| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[283] 3. вад̣дхагийсуугараж̇аад̇агаван̣н̣анаа
[283] 3. Vaḍḍhakīsūkarajātakavaṇṇanā
варам̣ варам̣ д̇ванд̇и ид̣̇ам̣ сад̇т̇аа ж̇зд̇аванз вихаранд̇о д̇хануг̇г̇ахад̇иссад̇т̇зрам̣ аараб̣бха гат̇зси. басзнад̣̇иран̃н̃о бид̇аа махаагосало б̣имб̣исаараран̃н̃о д̇хийд̇арам̣ взд̣̇зхим̣ наама госалад̣̇звим̣ д̣̇ад̣̇амаано д̇ассаа нхаанажун̣н̣амуулам̣ сад̇асахассудтаанам̣ гаасиг̇аамам̣ ад̣̇ааси. аж̇аад̇асад̇д̇унаа бана бид̇ари маарид̇з госалад̣̇звийби согаабхибхууд̇аа гааламагааси. д̇ад̇о басзнад̣̇и госаларааж̇аа жинд̇зси – ‘‘аж̇аад̇асад̇д̇унаа бид̇аа маарид̇о, бхаг̇инийби мз саамигз гаалагад̇з д̇зна согзна гаалагад̇аа, бид̇угхаад̇агасса жорасса гаасиг̇аамам̣ на д̣̇ассаамий’’д̇и. со д̇ам̣ аж̇аад̇асад̇д̇усса на ад̣̇ааси. д̇ам̣ г̇аамам̣ ниссааяа д̇зсам̣ д̣̇виннамби гаалзна гаалам̣ яуд̣̇д̇хам̣ ход̇и, аж̇аад̇асад̇д̇у д̇арун̣о самад̇т̇о, басзнад̣̇и махаллагоязва. со абхигкан̣ам̣ бараж̇ж̇ад̇и, махаагосалассааби мануссаа язбхуяязна барааж̇ид̇аа. ат̇а рааж̇аа ‘‘маяам̣ абхин̣хам̣ бараж̇ж̇аама, гим̣ ну ко гаад̇аб̣б̣а’’нд̇и амажжз бужчи. ‘‘д̣̇зва, аяяаа наама манд̇ажчзгаа хонд̇и, ж̇зд̇аванавихаарз бхигкуунам̣ гат̇ам̣ сод̇ум̣ ваддад̇ий’’д̇и. рааж̇аа ‘‘д̇зна хи д̇ааяам̣ взлааяам̣ бхигкуунам̣ гат̇аасаллаабам̣ сун̣аат̇аа’’д̇и жарабурисз аан̣аабзси. д̇з д̇ад̇о бадтааяа д̇ат̇аа агам̣су.
Varaṃ varaṃ tvanti idaṃ satthā jetavane viharanto dhanuggahatissattheraṃ ārabbha kathesi. Pasenadirañño pitā mahākosalo bimbisārarañño dhītaraṃ vedehiṃ nāma kosaladeviṃ dadamāno tassā nhānacuṇṇamūlaṃ satasahassuṭṭhānaṃ kāsigāmaṃ adāsi. Ajātasattunā pana pitari mārite kosaladevīpi sokābhibhūtā kālamakāsi. Tato pasenadi kosalarājā cintesi – ‘‘ajātasattunā pitā mārito, bhaginīpi me sāmike kālakate tena sokena kālakatā, pitughātakassa corassa kāsigāmaṃ na dassāmī’’ti. So taṃ ajātasattussa na adāsi. Taṃ gāmaṃ nissāya tesaṃ dvinnampi kālena kālaṃ yuddhaṃ hoti, ajātasattu taruṇo samattho, pasenadi mahallakoyeva. So abhikkhaṇaṃ parajjati, mahākosalassāpi manussā yebhuyyena parājitā. Atha rājā ‘‘mayaṃ abhiṇhaṃ parajjāma, kiṃ nu kho kātabba’’nti amacce pucchi. ‘‘Deva, ayyā nāma mantacchekā honti, jetavanavihāre bhikkhūnaṃ kathaṃ sotuṃ vaṭṭatī’’ti. Rājā ‘‘tena hi tāyaṃ velāyaṃ bhikkhūnaṃ kathāsallāpaṃ suṇāthā’’ti carapurise āṇāpesi. Te tato paṭṭhāya tathā akaṃsu.
д̇асмим̣ бана гаалз д̣̇вз махаллагад̇т̇зраа вихаарабажжанд̇з бан̣н̣асаалааяам̣ васанд̇и д̣̇ад̇д̇ад̇т̇зро жа д̇хануг̇г̇ахад̇иссад̇т̇зро жа. д̇зсу д̇хануг̇г̇ахад̇иссад̇т̇зро батамаяаамзби маж̇жхимаяаамзби нид̣̇д̣̇ааяид̇ваа бажчимаяаамз баб̣уж̇жхид̇ваа уммуггаани сод̇хзд̇ваа аг̇г̇им̣ ж̇аалзд̇ваа нисиннаго ааха – ‘‘бханд̇з, д̣̇ад̇д̇ад̇т̇зраа’’д̇и. ‘‘гим̣, бханд̇з, д̇иссад̇т̇зраа’’д̇и? ‘‘гим̣ нид̣̇д̣̇ааяаси но д̇ва’’нд̇и. ‘‘анид̣̇д̣̇ааяанд̇аа гим̣ гариссаамаа’’д̇и? ‘‘удтааяа д̇аава нисийд̣̇ат̇аа’’д̇и. со удтааяа нисинно д̇ам̣ д̣̇ад̇д̇ад̇т̇зрам̣ ааха – ‘‘бханд̇з д̣̇ад̇д̇ад̇т̇зра, аяам̣ д̇з лоло маход̣̇арагосало жаадимад̇д̇ам̣ бхад̇д̇амзва бууд̇им̣ гарод̇и, яуд̣̇д̇хавижааран̣ам̣ бана гин̃жи на ж̇аанаад̇и, барааж̇ид̇о барааж̇ид̇од̇взва вад̣̇аабзд̇ий’’д̇и. ‘‘гим̣ бана гаад̇ум̣ ваддад̇ий’’д̇и? д̇асмим̣ кан̣з д̇з жарабурисаа д̇зсам̣ гат̇ам̣ сун̣анд̇аа адтам̣су.
