| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
важийгаммад̣̇ваарагат̇ааван̣н̣анаа
Vacīkammadvārakathāvaṇṇanā
жад̇уухи, бхигкавз, ан̇г̇зхи саманнааг̇ад̇аад̇и зд̇т̇а субхаасид̇абхаасанасан̇каад̇аа абисун̣аваажаа, д̇хаммабхаасанасан̇каад̇о асампаббалаабо, бияабхаасанасан̇каад̇аа апарусаваажаа, сажжабхаасанасан̇каад̇о амусааваад̣̇о жаад̇и зд̇аа ваажаа д̇ат̇аабавад̇д̇аа жзд̇анаа д̣̇адтаб̣б̣аа. сахасад̣̇д̣̇аа банаад̇и д̇асса вигаарасса сад̣̇д̣̇зна саха самбхууд̇ад̇д̇аа вуд̇д̇ам̣. жид̇д̇аанубаривад̇д̇ид̇ааяа бана со на яаава сад̣̇д̣̇абхаавийд̇и д̣̇адтаб̣б̣о, вид̇аггавибпаарасад̣̇д̣̇о на сод̇авин̃н̃зяяод̇и бавад̇д̇зна махааадтагат̇ааваад̣̇зна жид̇д̇асамудтаанасад̣̇д̣̇о винааби вин̃н̃ад̇д̇игхадданзна уббаж̇ж̇ад̇ийд̇и аабаж̇ж̇ад̇и. ‘‘яаа д̇ааяа ваажааяа вин̃н̃ад̇д̇ий’’д̇и (д̇ха. са. 636) хи важанад̇о асод̇авин̃н̃зяяасад̣̇д̣̇зна саха вин̃н̃ад̇д̇ияаа уббад̇д̇и над̇т̇ийд̇и вин̃н̃ааяад̇ийд̇и.
Catūhi, bhikkhave, aṅgehi samannāgatāti ettha subhāsitabhāsanasaṅkhātā apisuṇavācā, dhammabhāsanasaṅkhāto asamphappalāpo, piyabhāsanasaṅkhātā apharusavācā, saccabhāsanasaṅkhāto amusāvādo cāti etā vācā tathāpavattā cetanā daṭṭhabbā. Sahasaddā panāti tassa vikārassa saddena saha sambhūtattā vuttaṃ. Cittānuparivattitāya pana so na yāva saddabhāvīti daṭṭhabbo, vitakkavipphārasaddo na sotaviññeyyoti pavattena mahāaṭṭhakathāvādena cittasamuṭṭhānasaddo vināpi viññattighaṭṭanena uppajjatīti āpajjati. ‘‘Yā tāya vācāya viññattī’’ti (dha. sa. 636) hi vacanato asotaviññeyyasaddena saha viññattiyā uppatti natthīti viññāyatīti.
жид̇д̇асамудтаанам̣ сад̣̇д̣̇ааяад̇ананд̇и зд̇т̇а жа на гожи жид̇д̇асамудтаано сад̣̇д̣̇о асан̇г̇ахид̇о наама ад̇т̇ийд̇и ад̇хиббааязна махааадтагат̇ааваад̣̇ам̣ бадисзд̇хзд̇и. чаб̣б̣ид̇хзна руубасан̇г̇ахаад̣̇ийсу хи ‘‘сод̇авин̃н̃зяяа’’нд̇и ‘‘д̣̇идтам̣ суд̇а’’нд̇и зд̇т̇а ‘‘суд̇а’’нд̇и жа на гожи сад̣̇д̣̇о на сан̇г̇аяхад̇ийд̇и. махааадтагат̇ааяам̣ бана вин̃н̃ад̇д̇исахаж̇амзва ж̇ивхаад̇аалужаланаад̣̇игаравид̇аггасамудтид̇ам̣ сукумасад̣̇д̣̇ам̣ ‘‘д̣̇иб̣б̣асод̇зна суд̇ваа аад̣̇исад̇ий’’д̇и суд̇д̇з бадтаанз жа ол̣ааригасад̣̇д̣̇ам̣ санд̇хааяа ‘‘сод̇авин̃н̃аан̣асса аарамман̣абажжаязна бажжаяо’’д̇и вуд̇д̇анд̇и иминаа ад̇хиббааязна асод̇авин̃н̃зяяад̇аа вуд̇д̇аа сияаа. сад̣̇д̣̇о жа асод̇авин̃н̃зяяо жаад̇и вируд̣̇д̇хамзд̇анд̇и бана бадигкзбо взд̣̇ид̇аб̣б̣о. вин̃н̃ад̇д̇ибажжаяаа гхадданаа вин̃н̃ад̇д̇игхадданаа. вин̃н̃ад̇д̇и зва ваа. гхадданаагаараббавад̇д̇абхууд̇авигааро хи ‘‘гхадданаа’’д̇и вуд̇д̇о. сан̇гхадданзна сахзва сад̣̇д̣̇о уббаж̇ж̇ад̇и, на буб̣б̣аабарабхаавзна. бат̇авийд̇хаад̇уяаад̇и ид̣̇ам̣ вааяод̇хаад̇уяаа вияа жааланам̣ бат̇авийд̇хаад̇уяаа сан̇гхадданам̣ гижжам̣ ад̇хиганд̇и гад̇ваа вуд̇д̇ам̣, вигаарасса жа д̇аббажжаяабхааво вуд̇д̇анаязнзва взд̣̇ид̇аб̣б̣о. д̇аб̣б̣игаараанан̃хи бхууд̇аанам̣ ан̃н̃аман̃н̃асса бажжаяабхаавод̇и. ан̃н̃амби саб̣б̣ам̣ вид̇хаанам̣ гааяавин̃н̃ад̇д̇ияам̣ вияа взд̣̇ид̇аб̣б̣ам̣.
