| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. важийбхзд̣̇агат̇ааван̣н̣анаа
5. Vacībhedakathāvaṇṇanā
326. ид̣̇аани важийбхзд̣̇агат̇аа наама ход̇и. д̇ад̇т̇а язсам̣ ‘‘сод̇аабад̇д̇имаг̇г̇агкан̣з батамам̣ жхаанам̣ самаабаннасса д̣̇угканд̇и ваажаа бхиж̇ж̇ад̇ий’’д̇и лад̣̇д̇хи, сзяяат̇ааби зд̇арахи буб̣б̣асзлияаад̣̇ийнам̣; д̇з санд̇хааяа самаабаннасса ад̇т̇и важийбхзд̣̇од̇и бужчаа сагаваад̣̇исса, лад̣̇д̇хияам̣ тад̇ваа бадин̃н̃аа бараваад̣̇исса. буна саб̣б̣ад̇т̇аад̇и д̇аяо бхавз санд̇хааяа будто аруубам̣ санд̇хааяа бадигкибад̇и. саб̣б̣ад̣̇аад̇и гаалавасзна будто батамамаг̇г̇агкан̣з батамаж̇жхаанигасамаабад̇д̇ид̇о ан̃н̃ам̣ саб̣б̣ам̣ самаабад̇д̇игаалам̣ санд̇хааяа бадигкибад̇и. саб̣б̣зсам̣ самаабаннаананд̇и будто логияасамаабад̇д̇ияо самаабаннз санд̇хааяа бадигкибад̇и. саб̣б̣асамаабад̇д̇ийсууд̇и будто д̣̇уд̇ияаж̇жхаанаад̣̇игам̣ логуд̇д̇арам̣ саб̣б̣ан̃жа логияасамаабад̇д̇им̣ санд̇хааяа бадигкибад̇и.
326. Idāni vacībhedakathā nāma hoti. Tattha yesaṃ ‘‘sotāpattimaggakkhaṇe paṭhamaṃ jhānaṃ samāpannassa dukkhanti vācā bhijjatī’’ti laddhi, seyyathāpi etarahi pubbaseliyādīnaṃ; te sandhāya samāpannassa atthi vacībhedoti pucchā sakavādissa, laddhiyaṃ ṭhatvā paṭiññā paravādissa. Puna sabbatthāti tayo bhave sandhāya puṭṭho arūpaṃ sandhāya paṭikkhipati. Sabbadāti kālavasena puṭṭho paṭhamamaggakkhaṇe paṭhamajjhānikasamāpattito aññaṃ sabbaṃ samāpattikālaṃ sandhāya paṭikkhipati. Sabbesaṃ samāpannānanti puṭṭho lokiyasamāpattiyo samāpanne sandhāya paṭikkhipati. Sabbasamāpattīsūti puṭṭho dutiyajjhānādikaṃ lokuttaraṃ sabbañca lokiyasamāpattiṃ sandhāya paṭikkhipati.
гааяабхзд̣̇од̇и абхиггамаад̣̇ивасзна бавад̇д̇агааяавин̃н̃ад̇д̇и. ид̣̇ам̣ ‘‘яаани жид̇д̇аани важийвин̃н̃ад̇д̇им̣ самудтаабзнд̇и, д̇аанзва гааяавин̃н̃ад̇д̇им̣. звам̣ санд̇з гасмаа гааяабхзд̣̇оби на ход̇ий’’д̇и жод̣̇анад̇т̇ам̣ бужчад̇и. ид̇аро лад̣̇д̇хивасзна бадигкибад̇и жзва бадиж̇аанаад̇и жа. ид̣̇аани яад̣̇и со маг̇г̇агкан̣з ‘‘д̣̇угка’’нд̇и ваажам̣ бхаасад̇и, ‘‘самуд̣̇аяо’’д̇иаад̣̇игамби бхаасзяяа. яад̣̇и ваа д̇ам̣ на бхаасад̇и, ид̇арамби на бхаасзяяаад̇и жод̣̇анад̇т̇ам̣ д̣̇угканд̇и ж̇аананд̇од̇иаад̣̇аяо бан̃хаа вуд̇д̇аа. ид̇аро бана ад̇д̇ано лад̣̇д̇хивасзнзва бадиж̇аанаад̇и жзва бадигкибад̇и жа. логуд̇д̇арам̣ батамаж̇жхаанам̣ самаабанно д̣̇угкад̣̇угканд̇и вибассад̇ийд̇и хисса лад̣̇д̇хи.