Tasmiṃ pana kāle dve mahallakattherā vihārapaccante paṇṇasālāyaṃ vasanti dattatthero ca dhanuggahatissatthero ca. Tesu dhanuggahatissatthero paṭhamayāmepi majjhimayāmepi niddāyitvā pacchimayāme pabujjhitvā ummukkāni sodhetvā aggiṃ jāletvā nisinnako āha – ‘‘bhante, dattattherā’’ti. ‘‘Kiṃ, bhante, tissattherā’’ti? ‘‘Kiṃ niddāyasi no tva’’nti. ‘‘Aniddāyantā kiṃ karissāmā’’ti? ‘‘Uṭṭhāya tāva nisīdathā’’ti. So uṭṭhāya nisinno taṃ dattattheraṃ āha – ‘‘bhante dattatthera, ayaṃ te lolo mahodarakosalo cāṭimattaṃ bhattameva pūtiṃ karoti, yuddhavicāraṇaṃ pana kiñci na jānāti, parājito parājitotveva vadāpetī’’ti. ‘‘Kiṃ pana kātuṃ vaṭṭatī’’ti? Tasmiṃ khaṇe te carapurisā tesaṃ kathaṃ suṇantā aṭṭhaṃsu.
д̇хануг̇г̇ахад̇иссад̇т̇зро яуд̣̇д̇хам̣ вижаарзси – ‘‘бханд̇з, яуд̣̇д̇хо наама д̇ивид̇хо – бад̣̇умаб̣яуухо, жаггаб̣яуухо, сагадаб̣яууход̇и. аж̇аад̇асад̇д̇ум̣ г̇ан̣хид̇угаамзна асугз наама баб̣б̣ад̇агужчисмим̣ д̣̇вийсу баб̣б̣ад̇абхид̇д̇ийсу мануссз табзд̇ваа бурад̇о д̣̇уб̣б̣алаб̣алам̣ д̣̇ассзд̇ваа баб̣б̣ад̇анд̇арам̣ бавидтабхаавам̣ ж̇аанид̇ваа бавидтамаг̇г̇ам̣ ожчинд̣̇ид̇ваа бурад̇о жа бажчад̇о жа убхосу баб̣б̣ад̇абхид̇д̇ийсу ваг̇г̇ид̇ваа уннад̣̇ид̇ваа кибз бад̇ид̇амажчам̣ вияа анд̇омудтияам̣ ваддабод̇агам̣ вияа жа гад̇ваа саггаа асса д̇ам̣ г̇ахзд̇у’’нд̇и. жарабурисаа д̇ам̣ саасанам̣ ран̃н̃о аарожзсум̣. д̇ам̣ суд̇ваа рааж̇аа сан̇г̇аамабхзрим̣ жараабзд̇ваа г̇анд̇ваа сагадаб̣яуухам̣ гад̇ваа аж̇аад̇асад̇д̇ум̣ ж̇ийваг̇г̇аахам̣ г̇аахаабзд̇ваа ад̇д̇ано д̇хийд̇арам̣ важ̇ирагумаарим̣ бхааг̇инзяяасса д̣̇ад̇ваа гаасиг̇аамам̣ д̇ассаа нхаанамуулам̣ гад̇ваа д̣̇ад̇ваа уяяож̇зси. саа бавад̇д̇и бхигкусан̇гхз баагадаа ж̇аад̇аа. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, госаларааж̇аа гира д̇хануг̇г̇ахад̇иссад̇т̇зрасса вижааран̣ааяа аж̇аад̇асад̇д̇ум̣ ж̇иний’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̇хануг̇г̇ахад̇иссо яуд̣̇д̇хавижааран̣ааяа чзгоязваа’’д̇и вад̇ваа ад̇ийд̇ам̣ аахари.