Cittasamuṭṭhānaṃ saddāyatananti ettha ca na koci cittasamuṭṭhāno saddo asaṅgahito nāma atthīti adhippāyena mahāaṭṭhakathāvādaṃ paṭisedheti. Chabbidhena rūpasaṅgahādīsu hi ‘‘sotaviññeyya’’nti ‘‘diṭṭhaṃ suta’’nti ettha ‘‘suta’’nti ca na koci saddo na saṅgayhatīti. Mahāaṭṭhakathāyaṃ pana viññattisahajameva jivhātālucalanādikaravitakkasamuṭṭhitaṃ sukhumasaddaṃ ‘‘dibbasotena sutvā ādisatī’’ti sutte paṭṭhāne ca oḷārikasaddaṃ sandhāya ‘‘sotaviññāṇassa ārammaṇapaccayena paccayo’’ti vuttanti iminā adhippāyena asotaviññeyyatā vuttā siyā. Saddo ca asotaviññeyyo cāti viruddhametanti pana paṭikkhepo veditabbo. Viññattipaccayā ghaṭṭanā viññattighaṭṭanā. Viññatti eva vā. Ghaṭṭanākārappavattabhūtavikāro hi ‘‘ghaṭṭanā’’ti vutto. Saṅghaṭṭanena saheva saddo uppajjati, na pubbāparabhāvena. Pathavīdhātuyāti idaṃ vāyodhātuyā viya cālanaṃ pathavīdhātuyā saṅghaṭṭanaṃ kiccaṃ adhikanti katvā vuttaṃ, vikārassa ca tappaccayabhāvo vuttanayeneva veditabbo. Tabbikārānañhi bhūtānaṃ aññamaññassa paccayabhāvoti. Aññampi sabbaṃ vidhānaṃ kāyaviññattiyaṃ viya veditabbaṃ.
д̇исамудтаанигагааяам̣…бз… на лаб̣бхад̇и. на хи жааланам̣ убаад̣̇иннагхаддананд̇и. жааланан̃хи д̣̇зсанд̇аруббаад̣̇анабарамбарад̇аа, гхадданам̣ бажжаяависзсзна бхууд̇агалаабаанам̣ аасаннад̇аруббаад̣̇од̇и. убад̇т̇амбханагижжамби над̇т̇ийд̇и убад̇т̇амбханзна винаа батамажид̇д̇асамудтаанааби гхадданаагаарзна бавад̇д̇ад̇ийд̇и гхадданад̇т̇ам̣ убад̇т̇амбханзна баяож̇анам̣ над̇т̇и, лад̣̇д̇хаасзванзна жид̇д̇знзва гхадданасса б̣алавабхаавад̇о жаад̇и ад̇хиббааяо. убад̇т̇амбханам̣ над̇т̇и ад̇т̇ийд̇и вижаарзд̇ваа г̇ахзд̇аб̣б̣ам̣.
Tisamuṭṭhānikakāyaṃ…pe… na labbhati. Na hi cālanaṃ upādinnaghaṭṭananti. Cālanañhi desantaruppādanaparamparatā, ghaṭṭanaṃ paccayavisesena bhūtakalāpānaṃ āsannataruppādoti. Upatthambhanakiccampi natthīti upatthambhanena vinā paṭhamacittasamuṭṭhānāpi ghaṭṭanākārena pavattatīti ghaṭṭanatthaṃ upatthambhanena payojanaṃ natthi, laddhāsevanena citteneva ghaṭṭanassa balavabhāvato cāti adhippāyo. Upatthambhanaṃ natthi atthīti vicāretvā gahetabbaṃ.
важийгаммад̣̇ваарагат̇ааван̣н̣анаа нидтид̇аа.
Vacīkammadvārakathāvaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / важийгаммад̣̇ваарагат̇ааван̣н̣анаа • Vacīkammadvārakathāvaṇṇanā
