| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
важийгаммад̣̇ваарагат̇ааван̣н̣анаа
Vacīkammadvārakathāvaṇṇanā
жад̇уухи ан̇г̇зхийд̇и зд̇т̇а ‘‘субхаасид̇ам̣язва бхаасад̇и, но д̣̇уб̣бхаасид̇ам̣. д̇хаммам̣язва, бияам̣язва, сажжам̣язва бхаасад̇и, но алига’’нд̇и (сам̣. ни. 1.213; су. ни. субхаасид̇асуд̇д̇а) яаани ан̇г̇аани суд̇д̇з вуд̇д̇аани, д̇зсам̣ жзд̇анаасабхаавам̣ д̣̇ассзд̇ум̣ ‘‘субхаасид̇абхаасанаа’’д̇иаад̣̇и вуд̇д̇ам̣. д̇ат̇аабавад̇д̇аад̇и субхаасид̇абхаасанаад̣̇ибхаавзна бавад̇д̇аа. саха самбхууд̇ад̇д̇аад̇и сахзва уббаннад̇д̇аа. на хи важийвин̃н̃ад̇д̇и сад̣̇д̣̇арахид̇аа ад̇т̇и. д̇ат̇аа хи ‘‘яаа д̇ааяа ваажааяа вин̃н̃ад̇д̇ий’’д̇и вуд̇д̇ам̣. ‘‘ваажааг̇ираа б̣яабат̇о’’д̇иаад̣̇инаа (д̇ха. са. 636) наад̇исукумам̣язва сад̣̇д̣̇аваажам̣ вад̇ваа ‘‘яаа д̇ааяа ваажааяа вин̃н̃ад̇д̇ий’’д̇и, д̇ааяа сад̣̇д̇хим̣ яож̇зд̇ваа важийвин̃н̃ад̇д̇ияаа вуд̇д̇ад̇д̇аа руубааяад̇анам̣ вияа вад̇т̇убарид̇д̇ад̇аад̣̇инаа сад̣̇д̣̇ааяад̇анамби анинд̣̇рияаг̇ожаро ад̇т̇ийд̇и жа ад̇хиббааязна ‘‘яаа д̇ааяа…бз… вин̃н̃ааяад̇ий’’д̇и ааха.
Catūhi aṅgehīti ettha ‘‘subhāsitaṃyeva bhāsati, no dubbhāsitaṃ. Dhammaṃyeva, piyaṃyeva, saccaṃyeva bhāsati, no alika’’nti (saṃ. ni. 1.213; su. ni. subhāsitasutta) yāni aṅgāni sutte vuttāni, tesaṃ cetanāsabhāvaṃ dassetuṃ ‘‘subhāsitabhāsanā’’tiādi vuttaṃ. Tathāpavattāti subhāsitabhāsanādibhāvena pavattā. Saha sambhūtattāti saheva uppannattā. Na hi vacīviññatti saddarahitā atthi. Tathā hi ‘‘yā tāya vācāya viññattī’’ti vuttaṃ. ‘‘Vācāgirā byapatho’’tiādinā (dha. sa. 636) nātisukhumaṃyeva saddavācaṃ vatvā ‘‘yā tāya vācāya viññattī’’ti, tāya saddhiṃ yojetvā vacīviññattiyā vuttattā rūpāyatanaṃ viya vatthuparittatādinā saddāyatanampi anindriyagocaro atthīti ca adhippāyena ‘‘yā tāya…pe… viññāyatī’’ti āha.