Dhanuggahatissatthero yuddhaṃ vicāresi – ‘‘bhante, yuddho nāma tividho – padumabyūho, cakkabyūho, sakaṭabyūhoti. Ajātasattuṃ gaṇhitukāmena asuke nāma pabbatakucchismiṃ dvīsu pabbatabhittīsu manusse ṭhapetvā purato dubbalabalaṃ dassetvā pabbatantaraṃ paviṭṭhabhāvaṃ jānitvā paviṭṭhamaggaṃ occhinditvā purato ca pacchato ca ubhosu pabbatabhittīsu vaggitvā unnaditvā khipe patitamacchaṃ viya antomuṭṭhiyaṃ vaṭṭapotakaṃ viya ca katvā sakkā assa taṃ gahetu’’nti. Carapurisā taṃ sāsanaṃ rañño ārocesuṃ. Taṃ sutvā rājā saṅgāmabheriṃ carāpetvā gantvā sakaṭabyūhaṃ katvā ajātasattuṃ jīvaggāhaṃ gāhāpetvā attano dhītaraṃ vajirakumāriṃ bhāgineyyassa datvā kāsigāmaṃ tassā nhānamūlaṃ katvā datvā uyyojesi. Sā pavatti bhikkhusaṅghe pākaṭā jātā. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, kosalarājā kira dhanuggahatissattherassa vicāraṇāya ajātasattuṃ jinī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi dhanuggahatisso yuddhavicāraṇāya chekoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃з ругкад̣̇звад̇аа худ̇ваа ниб̣б̣ад̇д̇и . д̇ад̣̇аа б̣аараан̣асим̣ ниссааяа нивуд̇т̇авад̣дхагиг̇аамагаа зго вад̣дхагий т̇амбхад̇т̇ааяа аран̃н̃ам̣ г̇анд̇ваа ааваадз бад̇ид̇ам̣ суугарабод̇агам̣ д̣̇исваа д̇ам̣ гхарам̣ нзд̇ваа бадиж̇аг̇г̇и. со вуд̣дхиббад̇д̇о махаасарийро ван̇гад̣̇аато аажаарасамбанно ахоси, вад̣дхагинаа босид̇ад̇д̇аа бана ‘‘вад̣дхагийсуугаро’’д̇взва бан̃н̃ааяи. вад̣дхагисса ругкад̇ажчанагаалз д̇ун̣д̣зна ругкам̣ баривад̇д̇зд̇и, мукзна д̣ам̣сид̇ваа ваасипарасуникаад̣̇анамуг̇г̇арз аахарад̇и, гааласуд̇д̇агодияам̣ г̇ан̣хаад̇и. ат̇а со вад̣дхагий ‘‘гожид̣̇зва, нам̣ каад̣̇зяяаа’’д̇и бхаязна нзд̇ваа аран̃н̃з виссаж̇ж̇зси. соби аран̃н̃ам̣ бависид̇ваа кзмам̣ паасугадтаанам̣ ологзнд̇о згам̣ баб̣б̣ад̇анд̇арз маханд̇ам̣ г̇ириганд̣̇арам̣ ад̣̇д̣̇аса самбаннаганд̣̇амуулапалам̣ паасугам̣ васанадтаанам̣ анзгасад̇асуугарасамаагин̣н̣ам̣. д̇з суугараа д̇ам̣ д̣̇исваа д̇асса санд̇игам̣ ааг̇амам̣су. соби д̇з ааха – ‘‘ахам̣ д̇умхзва ологзнд̇о вижараами, абижа во маяаа д̣̇идтаа, ид̣̇ан̃жа таанам̣ раман̣ийяам̣, ахамби ид̣̇аани ид̇хзва васиссаамий’’д̇и. ‘‘сажжам̣ ид̣̇ам̣ таанам̣ раман̣ийяам̣, бариссаяо банзд̇т̇а ад̇т̇ий’’д̇и. ‘‘ахамби д̇умхз д̣̇исваа зд̇ам̣ ан̃н̃аасим̣, звам̣ г̇ожарасамбаннз таанз васанд̇аанам̣ во сарийрзсу мам̣салохид̇ам̣ над̇т̇и, гим̣ бана во зд̇т̇а бхаяа’’нд̇и? ‘‘зго б̣яаг̇гхо баад̇ова ааг̇анд̇ваа д̣̇идтад̣̇идтам̣язва г̇ахзд̇ваа г̇ажчад̇ий’’д̇и. ‘‘гим̣ бана со ниб̣ад̣̇д̇хам̣ г̇ан̣хаад̇и, уд̣̇ааху анд̇аранд̇араа’’д̇и? ‘‘ниб̣ад̣̇д̇хам̣ г̇ан̣хаад̇ий’’д̇и. ‘‘гад̇и бана д̇з б̣яаг̇гхаа’’д̇и? ‘‘згоязваа’’д̇и. ‘‘зд̇д̇агаа д̇умхз згасса яуж̇жхид̇ум̣ на саггот̇аа’’д̇и? ‘‘аама, на саггомаа’’д̇и. ‘‘ахам̣ д̇ам̣ г̇ан̣хиссаами, гзвалам̣ д̇умхз мама важанам̣ гарот̇а, со б̣яаг̇гхо гахам̣ васад̇ий’’д̇и? ‘‘зд̇асмим̣ баб̣б̣ад̇з’’д̇и.