Kāyabhedoti abhikkamādivasena pavattakāyaviññatti. Idaṃ ‘‘yāni cittāni vacīviññattiṃ samuṭṭhāpenti, tāneva kāyaviññattiṃ. Evaṃ sante kasmā kāyabhedopi na hotī’’ti codanatthaṃ pucchati. Itaro laddhivasena paṭikkhipati ceva paṭijānāti ca. Idāni yadi so maggakkhaṇe ‘‘dukkha’’nti vācaṃ bhāsati, ‘‘samudayo’’tiādikampi bhāseyya. Yadi vā taṃ na bhāsati, itarampi na bhāseyyāti codanatthaṃ dukkhanti jānantotiādayo pañhā vuttā. Itaro pana attano laddhivaseneva paṭijānāti ceva paṭikkhipati ca. Lokuttaraṃ paṭhamajjhānaṃ samāpanno dukkhadukkhanti vipassatīti hissa laddhi.
328. н̃аан̣анд̇и логуд̇д̇арам̣ жад̇усажжан̃аан̣ам̣. сод̇анд̇и сод̇авин̃н̃аан̣ам̣ ад̇хиббзд̇ам̣, язна д̇ам̣ сад̣̇д̣̇ам̣ сун̣аад̇и. д̣̇виннам̣ пассаананд̇и сод̇асампассаманосампассаанам̣.
328. Ñāṇanti lokuttaraṃ catusaccañāṇaṃ. Sotanti sotaviññāṇaṃ adhippetaṃ, yena taṃ saddaṃ suṇāti. Dvinnaṃ phassānanti sotasamphassamanosamphassānaṃ.
329. но вад̇а рз вад̇д̇аб̣б̣зд̇и яад̣̇и ависзсзна яам̣гин̃жи самаабаннасса над̇т̇и важийбхзд̣̇о, на ависзсзна вад̇д̇аб̣б̣ам̣ ‘‘самаабаннасса ад̇т̇и важийбхзд̣̇о’’д̇и. сзсамзд̇т̇а уд̇д̇аанад̇т̇амзва сад̣̇д̇хим̣ суд̇д̇асаад̇ханааяа. яам̣ банзд̇зна ‘‘сикисса аананд̣̇а, бхаг̇авад̇о’’д̇и барияосаанз суд̇д̇ам̣ аабхад̇ам̣, д̇ад̇т̇а язна самаабад̇д̇ижид̇д̇зна со важийбхзд̣̇о самудтид̇о, гааяабхзд̣̇оби д̇зна самудтаад̇иязва, на жа д̇ам̣ логуд̇д̇арам̣ батамаж̇жхаанажид̇д̇ам̣, д̇асмаа асаад̇хаганд̇и.
329. No vata re vattabbeti yadi avisesena yaṃkiñci samāpannassa natthi vacībhedo, na avisesena vattabbaṃ ‘‘samāpannassa atthi vacībhedo’’ti. Sesamettha uttānatthameva saddhiṃ suttasādhanāya. Yaṃ panetena ‘‘sikhissa ānanda, bhagavato’’ti pariyosāne suttaṃ ābhataṃ, tattha yena samāpatticittena so vacībhedo samuṭṭhito, kāyabhedopi tena samuṭṭhātiyeva, na ca taṃ lokuttaraṃ paṭhamajjhānacittaṃ, tasmā asādhakanti.
важийбхзд̣̇агат̇ааван̣н̣анаа.
Vacībhedakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (14) 5. важийбхзд̣̇агат̇аа • (14) 5. Vacībhedakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. важийбхзд̣̇агат̇ааван̣н̣анаа • 5. Vacībhedakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. важийбхзд̣̇агат̇ааван̣н̣анаа • 5. Vacībhedakathāvaṇṇanā
