| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৫. ৰচীভেদকথাৰণ্ণনা
5. Vacībhedakathāvaṇṇanā
৩২৬. ৰচীভেদকথাযং লোকুত্তরং পঠমজ্ঝানং সমাপন্নোতি পঠমমগ্গং সন্ধায ৰদতি, যস্মা সো দুক্খন্তি ৰিপস্সতি, তস্মা দুক্খমিচ্চেৰ ৰাচং ভাসতি, ন সমুদযোতিআদীনীতি অধিপ্পাযো।
326. Vacībhedakathāyaṃ lokuttaraṃ paṭhamajjhānaṃ samāpannoti paṭhamamaggaṃ sandhāya vadati, yasmā so dukkhanti vipassati, tasmā dukkhamicceva vācaṃ bhāsati, na samudayotiādīnīti adhippāyo.
৩২৮. যেন তং সদ্দং সুণাতীতি ইদং ৰচীসমুট্ঠাপনক্খণে এৰ এতং সদ্দং সুণাতীতি ইচ্ছিতে আরোপিতে ৰা যুজ্জতি।
328. Yenataṃ saddaṃ suṇātīti idaṃ vacīsamuṭṭhāpanakkhaṇe eva etaṃ saddaṃ suṇātīti icchite āropite vā yujjati.
৩৩২. লোকুত্তরমগ্গক্খণে ৰচীভেদং ইচ্ছতো পরস্স অভিভূসুত্তাহরণে অধিপ্পাযো ৰত্তব্বো।
332. Lokuttaramaggakkhaṇe vacībhedaṃ icchato parassa abhibhūsuttāharaṇe adhippāyo vattabbo.
ৰচীভেদকথাৰণ্ণনা নিট্ঠিতা।
Vacībhedakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৪) ৫. ৰচীভেদকথা • (14) 5. Vacībhedakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. ৰচীভেদকথাৰণ্ণনা • 5. Vacībhedakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. ৰচীভেদকথাৰণ্ণনা • 5. Vacībhedakathāvaṇṇanā
