍ਤਿ ਮਹਾવਿਪਾਕਂ। ਧਮ੍ਮਸ੍ਸ ਚਾਨੁਧਮ੍ਮਂ ਬ੍ਯਾਕਰੋਨ੍ਤੀਤਿ ਏਤ੍ਥ ਧਮ੍ਮੋ ਨਾਮ ਕਥਿਤਕਥਾ, ਅਨੁਧਮ੍ਮੋ ਨਾਮ ਕਥਿਤਸ੍ਸ ਪਟਿਕਥਨਂ। ਸਹਧਮ੍ਮਿਕੋਤਿ ਸਕਾਰਣੋ ਸਹੇਤੁਕੋ। વਾਦਾਨੁਪਾਤੋਤਿ વਾਦਸ੍ਸ ਅਨੁਪਾਤੋ, ਅਨੁਪਤਨਂ ਪવਤ੍ਤੀਤਿ ਅਤ੍ਥੋ। ਗਾਰਯ੍ਹਂ ਠਾਨਨ੍ਤਿ ਗਰਹਿਤਬ੍ਬਯੁਤ੍ਤਂ ਕਾਰਣਂ। ਇਦਂ વੁਤ੍ਤਂ ਹੋਤਿ – ਭੋਤਾ ਗੋਤਮੇਨ વੁਤ੍ਤਾ ਸਕਾਰਣਾ વਾਦਪ੍ਪવਤ੍ਤਿ ਕਿਞ੍ਚਿਪਿ ਗਾਰਯ੍ਹਂ ਕਾਰਣਂ ਨ ਆਗਚ੍ਛਤੀਤਿ। ਅਥ વਾ ਤੇਹਿ ਪਰੇਹਿ વੁਤ੍ਤਾ ਸਕਾਰਣਾ વਾਦਪ੍ਪવਤ੍ਤਿ ਕਿਞ੍ਚਿ ਗਾਰਯ੍ਹਂ ਕਾਰਣਂ ਨ ਆਗਚ੍ਛਤੀਤਿ ਪੁਚ੍ਛਤਿ।
58. Sattame mahapphalanti mahāvipākaṃ. Dhammassa cānudhammaṃ byākarontīti ettha dhammo nāma kathitakathā, anudhammo nāma kathitassa paṭikathanaṃ. Sahadhammikoti sakāraṇo sahetuko. Vādānupātoti vādassa anupāto, anupatanaṃ pavattīti attho. Gārayhaṃṭhānanti garahitabbayuttaṃ kāraṇaṃ. Idaṃ vuttaṃ hoti – bhotā gotamena vuttā sakāraṇā vādappavatti kiñcipi gārayhaṃ kāraṇaṃ na āgacchatīti. Atha vā tehi parehi vuttā sakāraṇā vādappavatti kiñci gārayhaṃ kāraṇaṃ na āgacchatīti pucchati.
ਅਨ੍ਤਰਾਯਕਰੋ ਹੋਤੀਤਿ ਅਨ੍ਤਰਾਯਂ વਿਨਾਸਂ ਕਿਚ੍ਛਲਾਭਕਂ વਿਲੋਮਕਂ ਕਰੋਤਿ। ਪਾਰਿਪਨ੍ਥਿਕੋਤਿ ਪਨ੍ਥਦੂਹਨਚੋਰੋ। ਖਤੋ ਚ ਹੋਤੀਤਿ ਗੁਣਖਨਨੇਨ ਖਤੋ ਹੋਤਿ। ਉਪਹਤੋਤਿ ਗੁਣੁਪਘਾਤੇਨੇવ ਉਪਹਤੋ।
Antarāyakarohotīti antarāyaṃ vināsaṃ kicchalābhakaṃ vilomakaṃ karoti. Pāripanthikoti panthadūhanacoro. Khato ca hotīti guṇakhananena khato hoti. Upahatoti guṇupaghāteneva upahato.