ид̣̇аани ависзсзна жид̇д̇асамудтаанасад̣̇д̣̇асса сод̇авин̃н̃аан̣аарамман̣ад̇аа баал̣ияам̣ вуд̇д̇аад̇и вид̇аггавибпаарасад̣̇д̣̇о на сод̇авин̃н̃зяяод̇и махааадтагат̇ааваад̣̇асса баал̣ияаа вирод̇хам̣ д̣̇ассзд̇ум̣ ‘‘жид̇д̇асамудтаана’’нд̇иаад̣̇и вуд̇д̇ам̣. звам̣ сан̇г̇ахагаарасса ад̇хиббааяз тад̇ваа махааадтагат̇ааваад̣̇асса бадисзд̇хзд̇аб̣б̣ад̇ам̣ д̣̇ассзд̇ваа ид̣̇аани ад̇д̇ано ад̇хиббааяз тад̇ваа д̇ам̣ барихарид̇ум̣ ‘‘махааадтагат̇ааяам̣ банаа’’д̇иаад̣̇имааха. сан̇гхадданаагаарзна бавад̇д̇аанам̣ бхууд̇аанам̣ сад̣̇д̣̇асса ниссаяабхаавад̇о сан̇гхадданзна сахзва сад̣̇д̣̇о уббаж̇ж̇ад̇и. д̇аббажжаяабхаавод̇и убаад̣̇иннагагхадданасса бажжаяабхааво. жид̇д̇аж̇абат̇авийд̇хаад̇уяаа убаад̣̇иннагагхадданз бажжаяо бхавид̇ум̣ самад̇т̇о жид̇д̇асамудтаанамахаабхууд̇аанам̣ зго аагаарависзсо ад̇т̇и. д̇ад̣̇аагаарад̇д̇аа хи д̇зсам̣ бат̇авийд̇хаад̇у убаад̣̇иннагам̣ гхаддзд̇ийд̇и имамад̇т̇ам̣ вуд̇д̇аанусаарзна взд̣̇ид̇аб̣б̣ад̇д̇аа ‘‘вуд̇д̇анаязнзва взд̣̇ид̇аб̣б̣о’’д̇и вад̇ваа д̇амзва вуд̇д̇анаяам̣ ‘‘д̇аб̣б̣игаараана’’нд̇иаад̣̇инаа вибхаавзд̇и. д̇ад̇т̇а ан̃н̃аман̃н̃асса бажжаяабхааво д̇аббажжаяабхааво вуд̇д̇од̇и ад̇т̇о. ан̃н̃амби саб̣б̣ам̣ вид̇хаананд̇и ‘‘на жид̇д̇асамудтаанаад̇и зд̇зна барамад̇т̇ад̇о абхаавам̣ д̣̇ассзд̇ий’’д̇иаад̣̇инаа ад̇д̇анаа вуд̇д̇авид̇хаанам̣. адтагат̇ааяам̣ бана вуд̇д̇авид̇хаанам̣ ‘‘хздтаа вуд̇д̇анаязнзва взд̣̇ид̇аб̣б̣а’’нд̇и адтагат̇ааяам̣ вуд̇д̇амзваад̇и.
Idāni avisesena cittasamuṭṭhānasaddassa sotaviññāṇārammaṇatā pāḷiyaṃ vuttāti vitakkavipphārasaddo na sotaviññeyyoti mahāaṭṭhakathāvādassa pāḷiyā virodhaṃ dassetuṃ ‘‘cittasamuṭṭhāna’’ntiādi vuttaṃ. Evaṃ saṅgahakārassa adhippāye ṭhatvā mahāaṭṭhakathāvādassa paṭisedhetabbataṃ dassetvā idāni attano adhippāye ṭhatvā taṃ pariharituṃ ‘‘mahāaṭṭhakathāyaṃ panā’’tiādimāha. Saṅghaṭṭanākārena pavattānaṃ bhūtānaṃ saddassa nissayabhāvato saṅghaṭṭanena saheva saddo uppajjati. Tappaccayabhāvoti upādinnakaghaṭṭanassa paccayabhāvo. Cittajapathavīdhātuyā upādinnakaghaṭṭane paccayo bhavituṃ samattho cittasamuṭṭhānamahābhūtānaṃ eko ākāraviseso atthi. Tadākārattā hi tesaṃ pathavīdhātu upādinnakaṃ ghaṭṭetīti imamatthaṃ vuttānusārena veditabbattā ‘‘vuttanayeneva veditabbo’’ti vatvā tameva vuttanayaṃ ‘‘tabbikārāna’’ntiādinā vibhāveti. Tattha aññamaññassa paccayabhāvo tappaccayabhāvo vuttoti attho. Aññampi sabbaṃ vidhānanti ‘‘na cittasamuṭṭhānāti etena paramatthato abhāvaṃ dassetī’’tiādinā attanā vuttavidhānaṃ. Aṭṭhakathāyaṃ pana vuttavidhānaṃ ‘‘heṭṭhā vuttanayeneva veditabba’’nti aṭṭhakathāyaṃ vuttamevāti.
