| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
важийгаммад̣̇ваарагат̇аа
Vacīkammadvārakathā
важийгаммад̣̇ваарагат̇ааяам̣ бана жзд̇анаавирад̇исад̣̇д̣̇авасзна д̇ивид̇хаа ваажаа наама. д̇ад̇т̇а ‘‘жад̇уухи, бхигкавз, ан̇г̇зхи саманнааг̇ад̇аа ваажаа субхаасид̇аа ход̇и но д̣̇уб̣бхаасид̇аа, анаваж̇ж̇аа жа анануваж̇ж̇аа жа вин̃н̃ууна’’нд̇и (сам̣. ни. 1.213); аяам̣ жзд̇анааваажаа наама. яаа ‘‘жад̇уухи важийд̣̇ужжарид̇зхи аарад̇и вирад̇и…бз… аяам̣ вужжад̇и саммааваажаа’’д̇и (вибха. 206), аяам̣ вирад̇иваажаа наама. ‘‘ваажаа г̇ираа б̣яаббат̇о уд̣̇ийран̣ам̣ гхосо гхосагаммам̣ ваажаа важийбхзд̣̇о’’д̇и (д̇ха. са. 850), аяам̣ сад̣̇д̣̇аваажаа наама. д̇аасу важийгаммад̣̇вааранд̇и нзва жзд̇анааяа наамам̣ на вирад̇ияаа. сахасад̣̇д̣̇аа бана згаа вин̃н̃ад̇д̇и ад̇т̇и, ид̣̇ам̣ важийгаммад̣̇ваарам̣ наама. яам̣ санд̇хааяа вуд̇д̇ам̣ – ‘‘гад̇амам̣ д̇ам̣ руубам̣ важийвин̃н̃ад̇д̇и? яаа гусалажид̇д̇асса ваа агусалажид̇д̇асса ваа аб̣яаагад̇ажид̇д̇асса ваа ваажаа г̇ираа б̣яаббат̇о уд̣̇ийран̣ам̣ гхосо гхосагаммам̣ ваажаа важийбхзд̣̇о, аяам̣ вужжад̇и ваажаа. яаа д̇ааяа ваажааяа вин̃н̃ад̇д̇и вин̃н̃аабанаа вин̃н̃аабид̇ад̇д̇ам̣, ид̣̇ам̣ д̇ам̣ руубам̣ важийвин̃н̃ад̇д̇ий’’д̇и (д̇ха. са. 636).
Vacīkammadvārakathāyaṃ pana cetanāviratisaddavasena tividhā vācā nāma. Tattha ‘‘catūhi, bhikkhave, aṅgehi samannāgatā vācā subhāsitā hoti no dubbhāsitā, anavajjā ca ananuvajjā ca viññūna’’nti (saṃ. ni. 1.213); ayaṃ cetanāvācā nāma. Yā ‘‘catūhi vacīduccaritehi ārati virati…pe… ayaṃ vuccati sammāvācā’’ti (vibha. 206), ayaṃ virativācā nāma. ‘‘Vācā girā byappatho udīraṇaṃ ghoso ghosakammaṃ vācā vacībhedo’’ti (dha. sa. 850), ayaṃ saddavācā nāma. Tāsu vacīkammadvāranti neva cetanāya nāmaṃ na viratiyā. Sahasaddā pana ekā viññatti atthi, idaṃ vacīkammadvāraṃ nāma. Yaṃ sandhāya vuttaṃ – ‘‘katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ, idaṃ taṃ rūpaṃ vacīviññattī’’ti (dha. sa. 636).
