| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. વਚ੍ਛਗੋਤ੍ਤਸੁਤ੍ਤવਣ੍ਣਨਾ
7. Vacchagottasuttavaṇṇanā
੫੮. ਸਤ੍ਤਮੇ ਮਹਾવਿਪਾਕਨ੍ਤਿ ਉਲ਼ਾਰਫਲਂ ਬਹੁવਿਪਾਕਂ। ਧਮ੍ਮੋ ਨਾਮ ਕਥਿਤਕਥਾ ‘‘ਅਤ੍ਥਂ ਦਹਤਿ વਿਦਹਤੀ’’ਤਿ ਕਤ੍વਾ। ਅਨੁਧਮ੍ਮੋ ਨਾਮ ਪਟਿਕਥਨਂ ‘‘ਤਂ ਅਨੁਗਤੋ ਧਮ੍ਮੋ’’ਤਿ ਕਤ੍વਾ। ਸਹ ਧਮ੍ਮੇਨਾਤਿ ਸਹਧਮ੍ਮੋ, ਸੋ ਏવ ਸਹਧਮ੍ਮਿਕੋ। ਧਮ੍ਮਸਦ੍ਦੋ ਚੇਤ੍ਥ ਕਾਰਣਪਰਿਯਾਯੋਤਿ ਆਹ ‘‘ਸਕਾਰਣੋ’’ਤਿ। વਾਦਸ੍ਸਾਤਿ વਚਨਸ੍ਸ। ਅਨੁਪਾਤੋ ਅਨੁਪਚ੍ਛਾ ਪવਤ੍ਤਿ।
58. Sattame mahāvipākanti uḷāraphalaṃ bahuvipākaṃ. Dhammo nāma kathitakathā ‘‘atthaṃ dahati vidahatī’’ti katvā. Anudhammo nāma paṭikathanaṃ ‘‘taṃ anugato dhammo’’ti katvā. Saha dhammenāti sahadhammo, so eva sahadhammiko. Dhammasaddo cettha kāraṇapariyāyoti āha ‘‘sakāraṇo’’ti. Vādassāti vacanassa. Anupāto anupacchā pavatti.
ਪਰਿਪਨ੍ਥੇ ਤਿਟ੍ਠਤੀਤਿ ਪਾਰਿਪਨ੍ਥਿਕੋ। ਪਨ੍ਥੇ ਠਤ੍વਾ ਪਰੇਸਂ ਸਾਪਤੇਯ੍ਯਂ ਛਿਨ੍ਦਨਤੋ ਪਨ੍ਥਦੂਹਨਚੋਰੋ। ਯਦਿ ਪਚ੍ਚવੇਕ੍ਖਣਞਾਣਂ, ਕਥਂ ਤਂ ਅਸੇਕ੍ਖਨ੍ਤਿ ਆਹ ‘‘ਅਸੇਕ੍ਖਸ੍ਸ ਪવਤ੍ਤਤ੍ਤਾ’’ਤਿ। ਇਤਰਾਨੀਤਿ ਸੀਲਕ੍ਖਨ੍ਧਾਦੀਨਿ। ਸਯਮ੍ਪੀਤਿ ਪਿ-ਸਦ੍ਦੋ ‘‘ਅਸੇਕ੍ਖਸ੍ਸ ਪવਤ੍ਤਾ ਚਾ’’ਤਿ ਇਮਮਤ੍ਥਂ ਸਮ੍ਪਿਣ੍ਡੇਤਿ।
Paripanthe tiṭṭhatīti pāripanthiko. Panthe ṭhatvā paresaṃ sāpateyyaṃ chindanato panthadūhanacoro. Yadi paccavekkhaṇañāṇaṃ, kathaṃ taṃ asekkhanti āha ‘‘asekkhassa pavattattā’’ti. Itarānīti sīlakkhandhādīni. Sayampīti pi-saddo ‘‘asekkhassa pavattā cā’’ti imamatthaṃ sampiṇḍeti.
ਨਿਬ੍ਬਿਸੇવਨੋਤਿ વਿਸੇવਨਰਹਿਤੋ વਿਗਤવਿਲੋਮਭਾવੋ। ਨ ਉਪਪਰਿਕ੍ਖਨ੍ਤੀਤਿ ਨ વਿਚਾਰੇਨ੍ਤਿ। ਜਾਤਿਂ ਨਿਬ੍ਬਤ੍ਤਿਂ ਯਾਤਿ ਉਪਗਚ੍ਛਤੀਤਿ ਜਾਤਿਯੋ, ਜਾਤੋਤਿ ਅਤ੍ਥੋ। ਤੇਨਾਹ ‘‘ਯਤ੍ਥ ਕਤ੍ਥਚਿ ਕੁਲਜਾਤੇ’’ਤਿ।
Nibbisevanoti visevanarahito vigatavilomabhāvo. Na upaparikkhantīti na vicārenti. Jātiṃ nibbattiṃ yāti upagacchatīti jātiyo, jātoti attho. Tenāha ‘‘yattha katthaci kulajāte’’ti.
ਕੇવਲੀਤਿ ਕੇવਲવਾ, ਪਾਰਿਪੂਰਿਮਾਤਿ ਅਤ੍ਥੋ। ਤੇਨਾਹ ‘‘ਪਰਿਪੁਣ੍ਣਭਾવੇਨ ਯੁਤ੍ਤੋ’’ਤਿ। ਏਤਂ ਕੇવਲੀਤਿ ਪਦਂ। ਅਭਿਞ੍ਞਾਪਾਰਨ੍ਤਿ ਅਭਿਜਾਨਸ੍ਸ ਪਾਰਂ। ਪਰਿਯਨ੍ਤਂ ਗਤਤ੍ਤਾ ਪਾਰਗੂ। ਏਸ ਨਯੋ ਸੇਸਪਦੇਸੁਪਿ। ਖੇਤ੍ਤવਿਨਿਚ੍ਛਯਸવਨੇਨਾਤਿ ‘‘ਇਮੇਹਿ ਸੀਲਾਦਿਗੁਣਸਮ੍ਪਨ੍ਨਾ ਸਦੇવਕੇ ਲੋਕੇ ਪੁਞ੍ਞਸ੍ਸ ਖੇਤ੍ਤਂ, ਤਦਞ੍ਞੋ ਨ ਖੇਤ੍ਤ’’ਨ੍ਤਿ ਏવਂ ਖੇਤ੍ਤવਿਨਿਚ੍ਛਯਸવਨੇਨ ਰਹਿਤਾ।
Kevalīti kevalavā, pāripūrimāti attho. Tenāha ‘‘paripuṇṇabhāvena yutto’’ti. Etaṃ kevalīti padaṃ. Abhiññāpāranti abhijānassa pāraṃ. Pariyantaṃ gatattā pāragū. Esa nayo sesapadesupi. Khettavinicchayasavanenāti ‘‘imehi sīlādiguṇasampannā sadevake loke puññassa khettaṃ, tadañño na khetta’’nti evaṃ khettavinicchayasavanena rahitā.
વਚ੍ਛਗੋਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vacchagottasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. વਚ੍ਛਗੋਤ੍ਤਸੁਤ੍ਤਂ • 7. Vacchagottasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. વਚ੍ਛਗੋਤ੍ਤਸੁਤ੍ਤવਣ੍ਣਨਾ • 7. Vacchagottasuttavaṇṇanā
