| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. важчаг̇од̇д̇ад̇т̇зраг̇аат̇ааван̣н̣анаа
2. Vacchagottattheragāthāvaṇṇanā
д̇звиж̇ж̇охам̣ махаажхааяийд̇и ааяасмад̇о важчаг̇од̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалаб̣ийж̇ам̣ робзнд̇о вибассисса бхаг̇авад̇о гаалз б̣анд̇хумад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ ран̃н̃аа нааг̇арзхи жа сад̣̇д̇хим̣ б̣уд̣̇д̇хабууж̇ам̣ гад̇ваа д̇ад̇о барам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз вибхавасамбаннасса б̣раахман̣асса буд̇д̇о худ̇ваа ниб̣б̣ад̇д̇и, д̇асса важчаг̇од̇д̇ад̇ааяа важчаг̇од̇д̇од̇взва саман̃н̃аа ахоси. со вин̃н̃уд̇ам̣ бад̇ваа б̣раахман̣авиж̇ж̇аасу нибпад̇д̇им̣ г̇ад̇о вимуд̇д̇им̣ г̇авзсанд̇о д̇ад̇т̇а саарам̣ ад̣̇исваа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа вижаранд̇о сад̇т̇аарам̣ убасан̇гамид̇ваа бан̃хам̣ бужчид̇ваа д̇асмим̣ виссаж̇ж̇ид̇з басаннамаанасо сад̇т̇у санд̇игз баб̣б̣аж̇ид̇ваа вибассанааяа гаммам̣ гаронд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.16.15-20) –
Tevijjohaṃmahājhāyīti āyasmato vacchagottattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalabījaṃ ropento vipassissa bhagavato kāle bandhumatīnagare kulagehe nibbattitvā viññutaṃ patto ekadivasaṃ raññā nāgarehi ca saddhiṃ buddhapūjaṃ katvā tato paraṃ devamanussesu saṃsaranto imasmiṃ buddhuppāde rājagahe vibhavasampannassa brāhmaṇassa putto hutvā nibbatti, tassa vacchagottatāya vacchagottotveva samaññā ahosi. So viññutaṃ patvā brāhmaṇavijjāsu nipphattiṃ gato vimuttiṃ gavesanto tattha sāraṃ adisvā paribbājakapabbajjaṃ pabbajitvā vicaranto satthāraṃ upasaṅkamitvā pañhaṃ pucchitvā tasmiṃ vissajjite pasannamānaso satthu santike pabbajitvā vipassanāya kammaṃ karonto nacirasseva chaḷabhiñño ahosi. Tena vuttaṃ apadāne (apa. thera 1.16.15-20) –
‘‘уд̣̇знд̇ам̣ сад̇арам̣сим̣ва, бийд̇арам̣сим̣ва бхаан̣умам̣;
‘‘Udentaṃ sataraṃsiṃva, pītaraṃsiṃva bhāṇumaṃ;
баннарасз яат̇аа жанд̣̇ам̣, нияяанд̇ам̣ логанааяагам̣.
Pannarase yathā candaṃ, niyyantaṃ lokanāyakaṃ.
‘‘адтасадтисахассаани, саб̣б̣з кийн̣аасаваа ахум̣;
‘‘Aṭṭhasaṭṭhisahassāni, sabbe khīṇāsavā ahuṃ;
бариваарим̣су самб̣уд̣̇д̇хам̣, д̣̇вибад̣̇инд̣̇ам̣ нараасабхам̣.
Parivāriṃsu sambuddhaṃ, dvipadindaṃ narāsabhaṃ.
‘‘саммаж̇ж̇ид̇ваана д̇ам̣ вийт̇им̣, нияяанд̇з логанааяагз;
‘‘Sammajjitvāna taṃ vīthiṃ, niyyante lokanāyake;
уссаабзсим̣ д̇хаж̇ам̣ д̇ад̇т̇а, виббасаннзна жзд̇асаа.
Ussāpesiṃ dhajaṃ tattha, vippasannena cetasā.
‘‘зганавуд̇ид̇о габбз, яам̣ д̇хаж̇ам̣ абхиробаяим̣;
‘‘Ekanavutito kappe, yaṃ dhajaṃ abhiropayiṃ;
д̣̇уг̇г̇ад̇им̣ наабхиж̇аанаами, д̇хаж̇ад̣̇аанассид̣̇ам̣ палам̣.
Duggatiṃ nābhijānāmi, dhajadānassidaṃ phalaṃ.
‘‘ид̇о жад̇уд̇т̇агз габбз, рааж̇аахосим̣ махаб̣б̣ало;
‘‘Ito catutthake kappe, rājāhosiṃ mahabbalo;
саб̣б̣аагаарзна самбанно, суд̇хаж̇о ид̇и виссуд̇о.
Sabbākārena sampanno, sudhajo iti vissuto.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа ад̇д̇ано бадибад̇д̇им̣ бажжавзгкид̇ваа соманассаж̇аад̇о уд̣̇аанавасзна –
Chaḷabhiñño pana hutvā attano paṭipattiṃ paccavekkhitvā somanassajāto udānavasena –
112.
112.