‘ид̣̇ам̣ вагкаами зд̇ам̣ вагкаамий’д̇и хи вид̇аггаяад̇о вид̇аггавибпаарасад̣̇д̣̇о наама уббаж̇ж̇ад̇и. аяам̣ на сод̇авин̃н̃зяяо мановин̃н̃зяяод̇и махааадтагат̇ааяам̣ ааг̇ад̇о. ааг̇амадтагат̇аасу бана ‘вид̇аггавибпаарасад̣̇д̣̇а’нд̇и вид̇аггавибпааравасзна уббаннам̣ виббалабанд̇аанам̣ суд̇д̇аббамад̇д̇аад̣̇ийнам̣ сад̣̇д̣̇ам̣; ‘суд̇ваа’д̇и д̇ам̣ суд̇ваа, яам̣ вид̇аггаяад̇о д̇асса со сад̣̇д̣̇о уббанно; д̇асса васзна ‘звамби д̇з мано, ид̇т̇амби д̇з мано’д̇и аад̣̇исад̇ийд̇и вад̇ваа вад̇т̇ууниби гат̇ид̇аани. бадтаанзби ‘‘жид̇д̇асамудтаанам̣ сад̣̇д̣̇ааяад̇анам̣ сод̇авин̃н̃аан̣асса аарамман̣абажжаязна бажжаяо’’д̇и ааг̇ад̇ам̣. д̇асмаа винаа вин̃н̃ад̇д̇игхадданааяа уббаж̇ж̇амаано асод̇авин̃н̃зяяо вид̇аггавибпаарасад̣̇д̣̇о наама над̇т̇и. ‘ид̣̇ам̣ вагкаами зд̇ам̣ вагкаамий’д̇и уббаж̇ж̇амаанам̣ бана жид̇д̇ам̣ бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇у ван̣н̣о г̇анд̇хо расо ож̇аад̇и адта руубаани самудтаабзд̇и. д̇зсам̣ аб̣бханд̇арз жид̇д̇асамудтаанаа бат̇авийд̇хаад̇у убаад̣̇иннагам̣ гхаддаяамаанаава уббаж̇ж̇ад̇и. д̇зна д̇хаад̇усан̇гхадданзна сахзва сад̣̇д̣̇о уббаж̇ж̇ад̇ийд̇и. аяам̣ жид̇д̇асамудтаанасад̣̇д̣̇о наама. аяам̣ на вин̃н̃ад̇д̇и. д̇ассаа бана жид̇д̇асамудтаанааяа бат̇авийд̇хаад̇уяаа убаад̣̇иннагагхадданасса бажжаяабхууд̇о зго аагааравигааро ад̇т̇и, аяам̣ важийвин̃н̃ад̇д̇и наама. ид̇о барам̣ саа адта руубаани вияа на жид̇д̇асамудтаанаад̇иаад̣̇и саб̣б̣ам̣ хздтаа вуд̇д̇анаязнзва взд̣̇ид̇аб̣б̣ам̣.
‘Idaṃ vakkhāmi etaṃ vakkhāmī’ti hi vitakkayato vitakkavipphārasaddo nāma uppajjati. Ayaṃ na sotaviññeyyo manoviññeyyoti mahāaṭṭhakathāyaṃ āgato. Āgamaṭṭhakathāsu pana ‘vitakkavipphārasadda’nti vitakkavipphāravasena uppannaṃ vippalapantānaṃ suttappamattādīnaṃ saddaṃ; ‘sutvā’ti taṃ sutvā, yaṃ vitakkayato tassa so saddo uppanno; tassa vasena ‘evampi te mano, itthampi te mano’ti ādisatīti vatvā vatthūnipi kathitāni. Paṭṭhānepi ‘‘cittasamuṭṭhānaṃ saddāyatanaṃ sotaviññāṇassa ārammaṇapaccayena paccayo’’ti āgataṃ. Tasmā vinā viññattighaṭṭanāya uppajjamāno asotaviññeyyo vitakkavipphārasaddo nāma natthi. ‘Idaṃ vakkhāmi etaṃ vakkhāmī’ti uppajjamānaṃ pana cittaṃ pathavīdhātu āpodhātu tejodhātu vāyodhātu vaṇṇo gandho raso ojāti aṭṭha rūpāni samuṭṭhāpeti. Tesaṃ abbhantare cittasamuṭṭhānā pathavīdhātu upādinnakaṃ ghaṭṭayamānāva uppajjati. Tena dhātusaṅghaṭṭanena saheva saddo uppajjatīti. Ayaṃ cittasamuṭṭhānasaddo nāma. Ayaṃ na viññatti. Tassā pana cittasamuṭṭhānāya pathavīdhātuyā upādinnakaghaṭṭanassa paccayabhūto eko ākāravikāro atthi, ayaṃ vacīviññatti nāma. Ito paraṃ sā aṭṭha rūpāni viya na cittasamuṭṭhānātiādi sabbaṃ heṭṭhā vuttanayeneva veditabbaṃ.