Atīte bārāṇasiyaṃ brahmadatte rajjaṃ kārente bodhisatto araññe rukkhadevatā hutvā nibbatti . Tadā bārāṇasiṃ nissāya nivutthavaḍḍhakigāmakā eko vaḍḍhakī thambhatthāya araññaṃ gantvā āvāṭe patitaṃ sūkarapotakaṃ disvā taṃ gharaṃ netvā paṭijaggi. So vuḍḍhippatto mahāsarīro vaṅkadāṭho ācārasampanno ahosi, vaḍḍhakinā positattā pana ‘‘vaḍḍhakīsūkaro’’tveva paññāyi. Vaḍḍhakissa rukkhatacchanakāle tuṇḍena rukkhaṃ parivatteti, mukhena ḍaṃsitvā vāsipharasunikhādanamuggare āharati, kālasuttakoṭiyaṃ gaṇhāti. Atha so vaḍḍhakī ‘‘kocideva, naṃ khādeyyā’’ti bhayena netvā araññe vissajjesi. Sopi araññaṃ pavisitvā khemaṃ phāsukaṭṭhānaṃ olokento ekaṃ pabbatantare mahantaṃ girikandaraṃ addasa sampannakandamūlaphalaṃ phāsukaṃ vasanaṭṭhānaṃ anekasatasūkarasamākiṇṇaṃ. Te sūkarā taṃ disvā tassa santikaṃ āgamaṃsu. Sopi te āha – ‘‘ahaṃ tumheva olokento vicarāmi, apica vo mayā diṭṭhā, idañca ṭhānaṃ ramaṇīyaṃ, ahampi idāni idheva vasissāmī’’ti. ‘‘Saccaṃ idaṃ ṭhānaṃ ramaṇīyaṃ, parissayo panettha atthī’’ti. ‘‘Ahampi tumhe disvā etaṃ aññāsiṃ, evaṃ gocarasampanne ṭhāne vasantānaṃ vo sarīresu maṃsalohitaṃ natthi, kiṃ pana vo ettha bhaya’’nti? ‘‘Eko byaggho pātova āgantvā diṭṭhadiṭṭhaṃyeva gahetvā gacchatī’’ti. ‘‘Kiṃ pana so nibaddhaṃ gaṇhāti, udāhu antarantarā’’ti? ‘‘Nibaddhaṃ gaṇhātī’’ti. ‘‘Kati pana te byagghā’’ti? ‘‘Ekoyevā’’ti. ‘‘Ettakā tumhe ekassa yujjhituṃ na sakkothā’’ti? ‘‘Āma, na sakkomā’’ti. ‘‘Ahaṃ taṃ gaṇhissāmi, kevalaṃ tumhe mama vacanaṃ karotha, so byaggho kahaṃ vasatī’’ti? ‘‘Etasmiṃ pabbate’’ti.
со рад̇д̇ин̃н̃зва суугарз жараабзд̇ваа яуд̣̇д̇хам̣ вижаарзнд̇о ‘‘яуд̣̇д̇хам̣ наама бад̣̇умаб̣яуухажаггаб̣яуухасагадаб̣яуухавасзна д̇ивид̇хам̣ ход̇ий’’д̇и вад̇ваа бад̣̇умаб̣яуухавасзна вижаарзси. со хи бхуумисийсам̣ ж̇аанаад̇и. д̇асмаа ‘‘имасмим̣ таанз яуд̣̇д̇хам̣ вижаарзд̇ум̣ ваддад̇ий’’д̇и суугарабиллагз маад̇аро жа д̇зсам̣ маж̇жхадтаанз табзси. со д̇аа аавиж̇жхид̇ваа маж̇жхимасуугарияо, д̇аа аавиж̇жхид̇ваа бод̇агасуугарз, д̇з аавиж̇жхид̇ваа ж̇арасуугарз, д̇з аавиж̇жхид̇ваа д̣̇ийгхад̣̇аатасуугарз, д̇з аавиж̇жхид̇ваа яуд̣̇д̇хасамад̇т̇з б̣алавад̇арасуугарз д̣̇аса вийса д̇им̣са ж̇анз д̇асмим̣ д̇асмим̣ таанз б̣алаг̇умб̣ам̣ гад̇ваа табзси. ад̇д̇ано тид̇адтаанасса бурад̇о згам̣ бариман̣д̣алам̣ ааваадам̣ кан̣аабзси, бажчад̇о згам̣ суббасан̣таанам̣ анубуб̣б̣аниннам̣ баб̣бхаарасад̣̇исам̣. д̇асса садтисад̇д̇ад̇имад̇д̇з яод̇хасуугарз аад̣̇ааяа д̇асмим̣ д̇асмим̣ таанз ‘‘маа бхааяид̇т̇аа’’д̇и гаммам̣ вижаарад̇о арун̣ам̣ удтахи.
So rattiññeva sūkare carāpetvā yuddhaṃ vicārento ‘‘yuddhaṃ nāma padumabyūhacakkabyūhasakaṭabyūhavasena tividhaṃ hotī’’ti vatvā padumabyūhavasena vicāresi. So hi bhūmisīsaṃ jānāti. Tasmā ‘‘imasmiṃ ṭhāne yuddhaṃ vicāretuṃ vaṭṭatī’’ti sūkarapillake mātaro ca tesaṃ majjhaṭṭhāne ṭhapesi. So tā āvijjhitvā majjhimasūkariyo, tā āvijjhitvā potakasūkare, te āvijjhitvā jarasūkare, te āvijjhitvā dīghadāṭhasūkare, te āvijjhitvā yuddhasamatthe balavatarasūkare dasa vīsa tiṃsa jane tasmiṃ tasmiṃ ṭhāne balagumbaṃ katvā ṭhapesi. Attano ṭhitaṭṭhānassa purato ekaṃ parimaṇḍalaṃ āvāṭaṃ khaṇāpesi, pacchato ekaṃ suppasaṇṭhānaṃ anupubbaninnaṃ pabbhārasadisaṃ. Tassa saṭṭhisattatimatte yodhasūkare ādāya tasmiṃ tasmiṃ ṭhāne ‘‘mā bhāyitthā’’ti kammaṃ vicārato aruṇaṃ uṭṭhahi.