ਚਨ੍ਦਨਿਕਾਯਾਤਿ ਅਸੁਚਿਕਲਲਕੂਪੇ। ਓਲਿਗਲ੍ਲੇਤਿ ਨਿਦ੍ਧਮਨਕਲਲੇ। ਸੋ ਚਾਤਿ ਸੋ ਸੀਲવਾਤਿ વੁਤ੍ਤਖੀਣਾਸવੋ। ਸੀਲਕ੍ਖਨ੍ਧੇਨਾਤਿ ਸੀਲਰਾਸਿਨਾ। ਸੇਸਪਦੇਸੁਪਿ ਏਸੇવ ਨਯੋ। ਏਤ੍ਥ ਚ વਿਮੁਤ੍ਤਿਞਾਣਦਸ੍ਸਨਂ વੁਚ੍ਚਤਿ ਪਚ੍ਚવੇਕ੍ਖਣਞਾਣਂ, ਤਂ ਅਸੇਕ੍ਖਸ੍ਸ ਪવਤ੍ਤਤ੍ਤਾ ਅਸੇਕ੍ਖਨ੍ਤਿ વੁਤ੍ਤਂ। ਇਤਰਾਨਿ ਸਿਕ੍ਖਾਪਰਿਯੋਸਾਨਪ੍ਪਤ੍ਤਤਾਯ ਸਯਮ੍ਪਿ ਅਸੇਕ੍ਖਾਨੇવ। ਤਾਨਿ ਚ ਪਨ ਲੋਕੁਤ੍ਤਰਾਨਿ, ਪਚ੍ਚવੇਕ੍ਖਣਞਾਣਂ ਲੋਕਿਯਂ।
Candanikāyāti asucikalalakūpe. Oligalleti niddhamanakalale. So cāti so sīlavāti vuttakhīṇāsavo. Sīlakkhandhenāti sīlarāsinā. Sesapadesupi eseva nayo. Ettha ca vimuttiñāṇadassanaṃ vuccati paccavekkhaṇañāṇaṃ, taṃ asekkhassa pavattattā asekkhanti vuttaṃ. Itarāni sikkhāpariyosānappattatāya sayampi asekkhāneva. Tāni ca pana lokuttarāni, paccavekkhaṇañāṇaṃ lokiyaṃ.
ਰੋਹਿਣੀਸੂਤਿ ਰਤ੍ਤવਣ੍ਣਾਸੁ। ਸਰੂਪਾਸੂਤਿ ਅਤ੍ਤਨੋ વਚ੍ਛਕੇਹਿ ਸਮਾਨਰੂਪਾਸੁ। ਪਾਰੇવਤਾਸੂਤਿ ਕਪੋਤવਣ੍ਣਾਸੁ। ਦਨ੍ਤੋਤਿ ਨਿਬ੍ਬਿਸੇવਨੋ। ਪੁਙ੍ਗવੋਤਿ ਉਸਭੋ। ਧੋਰਯ੍ਹੋਤਿ ਧੁਰવਾਹੋ। ਕਲ੍ਯਾਣਜવਨਿਕ੍ਕਮੋਤਿ ਕਲ੍ਯਾਣੇਨ ਉਜੁਨਾ ਜવੇਨ ਗਨ੍ਤਾ। ਨਾਸ੍ਸ વਣ੍ਣਂ ਪਰਿਕ੍ਖਰੇਤਿ ਅਸ੍ਸ ਗੋਣਸ੍ਸ ਸਰੀਰવਣ੍ਣਂ ਨ ਉਪਪਰਿਕ੍ਖਨ੍ਤਿ, ਧੁਰવਹਨਕਮ੍ਮਮੇવ ਪਨ ਉਪਪਰਿਕ੍ਖਨ੍ਤਿ। ਯਸ੍ਮਿਂ ਕਸ੍ਮਿਞ੍ਚਿ ਜਾਤਿਯੇਤਿ ਯਤ੍ਥ ਕਤ੍ਥਚਿ ਕੁਲਜਾਤੇ। ਯਾਸੁ ਕਾਸੁਚਿ ਏਤਾਸੂਤਿ ਏਤਾਸੁ ਖਤ੍ਤਿਯਾਦਿਪ੍ਪਭੇਦਾਸੁ ਯਾਸੁ ਕਾਸੁਚਿ ਜਾਤੀਸੁ।
Rohiṇīsūti rattavaṇṇāsu. Sarūpāsūti attano vacchakehi samānarūpāsu. Pārevatāsūti kapotavaṇṇāsu. Dantoti nibbisevano. Puṅgavoti usabho. Dhorayhoti dhuravāho. Kalyāṇajavanikkamoti kalyāṇena ujunā javena gantā. Nāssa vaṇṇaṃ parikkhareti assa goṇassa sarīravaṇṇaṃ na upaparikkhanti, dhuravahanakammameva pana upaparikkhanti. Yasmiṃ kasmiñci jātiyeti yattha katthaci kulajāte. Yāsu kāsuci etāsūti etāsu khattiyādippabhedāsu yāsu kāsuci jātīsu.
