1. важчабаалад̇т̇зраг̇аат̇ааван̣н̣анаа

1. Vacchapālattheragāthāvaṇṇanā

сусукуманибун̣ад̇т̇ад̣̇ассинаад̇и ааяасмад̇о важчабаалад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани аажинанд̇о д̣̇звамануссзсу сам̣саранд̇о ид̇о зганавуд̇з габбз б̣раахман̣агулз ниб̣б̣ад̇д̇ид̇ваа б̣раахман̣асиббзсу нибпад̇д̇им̣ г̇анд̇ваа аг̇г̇им̣ барижаранд̇о згад̣̇ивасам̣ махад̇ияаа гам̣сабаад̇ияаа бааяаасам̣ аад̣̇ааяа д̣̇агкин̣зяяам̣ бариязсанд̇о вибассим̣ бхаг̇аванд̇ам̣ аагаасз жан̇гаманд̇ам̣ д̣̇исваа ажчарияаб̣бхуд̇ажид̇д̇аж̇аад̇о бхаг̇аванд̇ам̣ абхиваад̣̇зд̇ваа д̣̇аад̇угаамад̇ам̣ д̣̇ассзси. бадиг̇г̇ахзси бхаг̇аваа анугамбам̣ убаад̣̇ааяа. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз вибхавасамбаннасса б̣раахман̣асса буд̇д̇о худ̇ваа ниб̣б̣ад̇д̇и, важчабаалод̇исса наамам̣ ахоси. со б̣имб̣исаарасамааг̇амз урувзлагассабад̇т̇зрзна ид̣̇д̇хибаадихаарияам̣ д̣̇ассзд̇ваа сад̇т̇у бараманибажжагаарз гад̇з д̇ам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа сад̇д̇аахабаб̣б̣аж̇ид̇о зва вибассанам̣ вад̣дхзд̇ваа чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.13.26-34) –

Susukhumanipuṇatthadassināti āyasmato vacchapālattherassa gāthā. Kā uppatti? Ayampi purimabuddhesu katādhikāro tattha tattha bhave puññāni ācinanto devamanussesu saṃsaranto ito ekanavute kappe brāhmaṇakule nibbattitvā brāhmaṇasippesu nipphattiṃ gantvā aggiṃ paricaranto ekadivasaṃ mahatiyā kaṃsapātiyā pāyāsaṃ ādāya dakkhiṇeyyaṃ pariyesanto vipassiṃ bhagavantaṃ ākāse caṅkamantaṃ disvā acchariyabbhutacittajāto bhagavantaṃ abhivādetvā dātukāmataṃ dassesi. Paṭiggahesi bhagavā anukampaṃ upādāya. So tena puññakammena devamanussesu saṃsaranto imasmiṃ buddhuppāde rājagahe vibhavasampannassa brāhmaṇassa putto hutvā nibbatti, vacchapālotissa nāmaṃ ahosi. So bimbisārasamāgame uruvelakassapattherena iddhipāṭihāriyaṃ dassetvā satthu paramanipaccakāre kate taṃ disvā paṭiladdhasaddho pabbajitvā sattāhapabbajito eva vipassanaṃ vaḍḍhetvā chaḷabhiñño ahosi. Tena vuttaṃ apadāne (apa. thera 1.13.26-34) –

‘‘суван̣н̣аван̣н̣о самб̣уд̣̇д̇хо, б̣аад̇д̇им̣саваралагкан̣о;

‘‘Suvaṇṇavaṇṇo sambuddho, bāttiṃsavaralakkhaṇo;

баванаа абхинигканд̇о, бхигкусан̇гхабурагкад̇о.

Pavanā abhinikkhanto, bhikkhusaṅghapurakkhato.

‘‘махажжаа гам̣сабаад̇ияаа, вад̣дхзд̇ваа бааяасам̣ ахам̣;

‘‘Mahaccā kaṃsapātiyā, vaḍḍhetvā pāyasaṃ ahaṃ;

аахуд̇им̣ яидтугаамо со, убанзсим̣ б̣алим̣ ахам̣.

Āhutiṃ yiṭṭhukāmo so, upanesiṃ baliṃ ahaṃ.

