| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
5. важийбхзд̣̇агат̇ааван̣н̣анаа
5. Vacībhedakathāvaṇṇanā
326. сод̇и батамамаг̇г̇адто. д̇асмаад̇и яасмаа ‘‘вираж̇ам̣ вийд̇амалам̣ д̇хаммажагкум̣ уд̣̇абаад̣̇и ‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’’нд̇и суд̇д̇асса ад̇т̇ам̣ ан̃н̃ат̇аа г̇ахзд̇ваа уд̣̇аяаб̣б̣аяаанубассанааниссанд̣̇зна маг̇г̇агкан̣зби д̣̇угканд̇и вибассанаа убадтаад̇и, д̇асмаа ‘‘со д̣̇угкамижжзва ваажам̣ бхаасад̇ий’’д̇и вад̣̇анд̇и.
326. Soti paṭhamamaggaṭṭho. Tasmāti yasmā ‘‘virajaṃ vītamalaṃ dhammacakkhuṃ udapādi ‘yaṃ kiñci samudayadhammaṃ, sabbaṃ taṃ nirodhadhamma’’’nti suttassa atthaṃ aññathā gahetvā udayabbayānupassanānissandena maggakkhaṇepi dukkhanti vipassanā upaṭṭhāti, tasmā ‘‘so dukkhamicceva vācaṃ bhāsatī’’ti vadanti.
328. ижчид̇зд̇и бараваад̣̇инаа самбадижчид̇з. ааробид̇зд̇и яуд̇д̇инид̣̇д̇хааран̣зна д̇асмим̣ ад̇т̇з бад̇идтаабид̇з яуж̇ж̇ад̇и, важийсамудтаабанагкан̣ад̇о бана бажчаа д̇ам̣ сад̣̇д̣̇ам̣ сун̣аад̇ийд̇и ижчид̇з на яуж̇ж̇ад̇и сод̇авин̃н̃аан̣асса бажжуббаннаарамман̣ад̇д̇аад̇и ад̇хиббааяо. яасмаа бана ад̇д̇анаа нижчаарид̇ам̣ сад̣̇д̣̇ам̣ ад̇д̇анааби сун̣аад̇и, д̇асмаа сод̇авин̃н̃аан̣ам̣ ‘‘язна д̇ам̣ сад̣̇д̣̇ам̣ сун̣аад̇ий’’д̇и адтагат̇ааяам̣ вуд̇д̇анд̇и д̣̇адтаб̣б̣ам̣.
328. Icchiteti paravādinā sampaṭicchite. Āropiteti yuttiniddhāraṇena tasmiṃ atthe patiṭṭhāpite yujjati, vacīsamuṭṭhāpanakkhaṇato pana pacchā taṃ saddaṃ suṇātīti icchite na yujjati sotaviññāṇassa paccuppannārammaṇattāti adhippāyo. Yasmā pana attanā nicchāritaṃ saddaṃ attanāpi suṇāti, tasmā sotaviññāṇaṃ ‘‘yena taṃ saddaṃ suṇātī’’ti aṭṭhakathāyaṃ vuttanti daṭṭhabbaṃ.
332. логуд̇д̇арамаг̇г̇агкан̣зд̇и батамаж̇жхаанигасса батамамаг̇г̇асса кан̣з. абхибхуусуд̇д̇аахаран̣з ад̇хиббааяо вад̇д̇аб̣б̣од̇и зд̇зна д̇ад̣̇аахаран̣асса асамб̣анд̇хад̇ам̣ д̣̇ассзд̇и. д̇знааха ‘‘д̇асмаа асаад̇хага’’нд̇и.
332. Lokuttaramaggakkhaṇeti paṭhamajjhānikassa paṭhamamaggassa khaṇe. Abhibhūsuttāharaṇe adhippāyo vattabboti etena tadāharaṇassa asambandhataṃ dasseti. Tenāha ‘‘tasmā asādhaka’’nti.
важийбхзд̣̇агат̇ааван̣н̣анаа нидтид̇аа.
Vacībhedakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (14) 5. важийбхзд̣̇агат̇аа • (14) 5. Vacībhedakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. важийбхзд̣̇агат̇ааван̣н̣анаа • 5. Vacībhedakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. важийбхзд̣̇агат̇ааван̣н̣анаа • 5. Vacībhedakathāvaṇṇanā