ਬ੍ਰਹ੍ਮਚਰਿਯਸ੍ਸ ਕੇવਲੀਤਿ ਬ੍ਰਹ੍ਮਚਰਿਯਸ੍ਸ ਕੇવਲੇਨ ਸਮਨ੍ਨਾਗਤੋ, ਪਰਿਪੁਣ੍ਣਭਾવੇਨ ਯੁਤ੍ਤੋਤਿ ਅਤ੍ਥੋ। ਖੀਣਾਸવੋ ਹਿ ਸਕਲਬ੍ਰਹ੍ਮਚਾਰੀ ਨਾਮ ਹੋਤਿ। ਤੇਨੇਤਂ વੁਤ੍ਤਂ। ਪਨ੍ਨਭਾਰੋਤਿ ਓਰੋਪਿਤਭਾਰੋ, ਖਨ੍ਧਭਾਰਂ ਕਿਲੇਸਭਾਰਂ ਕਾਮਗੁਣਭਾਰਞ੍ਚ ਓਰੋਪੇਤ੍વਾ ਠਿਤੋਤਿ ਅਤ੍ਥੋ। ਕਤਕਿਚ੍ਚੋਤਿ ਚਤੂਹਿ ਮਗ੍ਗੇਹਿ ਕਿਚ੍ਚਂ ਕਤ੍વਾ ਠਿਤੋ। ਪਾਰਗੂ ਸਬ੍ਬਧਮ੍ਮਾਨਨ੍ਤਿ ਸਬ੍ਬਧਮ੍ਮਾ વੁਚ੍ਚਨ੍ਤਿ ਪਞ੍ਚਕ੍ਖਨ੍ਧਾ ਦ੍વਾਦਸਾਯਤਨਾਨਿ ਅਟ੍ਠਾਰਸ ਧਾਤੁਯੋ, ਤੇਸਂ ਸਬ੍ਬਧਮ੍ਮਾਨਂ ਅਭਿਞ੍ਞਾਪਾਰਂ, ਪਰਿਞ੍ਞਾਪਾਰਂ, ਪਹਾਨਪਾਰਂ, ਭਾવਨਾਪਾਰਂ, ਸਚ੍ਛਿਕਿਰਿਯਾਪਾਰਂ, ਸਮਾਪਤ੍ਤਿਪਾਰਞ੍ਚਾਤਿ ਛਬ੍ਬਿਧਂ ਪਾਰਂ ਗਤਤ੍ਤਾ ਪਾਰਗੂ। ਅਨੁਪਾਦਾਯਾਤਿ ਅਗ੍ਗਹੇਤ੍વਾ। ਨਿਬ੍ਬੁਤੋਤਿ ਕਿਲੇਸਸਨ੍ਤਾਪਰਹਿਤੋ। વਿਰਜੇਤਿ ਰਾਗਦੋਸਮੋਹਰਜਰਹਿਤੇ।
Brahmacariyassa kevalīti brahmacariyassa kevalena samannāgato, paripuṇṇabhāvena yuttoti attho. Khīṇāsavo hi sakalabrahmacārī nāma hoti. Tenetaṃ vuttaṃ. Pannabhāroti oropitabhāro, khandhabhāraṃ kilesabhāraṃ kāmaguṇabhārañca oropetvā ṭhitoti attho. Katakiccoti catūhi maggehi kiccaṃ katvā ṭhito. Pāragū sabbadhammānanti sabbadhammā vuccanti pañcakkhandhā dvādasāyatanāni aṭṭhārasa dhātuyo, tesaṃ sabbadhammānaṃ abhiññāpāraṃ, pariññāpāraṃ, pahānapāraṃ, bhāvanāpāraṃ, sacchikiriyāpāraṃ, samāpattipārañcāti chabbidhaṃ pāraṃ gatattā pāragū. Anupādāyāti aggahetvā. Nibbutoti kilesasantāparahito. Virajeti rāgadosamoharajarahite.