б̣яаг̇гхо удтааяа ‘‘гаало’’д̇и н̃ад̇ваа г̇анд̇ваа д̇зсам̣ саммукаа тид̇з баб̣б̣ад̇ад̇алз тад̇ваа агкийни уммийлзд̇ваа суугарз ологзси. вад̣дхагийсуугаро ‘‘бадиологзт̇а на’’нд̇и суугараанам̣ сан̃н̃ам̣ ад̣̇ааси, д̇з бадиологзсум̣. б̣яаг̇гхо мукам̣ уг̇гхаадзд̇ваа ассоси, суугарааби д̇ат̇аа гарим̣су. б̣яаг̇гхо муд̇д̇ам̣ чад̣д̣зси, суугарааби чад̣д̣аяим̣су. ид̇и яам̣ яам̣ со гарод̇и, д̇ам̣ д̇ам̣ д̇з бадигарим̣су. со жинд̇зси – ‘‘буб̣б̣з суугараа маяаа ологид̇агаалз балааяанд̇аа балааяид̇умби на саггонд̇и, аж̇ж̇а абалааяид̇ваа мама бадисад̇д̇у худ̇ваа маяаа гад̇амзва бадигаронд̇и. зд̇асмим̣ бхуумисийсз тид̇о зго д̇зсам̣ сам̣вид̇хааяагоби ад̇т̇и, аж̇ж̇а маяхам̣ г̇ад̇асса ж̇аяо на бан̃н̃ааяад̇ий’’д̇и. со нивад̇д̇ид̇ваа ад̇д̇ано васанадтаанамзва аг̇амааси. д̇зна бана г̇ахид̇амам̣сакаад̣̇аго зго гуудаж̇адило ад̇т̇и, со д̇ам̣ д̇ужчахад̇т̇амзва ааг̇ажчанд̇ам̣ д̣̇исваа д̇зна сад̣̇д̇хим̣ саллабанд̇о батамам̣ г̇аат̇амааха –
Byaggho uṭṭhāya ‘‘kālo’’ti ñatvā gantvā tesaṃ sammukhā ṭhite pabbatatale ṭhatvā akkhīni ummīletvā sūkare olokesi. Vaḍḍhakīsūkaro ‘‘paṭioloketha na’’nti sūkarānaṃ saññaṃ adāsi, te paṭiolokesuṃ. Byaggho mukhaṃ ugghāṭetvā assosi, sūkarāpi tathā kariṃsu. Byaggho muttaṃ chaḍḍesi, sūkarāpi chaḍḍayiṃsu. Iti yaṃ yaṃ so karoti, taṃ taṃ te paṭikariṃsu. So cintesi – ‘‘pubbe sūkarā mayā olokitakāle palāyantā palāyitumpi na sakkonti, ajja apalāyitvā mama paṭisattu hutvā mayā katameva paṭikaronti. Etasmiṃ bhūmisīse ṭhito eko tesaṃ saṃvidhāyakopi atthi, ajja mayhaṃ gatassa jayo na paññāyatī’’ti. So nivattitvā attano vasanaṭṭhānameva agamāsi. Tena pana gahitamaṃsakhādako eko kūṭajaṭilo atthi, so taṃ tucchahatthameva āgacchantaṃ disvā tena saddhiṃ sallapanto paṭhamaṃ gāthamāha –
97.
97.
‘‘варам̣ варам̣ д̇вам̣ ниханам̣ бурз жари,
‘‘Varaṃ varaṃ tvaṃ nihanaṃ pure cari,
асмим̣ бад̣̇зсз абхибхуяяа суугарз;
Asmiṃ padese abhibhuyya sūkare;
сод̣̇аани зго б̣яабаг̇амма жхааяаси,
Sodāni eko byapagamma jhāyasi,
б̣алам̣ ну д̇з б̣яаг̇гха на жаж̇ж̇а виж̇ж̇ад̇ий’’д̇и.
Balaṃ nu te byaggha na cajja vijjatī’’ti.
д̇ад̇т̇а варам̣ варам̣ д̇вам̣ ниханам̣ бурз жари, асмим̣ бад̣̇зсз абхибхуяяа суугарзд̇и амбхо б̣яаг̇гха, д̇вам̣ буб̣б̣з имасмим̣ бад̣̇зсз саб̣б̣асуугарз абхибхавид̇ваа имзсу суугарзсу варам̣ варам̣ д̇вам̣ уд̇д̇амуд̇д̇амам̣ суугарам̣ нихананд̇о вижари. сод̣̇аани зго б̣яабаг̇амма жхааяасийд̇и со д̇вам̣ ид̣̇аани ан̃н̃ад̇арам̣ суугарам̣ аг̇г̇ахзд̇ваа згагова абаг̇анд̇ваа жхааяаси баж̇жхааяаси. б̣алам̣ ну д̇з б̣яаг̇гха на жаж̇ж̇а виж̇ж̇ад̇ийд̇и гим̣ ну д̇з, амбхо б̣яаг̇гха, аж̇ж̇а гааяаб̣алам̣ над̇т̇ийд̇и.
Tattha varaṃ varaṃ tvaṃ nihanaṃ pure cari, asmiṃ padese abhibhuyya sūkareti ambho byaggha, tvaṃ pubbe imasmiṃ padese sabbasūkare abhibhavitvā imesu sūkaresu varaṃ varaṃ tvaṃ uttamuttamaṃ sūkaraṃ nihananto vicari. Sodāni eko byapagamma jhāyasīti so tvaṃ idāni aññataraṃ sūkaraṃ aggahetvā ekakova apagantvā jhāyasi pajjhāyasi. Balaṃ nu te byaggha na cajja vijjatīti kiṃ nu te, ambho byaggha, ajja kāyabalaṃ natthīti.
д̇ам̣ суд̇ваа б̣яаг̇гхо д̣̇уд̇ияам̣ г̇аат̇амааха –
Taṃ sutvā byaggho dutiyaṃ gāthamāha –
98.
98.
‘‘имз суд̣̇ам̣ яанд̇и д̣̇исод̣̇исам̣ бурз, бхаяаддид̇аа лзн̣аг̇авзсино бут̇уу;
‘‘Ime sudaṃ yanti disodisaṃ pure, bhayaṭṭitā leṇagavesino puthū;
д̇з д̣̇аани сан̇г̇амма васанд̇и згад̇о, яад̇т̇адтид̇аа д̣̇уббасахаж̇ж̇амз маяаа’’д̇и.
Te dāni saṅgamma vasanti ekato, yatthaṭṭhitā duppasahajjame mayā’’ti.
д̇ад̇т̇а суд̣̇анд̇и нибаад̇о. аяам̣ бана сан̇кзбад̇т̇о – имз суугараа буб̣б̣з мам̣ д̣̇исваа бхаязна аддид̇аа бийл̣ид̇аа ад̇д̇ано лзн̣аг̇авзсино бут̇уу висум̣ висум̣ худ̇ваа д̣̇исод̣̇исам̣ яанд̇и, д̇ам̣ д̇ам̣ д̣̇исам̣ абхимукаа балааяанд̇и, д̇з д̣̇аани саб̣б̣зби самааг̇анд̇ваа згад̇о васанд̇и д̇идтанд̇и, д̇ан̃жа бхуумисийсам̣ убаг̇ад̇аа, яад̇т̇а тид̇аа д̣̇уббасахаа д̣̇уммад̣̇д̣̇аяаа аж̇ж̇а имз маяаад̇и.
Tattha sudanti nipāto. Ayaṃ pana saṅkhepattho – ime sūkarā pubbe maṃ disvā bhayena aṭṭitā pīḷitā attano leṇagavesino puthū visuṃ visuṃ hutvā disodisaṃ yanti, taṃ taṃ disaṃ abhimukhā palāyanti, te dāni sabbepi samāgantvā ekato vasanti tiṭṭhanti, tañca bhūmisīsaṃ upagatā, yattha ṭhitā duppasahā dummaddayā ajja ime mayāti.
ат̇асса уссаахам̣ ж̇анзнд̇о гуудаж̇адило ‘‘маа бхааяи, г̇ажча д̇аяи над̣̇ид̇ваа багканд̣̇анд̇з саб̣б̣зби бхийд̇аа бхиж̇ж̇ид̇ваа балааяиссанд̇ий’’д̇и ааха. б̣яаг̇гхо д̇асмим̣ уссаахам̣ ж̇анзнд̇з сууро худ̇ваа буна г̇анд̇ваа баб̣б̣ад̇ад̇алз адтааси. вад̣дхагийсуугаро д̣̇виннам̣ ааваадаанам̣ анд̇арз адтааси. суугараа ‘‘саами, махаажоро бунааг̇ад̇о’’д̇и аахам̣су. ‘‘маа бхааяид̇т̇а, ид̣̇аани д̇ам̣ г̇ан̣хиссаамий’’д̇и. б̣яаг̇гхо над̣̇ид̇ваа вад̣дхагийсуугарасса убари бад̇ад̇и, суугаро д̇асса ад̇д̇ано убари бад̇анагаалз баривад̇д̇ид̇ваа взг̇зна уж̇угам̣ кад̇аааваадз бад̇и. б̣яаг̇гхо взг̇ам̣ санд̇хаарзд̇ум̣ асаггонд̇о убарибхааг̇зна г̇анд̇ваа суббамукасса д̇ирияам̣ кад̇аааваадасса ад̇исамб̣аад̇хз мукадтаанз бад̇ид̇ваа бун̃ж̇агад̇о вияа ахоси. суугаро ааваадаа уд̇д̇арид̇ваа асанивзг̇зна г̇анд̇ваа б̣яаг̇гхам̣ анд̇арасад̇т̇имхи д̣̇аатааяа бахарид̇ваа яаава ваггабад̣̇зсаа паалзд̇ваа бан̃жамад̇хурамам̣сам̣ д̣̇аатааяа баливзтзд̇ваа б̣яаг̇гхасса мад̇т̇агз аавиж̇жхид̇ваа ‘‘г̇ан̣хат̇а д̇умхаагам̣ бажжаамид̇д̇а’’нд̇и угкибид̇ваа б̣ахиааваадз чад̣д̣зси. батамам̣ ааг̇ад̇аа б̣яаг̇гхамам̣сам̣ лабхим̣су, бажчаа ааг̇ад̇аа ‘‘б̣яаг̇гхамам̣сам̣ гийд̣̇исам̣ ход̇ий’’д̇и д̇зсам̣ мукам̣ убасин̇гханд̇аа вижарим̣су.
Athassa ussāhaṃ janento kūṭajaṭilo ‘‘mā bhāyi, gaccha tayi naditvā pakkhandante sabbepi bhītā bhijjitvā palāyissantī’’ti āha. Byaggho tasmiṃ ussāhaṃ janente sūro hutvā puna gantvā pabbatatale aṭṭhāsi. Vaḍḍhakīsūkaro dvinnaṃ āvāṭānaṃ antare aṭṭhāsi. Sūkarā ‘‘sāmi, mahācoro punāgato’’ti āhaṃsu. ‘‘Mā bhāyittha, idāni taṃ gaṇhissāmī’’ti. Byaggho naditvā vaḍḍhakīsūkarassa upari patati, sūkaro tassa attano upari patanakāle parivattitvā vegena ujukaṃ khataāvāṭe pati. Byaggho vegaṃ sandhāretuṃ asakkonto uparibhāgena gantvā suppamukhassa tiriyaṃ khataāvāṭassa atisambādhe mukhaṭṭhāne patitvā puñjakato viya ahosi. Sūkaro āvāṭā uttaritvā asanivegena gantvā byagghaṃ antarasatthimhi dāṭhāya paharitvā yāva vakkapadesā phāletvā pañcamadhuramaṃsaṃ dāṭhāya paliveṭhetvā byagghassa matthake āvijjhitvā ‘‘gaṇhatha tumhākaṃ paccāmitta’’nti ukkhipitvā bahiāvāṭe chaḍḍesi. Paṭhamaṃ āgatā byagghamaṃsaṃ labhiṃsu, pacchā āgatā ‘‘byagghamaṃsaṃ kīdisaṃ hotī’’ti tesaṃ mukhaṃ upasiṅghantā vicariṃsu.
суугараа на д̇аава д̇уссанд̇и. вад̣дхагийсуугаро д̇зсам̣ ин̇гхид̇ам̣ д̣̇исваа ‘‘гим̣ ну ко д̇умхз на д̇уссат̇аа’’д̇и ааха. ‘‘саами, гим̣ зд̇зна б̣яаг̇гхзна гхаад̇ид̇зна, ан̃н̃о бана б̣яаг̇гхааан̣аабанасамад̇т̇о гуудаж̇адило ад̇т̇иязваа’’д̇и. ‘‘го наамзсо’’д̇и? ‘‘зго д̣̇уссийлад̇аабасо’’д̇и. ‘‘б̣яаг̇гхоби маяаа гхаад̇ид̇о, со мз гим̣ баход̇и, зт̇а г̇ан̣хиссаама на’’нд̇и суугарагхадааяа сад̣̇д̇хим̣ бааяааси. гуудад̇аабасоби б̣яаг̇гхз жирааяанд̇з ‘‘гим̣ ну ко суугараа б̣яаг̇гхам̣ г̇ан̣хим̣суу’’д̇и бадибат̇ам̣ г̇ажчанд̇о д̇з суугарз ааг̇ажчанд̇з д̣̇исваа ад̇д̇ано баригкаарам̣ аад̣̇ааяа балааяанд̇о д̇зхи ануб̣анд̇хид̇о баригкаарам̣ чад̣д̣зд̇ваа взг̇зна уд̣̇умб̣араругкам̣ абхирухи. суугараа ‘‘ид̣̇аанимха, саами, надтаа, д̇аабасо балааяид̇ваа ругкам̣ абхирухий’’д̇и аахам̣су. ‘‘гим̣ ругкам̣ наамаа’’д̇и? ‘‘уд̣̇умб̣араругка’’нд̇и. со ‘‘суугарияо уд̣̇агам̣ аахаранд̇у, суугарабод̇агаа бат̇авим̣ кан̣анд̇у, д̣̇ийгхад̣̇аатаа суугараа муулаани чинд̣̇анд̇у, сзсаа бариваарзд̇ваа аарагканд̇уу’’д̇и сам̣вид̣̇ахид̇ваа д̇зсу д̇ат̇аа гаронд̇зсу саяам̣ уд̣̇умб̣арасса уж̇угам̣ т̇ууламуулам̣ парасунаа бахаранд̇о вияа згаббахаарамзва гад̇ваа уд̣̇умб̣араругкам̣ баад̇зси. бариваарзд̇ваа тид̇асуугараа гуудаж̇адилам̣ бхуумияам̣ баад̇зд̇ваа кан̣д̣аакан̣д̣игам̣ гад̇ваа яаава адтид̇о каад̣̇ид̇ваа вад̣дхагийсуугарам̣ уд̣̇умб̣араканд̇хзязва нисийд̣̇аабзд̇ваа гуудаж̇адиласса барибхог̇асан̇кзна уд̣̇агам̣ аахарид̇ваа абхисин̃жид̇ваа рааж̇аанам̣ гарим̣су, зган̃жа д̇арун̣асуугарим̣ д̇асса аг̇г̇амахзсим̣ агам̣су. д̇ад̇о бадтааяа гира яааваж̇ж̇ад̇анаа рааж̇аано уд̣̇умб̣арабхад̣̇д̣̇абийтз нисийд̣̇аабзд̇ваа д̇ийхи сан̇кзхи абхисин̃жанд̇и.
Sūkarā na tāva tussanti. Vaḍḍhakīsūkaro tesaṃ iṅghitaṃ disvā ‘‘kiṃ nu kho tumhe na tussathā’’ti āha. ‘‘Sāmi, kiṃ etena byagghena ghātitena, añño pana byagghaāṇāpanasamattho kūṭajaṭilo atthiyevā’’ti. ‘‘Ko nāmeso’’ti? ‘‘Eko dussīlatāpaso’’ti. ‘‘Byagghopi mayā ghātito, so me kiṃ pahoti, etha gaṇhissāma na’’nti sūkaraghaṭāya saddhiṃ pāyāsi. Kūṭatāpasopi byagghe cirāyante ‘‘kiṃ nu kho sūkarā byagghaṃ gaṇhiṃsū’’ti paṭipathaṃ gacchanto te sūkare āgacchante disvā attano parikkhāraṃ ādāya palāyanto tehi anubandhito parikkhāraṃ chaḍḍetvā vegena udumbararukkhaṃ abhiruhi. Sūkarā ‘‘idānimha, sāmi, naṭṭhā, tāpaso palāyitvā rukkhaṃ abhiruhī’’ti āhaṃsu. ‘‘Kiṃ rukkhaṃ nāmā’’ti? ‘‘Udumbararukkha’’nti. So ‘‘sūkariyo udakaṃ āharantu, sūkarapotakā pathaviṃ khaṇantu, dīghadāṭhā sūkarā mūlāni chindantu, sesā parivāretvā ārakkhantū’’ti saṃvidahitvā tesu tathā karontesu sayaṃ udumbarassa ujukaṃ thūlamūlaṃ pharasunā paharanto viya ekappahārameva katvā udumbararukkhaṃ pātesi. Parivāretvā ṭhitasūkarā kūṭajaṭilaṃ bhūmiyaṃ pātetvā khaṇḍākhaṇḍikaṃ katvā yāva aṭṭhito khāditvā vaḍḍhakīsūkaraṃ udumbarakhandheyeva nisīdāpetvā kūṭajaṭilassa paribhogasaṅkhena udakaṃ āharitvā abhisiñcitvā rājānaṃ kariṃsu, ekañca taruṇasūkariṃ tassa aggamahesiṃ akaṃsu. Tato paṭṭhāya kira yāvajjatanā rājāno udumbarabhaddapīṭhe nisīdāpetvā tīhi saṅkhehi abhisiñcanti.
д̇асмим̣ ванасан̣д̣з ад̇хивад̇т̇аа д̣̇звад̇аа д̇ам̣ ажчарияам̣ д̣̇исваа згасмим̣ видабанд̇арз суугараанам̣ абхимукаа худ̇ваа д̇ад̇ияам̣ г̇аат̇амааха –
Tasmiṃ vanasaṇḍe adhivatthā devatā taṃ acchariyaṃ disvā ekasmiṃ viṭapantare sūkarānaṃ abhimukhā hutvā tatiyaṃ gāthamāha –
99.
99.
‘‘намад̇т̇у сан̇гхаана самааг̇ад̇аанам̣, д̣̇исваа саяам̣ сакяа вад̣̇аами аб̣бхуд̇ам̣;
‘‘Namatthu saṅghāna samāgatānaṃ, disvā sayaṃ sakhya vadāmi abbhutaṃ;
б̣яаг̇гхам̣ миг̇аа яад̇т̇а ж̇иним̣су д̣̇аатино, саамаг̇г̇ияаа д̣̇аатаб̣алзсу мужжарз’’д̇и.
Byagghaṃ migā yattha jiniṃsu dāṭhino, sāmaggiyā dāṭhabalesu muccare’’ti.
д̇ад̇т̇а намад̇т̇у сан̇гхаананд̇и аяам̣ мама намаггааро самааг̇ад̇аанам̣ суугарасан̇гхаанам̣ ад̇т̇у. д̣̇исваа саяам̣ сакяа вад̣̇аами аб̣бхуд̇анд̇и ид̣̇ам̣ буб̣б̣з абхууд̇абуб̣б̣ам̣ аб̣бхуд̇ам̣ сакяам̣ мид̇д̇абхаавам̣ саяам̣ д̣̇исваа вад̣̇аами. б̣яаг̇гхам̣ миг̇аа яад̇т̇а ж̇иним̣су д̣̇аатинод̇и яад̇ра хи наама д̣̇аатино суугарамиг̇аа б̣яаг̇гхам̣ ж̇иним̣су, аяамзва ваа баато. саамаг̇г̇ияаа д̣̇аатаб̣алзсу мужжарзд̇и яаа саа д̣̇аатаб̣алзсу суугарзсу саамаг̇г̇ий згаж̇жхаасаяад̇аа, д̇ааяа д̇зсу саамаг̇г̇ияаа д̇з д̣̇аатаб̣алаа бажжаамид̇д̇ам̣ г̇ахзд̇ваа аж̇ж̇а маран̣абхаяаа муд̇д̇аад̇и ад̇т̇о.
Tattha namatthu saṅghānanti ayaṃ mama namakkāro samāgatānaṃ sūkarasaṅghānaṃ atthu. Disvā sayaṃ sakhya vadāmi abbhutanti idaṃ pubbe abhūtapubbaṃ abbhutaṃ sakhyaṃ mittabhāvaṃ sayaṃ disvā vadāmi. Byagghaṃ migā yattha jiniṃsu dāṭhinoti yatra hi nāma dāṭhino sūkaramigā byagghaṃ jiniṃsu, ayameva vā pāṭho. Sāmaggiyā dāṭhabalesu muccareti yā sā dāṭhabalesu sūkaresu sāmaggī ekajjhāsayatā, tāya tesu sāmaggiyā te dāṭhabalā paccāmittaṃ gahetvā ajja maraṇabhayā muttāti attho.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̇хануг̇г̇ахад̇иссо вад̣дхагийсуугаро ахоси, ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dhanuggahatisso vaḍḍhakīsūkaro ahosi, rukkhadevatā pana ahameva ahosi’’nti.
вад̣дхагийсуугараж̇аад̇агаван̣н̣анаа д̇ад̇ияаа.
Vaḍḍhakīsūkarajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 283. вад̣дхагийсуугараж̇аад̇агам̣ • 283. Vaḍḍhakīsūkarajātakaṃ