‘‘бхаг̇аваа д̇амхи самаяз, логаж̇здто нараасабхо;

‘‘Bhagavā tamhi samaye, lokajeṭṭho narāsabho;

жан̇гамам̣ сусамааруул̣хо, амб̣арз анилааяанз.

Caṅkamaṃ susamārūḷho, ambare anilāyane.

‘‘д̇ан̃жа ажчарияам̣ д̣̇исваа, аб̣бхуд̇ам̣ ломахам̣санам̣;

‘‘Tañca acchariyaṃ disvā, abbhutaṃ lomahaṃsanaṃ;

табаяид̇ваа гам̣сабаад̇им̣, вибассим̣ абхиваад̣̇аяим̣.

Ṭhapayitvā kaṃsapātiṃ, vipassiṃ abhivādayiṃ.

‘‘д̇увам̣ д̣̇звоси саб̣б̣ан̃н̃уу, сад̣̇звз сахамаанусз;

‘‘Tuvaṃ devosi sabbaññū, sadeve sahamānuse;

анугамбам̣ убаад̣̇ааяа, бадиг̇г̇ан̣ха махаамуни.

Anukampaṃ upādāya, paṭiggaṇha mahāmuni.

‘‘бадиг̇г̇ахзси бхаг̇аваа, саб̣б̣ан̃н̃уу логанааяаго;

‘‘Paṭiggahesi bhagavā, sabbaññū lokanāyako;

мама сан̇габбаман̃н̃ааяа, сад̇т̇аа логз махаамуни.

Mama saṅkappamaññāya, satthā loke mahāmuni.

‘‘зганавуд̇ид̇о габбз, яам̣ д̣̇аанамад̣̇ад̣̇им̣ д̇ад̣̇аа;

‘‘Ekanavutito kappe, yaṃ dānamadadiṃ tadā;

д̣̇уг̇г̇ад̇им̣ наабхиж̇аанаами, бааяаасасса ид̣̇ам̣ палам̣.

Duggatiṃ nābhijānāmi, pāyāsassa idaṃ phalaṃ.

‘‘згад̇аалийсид̇о габбз, б̣уд̣̇д̇хо наамааси кад̇д̇ияо;

‘‘Ekatālīsito kappe, buddho nāmāsi khattiyo;

сад̇д̇арад̇анасамбанно, жаггавад̇д̇ий махаб̣б̣ало.

Sattaratanasampanno, cakkavattī mahabbalo.

‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.

‘‘Kilesā jhāpitā mayhaṃ…pe… kataṃ buddhassa sāsana’’nti.

арахад̇д̇ам̣ бана бад̇ваа сукзнзва ад̇д̇анаа ниб̣б̣аанасса ад̇хиг̇ад̇абхаавам̣ вибхаавзнд̇о –

Arahattaṃ pana patvā sukheneva attanā nibbānassa adhigatabhāvaṃ vibhāvento –

71.

‘‘сусукуманибун̣ад̇т̇ад̣̇ассинаа, мад̇игусалзна ниваад̇авуд̇д̇инаа;

‘‘Susukhumanipuṇatthadassinā, matikusalena nivātavuttinā;

сам̣сзвид̇авуд̣̇д̇хасийлинаа, ниб̣б̣аанам̣ на хи д̇зна д̣̇уллабха’’нд̇и. –

Saṃsevitavuddhasīlinā, nibbānaṃ na hi tena dullabha’’nti. –

имам̣ г̇аат̇ам̣ абхааси.

Imaṃ gāthaṃ abhāsi.

