| Library / Tipiṭaka / ਤਿਪਿਟਕ • Tipiṭaka / ਥੇਰਗਾਥਾ-ਅਟ੍ਠਕਥਾ • Theragāthā-aṭṭhakathā |
੧੦. વਡ੍ਢਮਾਨਤ੍ਥੇਰਗਾਥਾવਣ੍ਣਨਾ
10. Vaḍḍhamānattheragāthāvaṇṇanā
ਸਤ੍ਤਿਯਾ વਿਯ ਓਮਟ੍ਠੋਤਿ ਆਯਸ੍ਮਤੋ વਡ੍ਢਮਾਨਤ੍ਥੇਰਸ੍ਸ ਗਾਥਾ। ਕਾ ਉਪ੍ਪਤ੍ਤਿ? ਅਯਮ੍ਪਿ ਕਿਰ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਇਤੋ ਦ੍વੇਨવੁਤੇ ਕਪ੍ਪੇ ਤਿਸ੍ਸਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤਿਤ੍વਾ વਿਞ੍ਞੁਤਂ ਪਤ੍ਤੋ ਤਿਸ੍ਸਂ ਭਗવਨ੍ਤਂ ਪਿਣ੍ਡਾਯ ਚਰਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਸੁਪਰਿਪਕ੍ਕਾਨਿ વਣ੍ਟਤੋ ਮੁਤ੍ਤਾਨਿ ਅਮ੍ਬਫਲਾਨਿ ਅਦਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਲੋਕੇ ਨਿਬ੍ਬਤ੍ਤੋ ਅਪਰਾਪਰਂ ਪੁਞ੍ਞਕਮ੍ਮਾਨਿ ਉਪਚਿਨਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વੇਸਾਲਿਯਂ ਲਿਚ੍ਛવਿਰਾਜਕੁਲੇ ਨਿਬ੍ਬਤ੍ਤਿ, વਡ੍ਢਮਾਨੋਤਿਸ੍ਸ ਨਾਮਂ ਅਹੋਸਿ। ਸੋ વਯਪ੍ਪਤ੍ਤੋ ਸਦ੍ਧੋ ਪਸਨ੍ਨੋ ਦਾਯਕੋ ਦਾਨਰਤੋ ਕਾਰਕੋ ਸਙ੍ਘੁਪਟ੍ਠਾਕੋ ਹੁਤ੍વਾ ਤਥਾਰੂਪੇ ਅਪਰਾਧੇ ਸਤ੍ਥਾਰਾ ਪਤ੍ਤਨਿਕ੍ਕੁਜ੍ਜਨਕਮ੍ਮੇ ਕਾਰਾਪਿਤੇ ਅਗ੍ਗਿਂ ਅਕ੍ਕਨ੍ਤੋ વਿਯ ਸਙ੍ਘਂ ਖਮਾਪੇਤ੍વਾ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤ੍વਾ ਸਞ੍ਜਾਤਸਂવੇਗੋ ਪਬ੍ਬਜਿ, ਪਬ੍ਬਜਿਤ੍વਾ ਪਨ ਥਿਨਮਿਦ੍ਧਾਭਿਭੂਤੋ વਿਹਾਸਿ। ਤਂ ਸਤ੍ਥਾ ਸਂવੇਜੇਨ੍ਤੋ ‘‘ਸਤ੍ਤਿਯਾ વਿਯ ਓਮਟ੍ਠੋ’’ਤਿ ਗਾਥਂ ਅਭਾਸਿ।
Sattiyāviya omaṭṭhoti āyasmato vaḍḍhamānattherassa gāthā. Kā uppatti? Ayampi kira purimabuddhesu katādhikāro ito dvenavute kappe tissassa bhagavato kāle kulagehe nibbattitvā viññutaṃ patto tissaṃ bhagavantaṃ piṇḍāya carantaṃ disvā pasannamānaso suparipakkāni vaṇṭato muttāni ambaphalāni adāsi. So tena puññakammena devaloke nibbatto aparāparaṃ puññakammāni upacinanto imasmiṃ buddhuppāde vesāliyaṃ licchavirājakule nibbatti, vaḍḍhamānotissa nāmaṃ ahosi. So vayappatto saddho pasanno dāyako dānarato kārako saṅghupaṭṭhāko hutvā tathārūpe aparādhe satthārā pattanikkujjanakamme kārāpite aggiṃ akkanto viya saṅghaṃ khamāpetvā kammaṃ paṭippassambhetvā sañjātasaṃvego pabbaji, pabbajitvā pana thinamiddhābhibhūto vihāsi. Taṃ satthā saṃvejento ‘‘sattiyā viya omaṭṭho’’ti gāthaṃ abhāsi.