‘‘д̇звиж̇ж̇охам̣ махаажхааяий, жзд̇осамат̇аговид̣̇о;
‘‘Tevijjohaṃ mahājhāyī, cetosamathakovido;
сад̣̇ад̇т̇о мз ануббад̇д̇о, гад̇ам̣ б̣уд̣̇д̇хасса саасана’’нд̇и. – г̇аат̇ам̣ абхааси;
Sadattho me anuppatto, kataṃ buddhassa sāsana’’nti. – gāthaṃ abhāsi;
д̇ад̇т̇а д̇звиж̇ж̇оханд̇и яад̣̇иби мам̣ буб̣б̣з д̇ин̣н̣ам̣ взд̣̇аанам̣ баарам̣ г̇ад̇ад̇д̇аа ‘‘б̣раахман̣о д̇звиж̇ж̇о’’д̇и сан̃ж̇аананд̇и, д̇ам̣ бана саман̃н̃аамад̇д̇ам̣ взд̣̇зсу виж̇ж̇аагижжасса абхаавад̇о. ид̣̇аани бана буб̣б̣зниваасан̃аан̣аад̣̇ийнам̣ д̇иссаннам̣ виж̇ж̇аанам̣ ад̇хиг̇ад̇ад̇д̇аа барамад̇т̇ад̇о д̇звиж̇ж̇о ахам̣, маханд̇асса анавасзсасса самуд̣̇аяабагкияасса гилзсаг̇ан̣асса жхаабанад̇о, маханд̇зна маг̇г̇апалажхаанзна маханд̇асса ул̣аарасса бан̣ийд̇асса ниб̣б̣аанасса жхааяанад̇о жа махаажхааяий. жзд̇осамат̇аговид̣̇од̇и жид̇д̇асан̇кобхагараанам̣ сам̣гилзсад̇хаммаанам̣ вуубасаманзна жзд̇асо самаад̣̇аханз гусало. зд̇зна д̇звиж̇ж̇абхаавасса гааран̣амааха. самаад̇хигосалласахид̇зна хи аасавагкаязна д̇звиж̇ж̇ад̇аа, на гзвалзна. сад̣̇ад̇т̇од̇и сагад̇т̇о га-гаарассааяам̣ д̣̇а-гааро гад̇о ‘‘ануббад̇д̇асад̣̇ад̇т̇о’’д̇иаад̣̇ийсу (ма. ни. 1.9; а. ни. 3.38) вияа. ‘‘сад̣̇ад̇т̇о’’д̇и жа арахад̇д̇ам̣ взд̣̇ид̇аб̣б̣ам̣. д̇ан̃хи ад̇д̇абадиб̣анд̇хадтзна ад̇д̇аанам̣ авиж̇аханадтзна ад̇д̇ано барамад̇т̇адтзна ад̇д̇ано ад̇т̇ад̇д̇аа ‘‘сагад̇т̇о’’д̇и вужжад̇и. свааяам̣ сад̣̇ад̇т̇о мз маяаа ануббад̇д̇о ад̇хиг̇ад̇о. зд̇зна яат̇аавуд̇д̇ам̣ махаажхааяибхаавам̣ сикаабад̇д̇ам̣ гад̇ваа д̣̇ассзд̇и. сзсам̣ вуд̇д̇анаяамзва.
Tattha tevijjohanti yadipi maṃ pubbe tiṇṇaṃ vedānaṃ pāraṃ gatattā ‘‘brāhmaṇo tevijjo’’ti sañjānanti, taṃ pana samaññāmattaṃ vedesu vijjākiccassa abhāvato. Idāni pana pubbenivāsañāṇādīnaṃ tissannaṃ vijjānaṃ adhigatattā paramatthato tevijjo ahaṃ, mahantassa anavasesassa samudayapakkhiyassa kilesagaṇassa jhāpanato, mahantena maggaphalajhānena mahantassa uḷārassa paṇītassa nibbānassa jhāyanato ca mahājhāyī. Cetosamathakovidoti cittasaṅkhobhakarānaṃ saṃkilesadhammānaṃ vūpasamanena cetaso samādahane kusalo. Etena tevijjabhāvassa kāraṇamāha. Samādhikosallasahitena hi āsavakkhayena tevijjatā, na kevalena. Sadatthoti sakattho ka-kārassāyaṃ da-kāro kato ‘‘anuppattasadattho’’tiādīsu (ma. ni. 1.9; a. ni. 3.38) viya. ‘‘Sadattho’’ti ca arahattaṃ veditabbaṃ. Tañhi attapaṭibandhaṭṭhena attānaṃ avijahanaṭṭhena attano paramatthaṭṭhena attano atthattā ‘‘sakattho’’ti vuccati. Svāyaṃ sadattho me mayā anuppatto adhigato. Etena yathāvuttaṃ mahājhāyibhāvaṃ sikhāpattaṃ katvā dasseti. Sesaṃ vuttanayameva.
важчаг̇од̇д̇ад̇т̇зраг̇аат̇ааван̣н̣анаа нидтид̇аа.
Vacchagottattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. важчаг̇од̇д̇ад̇т̇зраг̇аат̇аа • 2. Vacchagottattheragāthā