д̇ад̇т̇а сусукуманибун̣ад̇т̇ад̣̇ассинаад̇и ад̇ивияа д̣̇уд̣̇д̣̇асадтзна сукумз, сан̣хадтзна нибун̣з сажжабадижжасамуббаад̣̇аад̣̇иад̇т̇з анижжад̇аад̣̇им̣ оробзд̇ваа бассад̇ийд̇и сусукуманибун̣ад̇т̇ад̣̇ассий, д̇зна. мад̇игусалзнаад̇и мад̇ияаа бан̃н̃ааяа гусалзна чзгзна, ‘‘звам̣ бавад̇д̇амаанасса бан̃н̃аа вад̣дхад̇и, звам̣ на вад̣дхад̇ий’’д̇и д̇хаммавижаяасамб̣ож̇жхан̇г̇абан̃н̃ааяа уббаад̣̇анз гусалзна. ниваад̇авуд̇д̇инаад̇и саб̣рахмажаарийсу ниваад̇анийжавад̇д̇анасийлзна, вуд̣дхзсу навзсу жа яат̇аануруубабадибад̇д̇инаа. сам̣сзвид̇авуд̣̇д̇хасийлинаад̇и сам̣сзвид̇ам̣ аажин̣н̣ам̣ вуд̣̇д̇хасийлам̣ сам̣сзвид̇авуд̣̇д̇хасийлам̣, д̇ам̣ яасса ад̇т̇и, д̇зна сам̣сзвид̇авуд̣̇д̇хасийлинаа. ат̇а ваа сам̣сзвид̇аа убаасид̇аа вуд̣̇д̇хасийлино зд̇знаад̇и сам̣сзвид̇авуд̣̇д̇хасийлий, д̇зна . хийд̇исад̣̇д̣̇о хзд̇уад̇т̇о. яасмаа яо ниваад̇авуд̇д̇и сам̣сзвид̇авуд̣̇д̇хасийлий мад̇игусало сусукуманибун̣ад̇т̇ад̣̇ассий жа, д̇асмаа ниб̣б̣аанам̣ на д̇асса д̣̇уллабханд̇и ад̇т̇о. ниваад̇авуд̇д̇ид̇ааяа хи сам̣сзвид̇авуд̣̇д̇хасийлид̇ааяа жа бан̣д̣ид̇аа д̇ам̣ овад̣̇ид̇аб̣б̣ам̣ анусаасид̇аб̣б̣ам̣ ман̃н̃анд̇и, д̇зсан̃жа оваад̣̇з тид̇о саяам̣ мад̇игусалад̇ааяа сусукуманибун̣ад̇т̇ад̣̇ассид̇ааяа жа вибассанааяа гаммам̣ гаронд̇о нажирассзва ниб̣б̣аанам̣ ад̇хиг̇ажчад̇ийд̇и, аяамзва жа т̇зрасса ан̃н̃ааб̣яаагаран̣аг̇аат̇аа ахосийд̇и.

Tattha susukhumanipuṇatthadassināti ativiya duddasaṭṭhena sukhume, saṇhaṭṭhena nipuṇe saccapaṭiccasamuppādādiatthe aniccatādiṃ oropetvā passatīti susukhumanipuṇatthadassī, tena. Matikusalenāti matiyā paññāya kusalena chekena, ‘‘evaṃ pavattamānassa paññā vaḍḍhati, evaṃ na vaḍḍhatī’’ti dhammavicayasambojjhaṅgapaññāya uppādane kusalena. Nivātavuttināti sabrahmacārīsu nivātanīcavattanasīlena, vuḍḍhesu navesu ca yathānurūpapaṭipattinā. Saṃsevitavuddhasīlināti saṃsevitaṃ āciṇṇaṃ vuddhasīlaṃ saṃsevitavuddhasīlaṃ, taṃ yassa atthi, tena saṃsevitavuddhasīlinā. Atha vā saṃsevitā upāsitā vuddhasīlino etenāti saṃsevitavuddhasīlī, tena . Hītisaddo hetuattho. Yasmā yo nivātavutti saṃsevitavuddhasīlī matikusalo susukhumanipuṇatthadassī ca, tasmā nibbānaṃ na tassa dullabhanti attho. Nivātavuttitāya hi saṃsevitavuddhasīlitāya ca paṇḍitā taṃ ovaditabbaṃ anusāsitabbaṃ maññanti, tesañca ovāde ṭhito sayaṃ matikusalatāya susukhumanipuṇatthadassitāya ca vipassanāya kammaṃ karonto nacirasseva nibbānaṃ adhigacchatīti, ayameva ca therassa aññābyākaraṇagāthā ahosīti.

важчабаалад̇т̇зраг̇аат̇ааван̣н̣анаа нидтид̇аа.

Vacchapālattheragāthāvaṇṇanā niṭṭhitā.

Next: 2. аад̇умад̇т̇зраг̇аат̇ааван̣н̣анаа • 2. Ātumattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. важчабаалад̇т̇зраг̇аат̇аа • 1. Vacchapālattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact