| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. вад̣дхамаанад̇т̇зраг̇аат̇ааван̣н̣анаа
10. Vaḍḍhamānattheragāthāvaṇṇanā
сад̇д̇ияаа вияа омадтод̇и ааяасмад̇о вад̣дхамаанад̇т̇зрасса г̇аат̇аа. гаа уббад̇д̇и? аяамби гира буримаб̣уд̣̇д̇хзсу гад̇аад̇хигааро ид̇о д̣̇взнавуд̇з габбз д̇иссасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о д̇иссам̣ бхаг̇аванд̇ам̣ бин̣д̣ааяа жаранд̇ам̣ д̣̇исваа басаннамаанасо субарибаггаани ван̣дад̇о муд̇д̇аани амб̣апалаани ад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇о абараабарам̣ бун̃н̃агаммаани убажинанд̇о имасмим̣ б̣уд̣̇д̇хуббаад̣̇з взсаалияам̣ лижчавирааж̇агулз ниб̣б̣ад̇д̇и, вад̣дхамаанод̇исса наамам̣ ахоси. со ваяаббад̇д̇о сад̣̇д̇хо басанно д̣̇ааяаго д̣̇аанарад̇о гаараго сан̇гхубадтааго худ̇ваа д̇ат̇ааруубз абараад̇хз сад̇т̇аараа бад̇д̇аниггуж̇ж̇анагаммз гаараабид̇з аг̇г̇им̣ агганд̇о вияа сан̇гхам̣ камаабзд̇ваа гаммам̣ бадиббассамбхзд̇ваа сан̃ж̇аад̇асам̣взг̇о баб̣б̣аж̇и, баб̣б̣аж̇ид̇ваа бана т̇инамид̣̇д̇хаабхибхууд̇о вихааси. д̇ам̣ сад̇т̇аа сам̣взж̇знд̇о ‘‘сад̇д̇ияаа вияа омадто’’д̇и г̇аат̇ам̣ абхааси.
Sattiyāviya omaṭṭhoti āyasmato vaḍḍhamānattherassa gāthā. Kā uppatti? Ayampi kira purimabuddhesu katādhikāro ito dvenavute kappe tissassa bhagavato kāle kulagehe nibbattitvā viññutaṃ patto tissaṃ bhagavantaṃ piṇḍāya carantaṃ disvā pasannamānaso suparipakkāni vaṇṭato muttāni ambaphalāni adāsi. So tena puññakammena devaloke nibbatto aparāparaṃ puññakammāni upacinanto imasmiṃ buddhuppāde vesāliyaṃ licchavirājakule nibbatti, vaḍḍhamānotissa nāmaṃ ahosi. So vayappatto saddho pasanno dāyako dānarato kārako saṅghupaṭṭhāko hutvā tathārūpe aparādhe satthārā pattanikkujjanakamme kārāpite aggiṃ akkanto viya saṅghaṃ khamāpetvā kammaṃ paṭippassambhetvā sañjātasaṃvego pabbaji, pabbajitvā pana thinamiddhābhibhūto vihāsi. Taṃ satthā saṃvejento ‘‘sattiyā viya omaṭṭho’’ti gāthaṃ abhāsi.
40. д̇ад̇т̇а бхаварааг̇аббахаанааяаад̇и бхаварааг̇асса руубарааг̇асса аруубарааг̇асса жа баж̇аханад̇т̇ааяа. яад̣̇иби аж̇жхад̇д̇асам̣яож̇анаани аббахааяа б̣ахид̣̇д̇хасам̣яож̇анаанам̣ бахаанам̣ наама над̇т̇и, наананд̇аригабхаавад̇о бана уд̣̇д̇хамбхааг̇ияасам̣яож̇анаббахаанаважанзна орамбхааг̇ияасам̣яож̇анаббахаанамби вуд̇д̇амзва ход̇и. яасмаа ваа самужчиннорамбхааг̇ияасам̣яож̇анаанамби гзсан̃жи арияаанам̣ уд̣̇д̇хамбхааг̇ияасам̣яож̇анаани д̣̇уббахзяяаани хонд̇и, д̇асмаа суббахзяяад̇о д̣̇уббахзяяамзва д̣̇ассзнд̇о бхаг̇аваа бхаварааг̇аббахаанасийсзна саб̣б̣ассааби уд̣̇д̇хамбхааг̇ияасам̣яож̇анасса бахаанамааха. т̇зрасса зва ваа аж̇жхаасаяавасзнзвам̣ вуд̇д̇ам̣. сзсам̣ вуд̇д̇анаяамзва.
40. Tattha bhavarāgappahānāyāti bhavarāgassa rūparāgassa arūparāgassa ca pajahanatthāya. Yadipi ajjhattasaṃyojanāni appahāya bahiddhasaṃyojanānaṃ pahānaṃ nāma natthi, nānantarikabhāvato pana uddhambhāgiyasaṃyojanappahānavacanena orambhāgiyasaṃyojanappahānampi vuttameva hoti. Yasmā vā samucchinnorambhāgiyasaṃyojanānampi kesañci ariyānaṃ uddhambhāgiyasaṃyojanāni duppaheyyāni honti, tasmā suppaheyyato duppaheyyameva dassento bhagavā bhavarāgappahānasīsena sabbassāpi uddhambhāgiyasaṃyojanassa pahānamāha. Therassa eva vā ajjhāsayavasenevaṃ vuttaṃ. Sesaṃ vuttanayameva.
вад̣дхамаанад̇т̇зраг̇аат̇ааван̣н̣анаа нидтид̇аа.
Vaḍḍhamānattheragāthāvaṇṇanā niṭṭhitā.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. вад̣дхамаанад̇т̇зраг̇аат̇аа • 10. Vaḍḍhamānattheragāthā
