| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൫. വചീഭേദകഥാവണ്ണനാ
5. Vacībhedakathāvaṇṇanā
൩൨൬. സോതി പഠമമഗ്ഗട്ഠോ. തസ്മാതി യസ്മാ ‘‘വിരജം വീതമലം ധമ്മചക്ഖും ഉദപാദി ‘യം കിഞ്ചി സമുദയധമ്മം, സബ്ബം തം നിരോധധമ്മ’’’ന്തി സുത്തസ്സ അത്ഥം അഞ്ഞഥാ ഗഹേത്വാ ഉദയബ്ബയാനുപസ്സനാനിസ്സന്ദേന മഗ്ഗക്ഖണേപി ദുക്ഖന്തി വിപസ്സനാ ഉപട്ഠാതി, തസ്മാ ‘‘സോ ദുക്ഖമിച്ചേവ വാചം ഭാസതീ’’തി വദന്തി.
326. Soti paṭhamamaggaṭṭho. Tasmāti yasmā ‘‘virajaṃ vītamalaṃ dhammacakkhuṃ udapādi ‘yaṃ kiñci samudayadhammaṃ, sabbaṃ taṃ nirodhadhamma’’’nti suttassa atthaṃ aññathā gahetvā udayabbayānupassanānissandena maggakkhaṇepi dukkhanti vipassanā upaṭṭhāti, tasmā ‘‘so dukkhamicceva vācaṃ bhāsatī’’ti vadanti.
൩൨൮. ഇച്ഛിതേതി പരവാദിനാ സമ്പടിച്ഛിതേ. ആരോപിതേതി യുത്തിനിദ്ധാരണേന തസ്മിം അത്ഥേ പതിട്ഠാപിതേ യുജ്ജതി, വചീസമുട്ഠാപനക്ഖണതോ പന പച്ഛാ തം സദ്ദം സുണാതീതി ഇച്ഛിതേ ന യുജ്ജതി സോതവിഞ്ഞാണസ്സ പച്ചുപ്പന്നാരമ്മണത്താതി അധിപ്പായോ. യസ്മാ പന അത്തനാ നിച്ഛാരിതം സദ്ദം അത്തനാപി സുണാതി, തസ്മാ സോതവിഞ്ഞാണം ‘‘യേന തം സദ്ദം സുണാതീ’’തി അട്ഠകഥായം വുത്തന്തി ദട്ഠബ്ബം.
328. Icchiteti paravādinā sampaṭicchite. Āropiteti yuttiniddhāraṇena tasmiṃ atthe patiṭṭhāpite yujjati, vacīsamuṭṭhāpanakkhaṇato pana pacchā taṃ saddaṃ suṇātīti icchite na yujjati sotaviññāṇassa paccuppannārammaṇattāti adhippāyo. Yasmā pana attanā nicchāritaṃ saddaṃ attanāpi suṇāti, tasmā sotaviññāṇaṃ ‘‘yena taṃ saddaṃ suṇātī’’ti aṭṭhakathāyaṃ vuttanti daṭṭhabbaṃ.
൩൩൨. ലോകുത്തരമഗ്ഗക്ഖണേതി പഠമജ്ഝാനികസ്സ പഠമമഗ്ഗസ്സ ഖണേ. അഭിഭൂസുത്താഹരണേ അധിപ്പായോ വത്തബ്ബോതി ഏതേന തദാഹരണസ്സ അസമ്ബന്ധതം ദസ്സേതി. തേനാഹ ‘‘തസ്മാ അസാധക’’ന്തി.
332. Lokuttaramaggakkhaṇeti paṭhamajjhānikassa paṭhamamaggassa khaṇe. Abhibhūsuttāharaṇe adhippāyo vattabboti etena tadāharaṇassa asambandhataṃ dasseti. Tenāha ‘‘tasmā asādhaka’’nti.
വചീഭേദകഥാവണ്ണനാ നിട്ഠിതാ.
Vacībhedakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൪) ൫. വചീഭേദകഥാ • (14) 5. Vacībhedakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫. വചീഭേദകഥാവണ്ണനാ • 5. Vacībhedakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൫. വചീഭേദകഥാവണ്ണനാ • 5. Vacībhedakathāvaṇṇanā
