| Library / Tipiṭaka / திபிடக • Tipiṭaka / தே²ரகா³தா²-அட்ட²கதா² • Theragāthā-aṭṭhakathā |
10. வட்³ட⁴மானத்தே²ரகா³தா²வண்ணனா
10. Vaḍḍhamānattheragāthāvaṇṇanā
ஸத்தியா விய ஓமட்டோ²தி ஆயஸ்மதோ வட்³ட⁴மானத்தே²ரஸ்ஸ கா³தா². கா உப்பத்தி? அயம்பி கிர புரிமபு³த்³தே⁴ஸு கதாதி⁴காரோ இதோ த்³வேனவுதே கப்பே திஸ்ஸஸ்ஸ ப⁴க³வதோ காலே குலகே³ஹே நிப்³ப³த்தித்வா விஞ்ஞுதங் பத்தோ திஸ்ஸங் ப⁴க³வந்தங் பிண்டா³ய சரந்தங் தி³ஸ்வா பஸன்னமானஸோ ஸுபரிபக்கானி வண்டதோ முத்தானி அம்ப³ப²லானி அதா³ஸி. ஸோ தேன புஞ்ஞகம்மேன தே³வலோகே நிப்³ப³த்தோ அபராபரங் புஞ்ஞகம்மானி உபசினந்தோ இமஸ்மிங் பு³த்³து⁴ப்பாதே³ வேஸாலியங் லிச்ச²விராஜகுலே நிப்³ப³த்தி, வட்³ட⁴மானோதிஸ்ஸ நாமங் அஹோஸி. ஸோ வயப்பத்தோ ஸத்³தோ⁴ பஸன்னோ தா³யகோ தா³னரதோ காரகோ ஸங்கு⁴பட்டா²கோ ஹுத்வா ததா²ரூபே அபராதே⁴ ஸத்தா²ரா பத்தனிக்குஜ்ஜனகம்மே காராபிதே அக்³கி³ங் அக்கந்தோ விய ஸங்க⁴ங் க²மாபெத்வா கம்மங் படிப்பஸ்ஸம்பெ⁴த்வா ஸஞ்ஜாதஸங்வேகோ³ பப்³ப³ஜி, பப்³ப³ஜித்வா பன தி²னமித்³தா⁴பி⁴பூ⁴தோ விஹாஸி. தங் ஸத்தா² ஸங்வேஜெந்தோ ‘‘ஸத்தியா விய ஓமட்டோ²’’தி கா³த²ங் அபா⁴ஸி.
Sattiyāviya omaṭṭhoti āyasmato vaḍḍhamānattherassa gāthā. Kā uppatti? Ayampi kira purimabuddhesu katādhikāro ito dvenavute kappe tissassa bhagavato kāle kulagehe nibbattitvā viññutaṃ patto tissaṃ bhagavantaṃ piṇḍāya carantaṃ disvā pasannamānaso suparipakkāni vaṇṭato muttāni ambaphalāni adāsi. So tena puññakammena devaloke nibbatto aparāparaṃ puññakammāni upacinanto imasmiṃ buddhuppāde vesāliyaṃ licchavirājakule nibbatti, vaḍḍhamānotissa nāmaṃ ahosi. So vayappatto saddho pasanno dāyako dānarato kārako saṅghupaṭṭhāko hutvā tathārūpe aparādhe satthārā pattanikkujjanakamme kārāpite aggiṃ akkanto viya saṅghaṃ khamāpetvā kammaṃ paṭippassambhetvā sañjātasaṃvego pabbaji, pabbajitvā pana thinamiddhābhibhūto vihāsi. Taṃ satthā saṃvejento ‘‘sattiyā viya omaṭṭho’’ti gāthaṃ abhāsi.
40. தத்த² ப⁴வராக³ப்பஹானாயாதி ப⁴வராக³ஸ்ஸ ரூபராக³ஸ்ஸ அரூபராக³ஸ்ஸ ச பஜஹனத்தா²ய. யதி³பி அஜ்ஜ²த்தஸங்யோஜனானி அப்பஹாய ப³ஹித்³த⁴ஸங்யோஜனானங் பஹானங் நாம நத்தி², நானந்தரிகபா⁴வதோ பன உத்³த⁴ம்பா⁴கி³யஸங்யோஜனப்பஹானவசனேன ஓரம்பா⁴கி³யஸங்யோஜனப்பஹானம்பி வுத்தமேவ ஹோதி. யஸ்மா வா ஸமுச்சி²ன்னோரம்பா⁴கி³யஸங்யோஜனானம்பி கேஸஞ்சி அரியானங் உத்³த⁴ம்பா⁴கி³யஸங்யோஜனானி து³ப்பஹெய்யானி ஹொந்தி, தஸ்மா ஸுப்பஹெய்யதோ து³ப்பஹெய்யமேவ த³ஸ்ஸெந்தோ ப⁴க³வா ப⁴வராக³ப்பஹானஸீஸேன ஸப்³ப³ஸ்ஸாபி உத்³த⁴ம்பா⁴கி³யஸங்யோஜனஸ்ஸ பஹானமாஹ. தே²ரஸ்ஸ ஏவ வா அஜ்ஜா²ஸயவஸேனேவங் வுத்தங். ஸேஸங் வுத்தனயமேவ.
40. Tattha bhavarāgappahānāyāti bhavarāgassa rūparāgassa arūparāgassa ca pajahanatthāya. Yadipi ajjhattasaṃyojanāni appahāya bahiddhasaṃyojanānaṃ pahānaṃ nāma natthi, nānantarikabhāvato pana uddhambhāgiyasaṃyojanappahānavacanena orambhāgiyasaṃyojanappahānampi vuttameva hoti. Yasmā vā samucchinnorambhāgiyasaṃyojanānampi kesañci ariyānaṃ uddhambhāgiyasaṃyojanāni duppaheyyāni honti, tasmā suppaheyyato duppaheyyameva dassento bhagavā bhavarāgappahānasīsena sabbassāpi uddhambhāgiyasaṃyojanassa pahānamāha. Therassa eva vā ajjhāsayavasenevaṃ vuttaṃ. Sesaṃ vuttanayameva.
வட்³ட⁴மானத்தே²ரகா³தா²வண்ணனா நிட்டி²தா.
Vaḍḍhamānattheragāthāvaṇṇanā niṭṭhitā.
சதுத்த²வக்³க³வண்ணனா நிட்டி²தா.
Catutthavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / தே²ரகா³தா²பாளி • Theragāthāpāḷi / 10. வட்³ட⁴மானத்தே²ரகா³தா² • 10. Vaḍḍhamānattheragāthā
