| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. ваад̣̇ад̇т̇игасуд̇д̇ам̣
10. Vādatthikasuttaṃ
1110. ‘‘яо хи гожи, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и, бурад̇т̇имааяа жзби д̣̇исааяа ааг̇ажчзяяа саман̣о ваа б̣раахман̣о ваа ваад̣̇ад̇т̇иго ваад̣̇аг̇авзсий – ‘ваад̣̇амасса ааробзссаамий’д̇и, д̇ам̣ вад̇а сахад̇хаммзна сан̇гамбзссад̇и ваа самбагамбзссад̇и ваа самбажаалзссад̇и ваад̇и – нзд̇ам̣ таанам̣ виж̇ж̇ад̇и. бажчимааяа жзби д̣̇исааяа…бз… уд̇д̇арааяа жзби д̣̇исааяа…бз… д̣̇агкин̣ааяа жзби д̣̇исааяа ааг̇ажчзяяа саман̣о ваа б̣раахман̣о ваа ваад̣̇ад̇т̇иго ваад̣̇аг̇авзсий – ‘ваад̣̇амасса ааробзссаамий’д̇и, д̇ам̣ вад̇а сахад̇хаммзна сан̇гамбзссад̇и ваа самбагамбзссад̇и ваа самбажаалзссад̇и ваад̇и – нзд̇ам̣ таанам̣ виж̇ж̇ад̇и.
1110. ‘‘Yo hi koci, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti, puratthimāya cepi disāya āgaccheyya samaṇo vā brāhmaṇo vā vādatthiko vādagavesī – ‘vādamassa āropessāmī’ti, taṃ vata sahadhammena saṅkampessati vā sampakampessati vā sampacālessati vāti – netaṃ ṭhānaṃ vijjati. Pacchimāya cepi disāya…pe… uttarāya cepi disāya…pe… dakkhiṇāya cepi disāya āgaccheyya samaṇo vā brāhmaṇo vā vādatthiko vādagavesī – ‘vādamassa āropessāmī’ti, taṃ vata sahadhammena saṅkampessati vā sampakampessati vā sampacālessati vāti – netaṃ ṭhānaṃ vijjati.
‘‘сзяяат̇ааби, бхигкавз, силааяуубо сол̣аса гуггуго. д̇ассассу адта гуггу хздтаа нзман̇г̇амаа, адта гуггу убаринзмасса. бурад̇т̇имааяа жзби д̣̇исааяа ааг̇ажчзяяа бхусаа ваад̇авудти, нзва сан̇гамбзяяа на самбагамбзяяа на самбажаалзяяа; бажчимааяа жзби д̣̇исааяа…бз… уд̇д̇арааяа жзби д̣̇исааяа…бз… д̣̇агкин̣ааяа жзби д̣̇исааяа ааг̇ажчзяяа бхусаа ваад̇авудти, нзва сан̇гамбзяяа на самбагамбзяяа на самбажаалзяяа. д̇ам̣ гисса хзд̇у? г̇амбхийрад̇д̇аа, бхигкавз, нзмасса суникаад̇ад̇д̇аа силааяуубасса. звамзва ко, бхигкавз, яо хи гожи бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и; бурад̇т̇имааяа жзби д̣̇исааяа ааг̇ажчзяяа саман̣о ваа б̣раахман̣о ваа ваад̣̇ад̇т̇иго ваад̣̇аг̇авзсий ‘ваад̣̇амасса ааробзссаамий’д̇и, д̇ам̣ вад̇а сахад̇хаммзна сан̇гамбзссад̇и ваа самбагамбзссад̇и ваа самбажаалзссад̇и ваад̇и – нзд̇ам̣ таанам̣ виж̇ж̇ад̇и. бажчимааяа жзби д̣̇исааяа…бз… уд̇д̇арааяа жзби д̣̇исааяа…бз… д̣̇агкин̣ааяа жзби д̣̇исааяа ааг̇ажчзяяа саман̣о ваа б̣раахман̣о ваа ваад̣̇ад̇т̇иго ваад̣̇аг̇авзсий – ‘ваад̣̇амасса ааробзссаамий’д̇и, д̇ам̣ вад̇а сахад̇хаммзна сан̇гамбзссад̇и ваа самбагамбзссад̇и ваа самбажаалзссад̇и ваад̇и – нзд̇ам̣ таанам̣ виж̇ж̇ад̇и. д̇ам̣ гисса хзд̇у? суд̣̇идтад̇д̇аа, бхигкавз, жад̇уннам̣ арияасажжаанам̣. гад̇амзсам̣ жад̇уннам̣? д̣̇угкасса арияасажжасса…бз… д̣̇угканирод̇хаг̇ааминияаа бадибад̣̇ааяа арияасажжасса.
‘‘Seyyathāpi, bhikkhave, silāyūpo soḷasa kukkuko. Tassassu aṭṭha kukku heṭṭhā nemaṅgamā, aṭṭha kukku uparinemassa. Puratthimāya cepi disāya āgaccheyya bhusā vātavuṭṭhi, neva saṅkampeyya na sampakampeyya na sampacāleyya; pacchimāya cepi disāya…pe… uttarāya cepi disāya…pe… dakkhiṇāya cepi disāya āgaccheyya bhusā vātavuṭṭhi, neva saṅkampeyya na sampakampeyya na sampacāleyya. Taṃ kissa hetu? Gambhīrattā, bhikkhave, nemassa sunikhātattā silāyūpassa. Evameva kho, bhikkhave, yo hi koci bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti; puratthimāya cepi disāya āgaccheyya samaṇo vā brāhmaṇo vā vādatthiko vādagavesī ‘vādamassa āropessāmī’ti, taṃ vata sahadhammena saṅkampessati vā sampakampessati vā sampacālessati vāti – netaṃ ṭhānaṃ vijjati. Pacchimāya cepi disāya…pe… uttarāya cepi disāya…pe… dakkhiṇāya cepi disāya āgaccheyya samaṇo vā brāhmaṇo vā vādatthiko vādagavesī – ‘vādamassa āropessāmī’ti, taṃ vata sahadhammena saṅkampessati vā sampakampessati vā sampacālessati vāti – netaṃ ṭhānaṃ vijjati. Taṃ kissa hetu? Sudiṭṭhattā, bhikkhave, catunnaṃ ariyasaccānaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa.
‘‘д̇асмаад̇иха , бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. д̣̇асамам̣.
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Dasamaṃ.
сийсабааванаваг̇г̇о жад̇уд̇т̇о.
Sīsapāvanavaggo catuttho.
д̇ассуд̣̇д̣̇аанам̣ –
Tassuddānaṃ –
сийсабаа кад̣̇иро д̣̇ан̣д̣о, жзлаа сад̇д̇исад̇зна жа;
Sīsapā khadiro daṇḍo, celā sattisatena ca;
баан̣аа сурияуубамаа д̣̇взд̇хаа, инд̣̇акийло жа ваад̣̇инод̇и.
Pāṇā suriyūpamā dvedhā, indakhīlo ca vādinoti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. ваад̣̇ад̇т̇игасуд̇д̇аван̣н̣анаа • 10. Vādatthikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. ваад̣̇ад̇т̇игасуд̇д̇аван̣н̣анаа • 10. Vādatthikasuttavaṇṇanā