ид̇хааби хи ‘д̇исса, д̣̇ад̇д̇а, мид̇д̇аа’д̇и баггосанд̇асса сад̣̇д̣̇ам̣ суд̇ваа вин̃н̃ад̇д̇им̣ манод̣̇вааригажид̇д̇зна жинд̇зд̇ваа ‘ид̣̇ан̃жид̣̇ан̃жа зса гаарзд̇и ман̃н̃з’д̇и ж̇аанаад̇и. гааяавин̃н̃ад̇д̇и вияа жа аяамби д̇иражчаанаг̇ад̇аанамби баагадаа ход̇и. ‘зхи, яаахий’д̇и хи сад̣̇д̣̇ам̣ суд̇ваа д̇иражчаанаг̇ад̇ааби ‘ид̣̇ам̣ наамзса гаарзд̇и ман̃н̃з’д̇и н̃ад̇ваа ааг̇ажчанд̇и жзва г̇ажчанд̇и жа. д̇исамудтаанигагааяам̣ жаалзд̇и на жаалзд̇ийд̇и, аяам̣ бана вааро ид̇ха на лаб̣бхад̇и. буримажид̇д̇асамудтаанааяа убад̇т̇амбханагижжамби над̇т̇и. яаа бана д̇асмим̣ важийд̣̇ваарз сид̣̇д̇хаа жзд̇анаа, яааяа мусаа гат̇зд̇и, бзсун̃н̃ам̣ гат̇зд̇и, парусам̣ гат̇зд̇и, сампам̣ балабад̇и, мусааваад̣̇аад̣̇ийхи вирамад̇и, ид̣̇ам̣ важийгаммам̣ наама. ид̇о барам̣ саб̣б̣ам̣ гаммававад̇т̇аанан̃жа д̣̇ваарававад̇т̇аанан̃жа хздтаа вуд̇д̇анаязнзва взд̣̇ид̇аб̣б̣анд̇и.
Idhāpi hi ‘tissa, datta, mittā’ti pakkosantassa saddaṃ sutvā viññattiṃ manodvārikacittena cintetvā ‘idañcidañca esa kāreti maññe’ti jānāti. Kāyaviññatti viya ca ayampi tiracchānagatānampi pākaṭā hoti. ‘Ehi, yāhī’ti hi saddaṃ sutvā tiracchānagatāpi ‘idaṃ nāmesa kāreti maññe’ti ñatvā āgacchanti ceva gacchanti ca. Tisamuṭṭhānikakāyaṃ cāleti na cāletīti, ayaṃ pana vāro idha na labbhati. Purimacittasamuṭṭhānāya upatthambhanakiccampi natthi. Yā pana tasmiṃ vacīdvāre siddhā cetanā, yāya musā katheti, pesuññaṃ katheti, pharusaṃ katheti, samphaṃ palapati, musāvādādīhi viramati, idaṃ vacīkammaṃ nāma. Ito paraṃ sabbaṃ kammavavatthānañca dvāravavatthānañca heṭṭhā vuttanayeneva veditabbanti.
важийгаммад̣̇ваарагат̇аа нидтид̇аа.
Vacīkammadvārakathā niṭṭhitā.