ਅવਿਜਾਨਨ੍ਤਾਤਿ ਖੇਤ੍ਤਂ ਅਜਾਨਨ੍ਤਾ। ਦੁਮ੍ਮੇਧਾਤਿ ਨਿਪ੍ਪਞ੍ਞਾ। ਅਸ੍ਸੁਤਾવਿਨੋਤਿ ਖੇਤ੍ਤવਿਨਿਚ੍ਛਯਸવਨੇਨ ਰਹਿਤਾ। ਬਹਿਦ੍ਧਾਤਿ ਇਮਮ੍ਹਾ ਸਾਸਨਾ ਬਹਿਦ੍ਧਾ। ਨ ਹਿ ਸਨ੍ਤੇ ਉਪਾਸਰੇਤਿ ਬੁਦ੍ਧਪਚ੍ਚੇਕਬੁਦ੍ਧਖੀਣਾਸવੇ ਉਤ੍ਤਮਪੁਰਿਸੇ ਨ ਉਪਸਙ੍ਕਮਨ੍ਤਿ। ਧੀਰਸਮ੍ਮਤੇਤਿ ਪਣ੍ਡਿਤੇਹਿ ਸਮ੍ਮਤੇ ਸਮ੍ਭਾવਿਤੇ। ਮੂਲਜਾਤਾ ਪਤਿਟ੍ਠਿਤਾਤਿ ਇਮਿਨਾ ਸੋਤਾਪਨ੍ਨਸ੍ਸ ਸਦ੍ਧਂ ਦਸ੍ਸੇਤਿ। ਕੁਲੇ વਾ ਇਧ ਜਾਯਰੇਤਿ ਇਧ વਾ ਮਨੁਸ੍ਸਲੋਕੇ ਖਤ੍ਤਿਯਬ੍ਰਾਹ੍ਮਣવੇਸ੍ਸਕੁਲੇ ਜਾਯਨ੍ਤਿ। ਅਯਮੇવ ਹਿ ਤਿવਿਧਾ ਕੁਲਸਮ੍ਪਤ੍ਤਿ ਨਾਮ। ਅਨੁਪੁਬ੍ਬੇਨ ਨਿਬ੍ਬਾਨਂ, ਅਧਿਗਚ੍ਛਨ੍ਤੀਤਿ ਸੀਲਸਮਾਧਿਪਞ੍ਞਾਤਿ ਇਮੇ ਗੁਣੇ ਪੂਰੇਤ੍વਾ ਅਨੁਕ੍ਕਮੇਨ ਨਿਬ੍ਬਾਨਂ ਅਧਿਗਚ੍ਛਨ੍ਤੀਤਿ।
Avijānantāti khettaṃ ajānantā. Dummedhāti nippaññā. Assutāvinoti khettavinicchayasavanena rahitā. Bahiddhāti imamhā sāsanā bahiddhā. Na hi sante upāsareti buddhapaccekabuddhakhīṇāsave uttamapurise na upasaṅkamanti. Dhīrasammateti paṇḍitehi sammate sambhāvite. Mūlajātā patiṭṭhitāti iminā sotāpannassa saddhaṃ dasseti. Kule vā idha jāyareti idha vā manussaloke khattiyabrāhmaṇavessakule jāyanti. Ayameva hi tividhā kulasampatti nāma. Anupubbena nibbānaṃ, adhigacchantīti sīlasamādhipaññāti ime guṇe pūretvā anukkamena nibbānaṃ adhigacchantīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. વਚ੍ਛਗੋਤ੍ਤਸੁਤ੍ਤਂ • 7. Vacchagottasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. વਚ੍ਛਗੋਤ੍ਤਸੁਤ੍ਤવਣ੍ਣਨਾ • 7. Vacchagottasuttavaṇṇanā