ад̇д̇ано ад̇д̇ано бажжаяуббаннасса д̣̇зсанд̇арз баарамбариязна уббаад̣̇анам̣ д̣̇зсанд̇аруббаад̣̇анабарамбарад̇аа. лад̣̇д̇хаасзванзнаад̇и лад̣̇д̇хабуб̣б̣аабхисан̇каарзна. жид̇д̇знзваад̇и батамажид̇д̇знзва. ‘‘сад̇д̇а ж̇аванаани сад̇д̇а агкараани ниб̣б̣ад̇д̇знд̇ийд̇и ваад̣̇ам̣ бадигкибид̇ваа згаж̇аванаваарабарияаабаннаани жид̇д̇аани згамагкарам̣ ниб̣б̣ад̇д̇знд̇ий’’д̇и вад̣̇анд̇и. гин̃жааби батамажид̇д̇знаби гхадданаа нибпаж̇ж̇ад̇и, згассзва бана б̣ахусо бавад̇д̇анзна ад̇т̇и гожи висзсод̇и буримаж̇аванасамудтид̇аахи гхадданаахи бадилад̣̇д̇хаасзванзна сад̇д̇амаж̇аванзна самудтид̇аа гхадданаа бариб̣яад̇д̇амагкарам̣ ниб̣б̣ад̇д̇зд̇ийд̇и убад̇т̇амбханам̣ над̇т̇ийд̇и на саггаа вад̇д̇ум̣. лад̣̇д̇хаабхисан̇каарзна бана батамажид̇д̇знаби гхадданаа б̣алавад̇ий ход̇ийд̇и адтагат̇ааяам̣ ‘‘убад̇т̇амбханагижжам̣ над̇т̇ий’’д̇и вуд̇д̇ам̣ сияаа, саб̣б̣амзд̇ам̣ виймам̣сид̇ваа г̇ахзд̇аб̣б̣ам̣.
Attano attano paccayuppannassa desantare pārampariyena uppādanaṃ desantaruppādanaparamparatā. Laddhāsevanenāti laddhapubbābhisaṅkhārena. Cittenevāti paṭhamacitteneva. ‘‘Satta javanāni satta akkharāni nibbattentīti vādaṃ paṭikkhipitvā ekajavanavārapariyāpannāni cittāni ekamakkharaṃ nibbattentī’’ti vadanti. Kiñcāpi paṭhamacittenapi ghaṭṭanā nipphajjati, ekasseva pana bahuso pavattanena atthi koci visesoti purimajavanasamuṭṭhitāhi ghaṭṭanāhi paṭiladdhāsevanena sattamajavanena samuṭṭhitā ghaṭṭanā paribyattamakkharaṃ nibbattetīti upatthambhanaṃ natthīti na sakkā vattuṃ. Laddhābhisaṅkhārena pana paṭhamacittenapi ghaṭṭanā balavatī hotīti aṭṭhakathāyaṃ ‘‘upatthambhanakiccaṃ natthī’’ti vuttaṃ siyā, sabbametaṃ vīmaṃsitvā gahetabbaṃ.
важийгаммад̣̇ваарагат̇ааван̣н̣анаа нидтид̇аа.
Vacīkammadvārakathāvaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / важийгаммад̣̇ваарагат̇ааван̣н̣анаа • Vacīkammadvārakathāvaṇṇanā
