| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੫. વਚੀਭੇਦਕਥਾવਣ੍ਣਨਾ
5. Vacībhedakathāvaṇṇanā
੩੨੬. ਸੋਤਿ ਪਠਮਮਗ੍ਗਟ੍ਠੋ। ਤਸ੍ਮਾਤਿ ਯਸ੍ਮਾ ‘‘વਿਰਜਂ વੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ ‘ਯਂ ਕਿਞ੍ਚਿ ਸਮੁਦਯਧਮ੍ਮਂ, ਸਬ੍ਬਂ ਤਂ ਨਿਰੋਧਧਮ੍ਮ’’’ਨ੍ਤਿ ਸੁਤ੍ਤਸ੍ਸ ਅਤ੍ਥਂ ਅਞ੍ਞਥਾ ਗਹੇਤ੍વਾ ਉਦਯਬ੍ਬਯਾਨੁਪਸ੍ਸਨਾਨਿਸ੍ਸਨ੍ਦੇਨ ਮਗ੍ਗਕ੍ਖਣੇਪਿ ਦੁਕ੍ਖਨ੍ਤਿ વਿਪਸ੍ਸਨਾ ਉਪਟ੍ਠਾਤਿ, ਤਸ੍ਮਾ ‘‘ਸੋ ਦੁਕ੍ਖਮਿਚ੍ਚੇવ વਾਚਂ ਭਾਸਤੀ’’ਤਿ વਦਨ੍ਤਿ।
326. Soti paṭhamamaggaṭṭho. Tasmāti yasmā ‘‘virajaṃ vītamalaṃ dhammacakkhuṃ udapādi ‘yaṃ kiñci samudayadhammaṃ, sabbaṃ taṃ nirodhadhamma’’’nti suttassa atthaṃ aññathā gahetvā udayabbayānupassanānissandena maggakkhaṇepi dukkhanti vipassanā upaṭṭhāti, tasmā ‘‘so dukkhamicceva vācaṃ bhāsatī’’ti vadanti.
੩੨੮. ਇਚ੍ਛਿਤੇਤਿ ਪਰવਾਦਿਨਾ ਸਮ੍ਪਟਿਚ੍ਛਿਤੇ। ਆਰੋਪਿਤੇਤਿ ਯੁਤ੍ਤਿਨਿਦ੍ਧਾਰਣੇਨ ਤਸ੍ਮਿਂ ਅਤ੍ਥੇ ਪਤਿਟ੍ਠਾਪਿਤੇ ਯੁਜ੍ਜਤਿ, વਚੀਸਮੁਟ੍ਠਾਪਨਕ੍ਖਣਤੋ ਪਨ ਪਚ੍ਛਾ ਤਂ ਸਦ੍ਦਂ ਸੁਣਾਤੀਤਿ ਇਚ੍ਛਿਤੇ ਨ ਯੁਜ੍ਜਤਿ ਸੋਤવਿਞ੍ਞਾਣਸ੍ਸ ਪਚ੍ਚੁਪ੍ਪਨ੍ਨਾਰਮ੍ਮਣਤ੍ਤਾਤਿ ਅਧਿਪ੍ਪਾਯੋ। ਯਸ੍ਮਾ ਪਨ ਅਤ੍ਤਨਾ ਨਿਚ੍ਛਾਰਿਤਂ ਸਦ੍ਦਂ ਅਤ੍ਤਨਾਪਿ ਸੁਣਾਤਿ, ਤਸ੍ਮਾ ਸੋਤવਿਞ੍ਞਾਣਂ ‘‘ਯੇਨ ਤਂ ਸਦ੍ਦਂ ਸੁਣਾਤੀ’’ਤਿ ਅਟ੍ਠਕਥਾਯਂ વੁਤ੍ਤਨ੍ਤਿ ਦਟ੍ਠਬ੍ਬਂ।
328. Icchiteti paravādinā sampaṭicchite. Āropiteti yuttiniddhāraṇena tasmiṃ atthe patiṭṭhāpite yujjati, vacīsamuṭṭhāpanakkhaṇato pana pacchā taṃ saddaṃ suṇātīti icchite na yujjati sotaviññāṇassa paccuppannārammaṇattāti adhippāyo. Yasmā pana attanā nicchāritaṃ saddaṃ attanāpi suṇāti, tasmā sotaviññāṇaṃ ‘‘yena taṃ saddaṃ suṇātī’’ti aṭṭhakathāyaṃ vuttanti daṭṭhabbaṃ.
੩੩੨. ਲੋਕੁਤ੍ਤਰਮਗ੍ਗਕ੍ਖਣੇਤਿ ਪਠਮਜ੍ਝਾਨਿਕਸ੍ਸ ਪਠਮਮਗ੍ਗਸ੍ਸ ਖਣੇ। ਅਭਿਭੂਸੁਤ੍ਤਾਹਰਣੇ ਅਧਿਪ੍ਪਾਯੋ વਤ੍ਤਬ੍ਬੋਤਿ ਏਤੇਨ ਤਦਾਹਰਣਸ੍ਸ ਅਸਮ੍ਬਨ੍ਧਤਂ ਦਸ੍ਸੇਤਿ। ਤੇਨਾਹ ‘‘ਤਸ੍ਮਾ ਅਸਾਧਕ’’ਨ੍ਤਿ।
332. Lokuttaramaggakkhaṇeti paṭhamajjhānikassa paṭhamamaggassa khaṇe. Abhibhūsuttāharaṇe adhippāyo vattabboti etena tadāharaṇassa asambandhataṃ dasseti. Tenāha ‘‘tasmā asādhaka’’nti.
વਚੀਭੇਦਕਥਾવਣ੍ਣਨਾ ਨਿਟ੍ਠਿਤਾ।
Vacībhedakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੪) ੫. વਚੀਭੇਦਕਥਾ • (14) 5. Vacībhedakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. વਚੀਭੇਦਕਥਾવਣ੍ਣਨਾ • 5. Vacībhedakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. વਚੀਭੇਦਕਥਾવਣ੍ਣਨਾ • 5. Vacībhedakathāvaṇṇanā