੪੦. ਤਤ੍ਥ ਭવਰਾਗਪ੍ਪਹਾਨਾਯਾਤਿ ਭવਰਾਗਸ੍ਸ ਰੂਪਰਾਗਸ੍ਸ ਅਰੂਪਰਾਗਸ੍ਸ ਚ ਪਜਹਨਤ੍ਥਾਯ। ਯਦਿਪਿ ਅਜ੍ਝਤ੍ਤਸਂਯੋਜਨਾਨਿ ਅਪ੍ਪਹਾਯ ਬਹਿਦ੍ਧਸਂਯੋਜਨਾਨਂ ਪਹਾਨਂ ਨਾਮ ਨਤ੍ਥਿ, ਨਾਨਨ੍ਤਰਿਕਭਾવਤੋ ਪਨ ਉਦ੍ਧਮ੍ਭਾਗਿਯਸਂਯੋਜਨਪ੍ਪਹਾਨવਚਨੇਨ ਓਰਮ੍ਭਾਗਿਯਸਂਯੋਜਨਪ੍ਪਹਾਨਮ੍ਪਿ વੁਤ੍ਤਮੇવ ਹੋਤਿ। ਯਸ੍ਮਾ વਾ ਸਮੁਚ੍ਛਿਨ੍ਨੋਰਮ੍ਭਾਗਿਯਸਂਯੋਜਨਾਨਮ੍ਪਿ ਕੇਸਞ੍ਚਿ ਅਰਿਯਾਨਂ ਉਦ੍ਧਮ੍ਭਾਗਿਯਸਂਯੋਜਨਾਨਿ ਦੁਪ੍ਪਹੇਯ੍ਯਾਨਿ ਹੋਨ੍ਤਿ, ਤਸ੍ਮਾ ਸੁਪ੍ਪਹੇਯ੍ਯਤੋ ਦੁਪ੍ਪਹੇਯ੍ਯਮੇવ ਦਸ੍ਸੇਨ੍ਤੋ ਭਗવਾ ਭવਰਾਗਪ੍ਪਹਾਨਸੀਸੇਨ ਸਬ੍ਬਸ੍ਸਾਪਿ ਉਦ੍ਧਮ੍ਭਾਗਿਯਸਂਯੋਜਨਸ੍ਸ ਪਹਾਨਮਾਹ। ਥੇਰਸ੍ਸ ਏવ વਾ ਅਜ੍ਝਾਸਯવਸੇਨੇવਂ વੁਤ੍ਤਂ। ਸੇਸਂ વੁਤ੍ਤਨਯਮੇવ।
40. Tattha bhavarāgappahānāyāti bhavarāgassa rūparāgassa arūparāgassa ca pajahanatthāya. Yadipi ajjhattasaṃyojanāni appahāya bahiddhasaṃyojanānaṃ pahānaṃ nāma natthi, nānantarikabhāvato pana uddhambhāgiyasaṃyojanappahānavacanena orambhāgiyasaṃyojanappahānampi vuttameva hoti. Yasmā vā samucchinnorambhāgiyasaṃyojanānampi kesañci ariyānaṃ uddhambhāgiyasaṃyojanāni duppaheyyāni honti, tasmā suppaheyyato duppaheyyameva dassento bhagavā bhavarāgappahānasīsena sabbassāpi uddhambhāgiyasaṃyojanassa pahānamāha. Therassa eva vā ajjhāsayavasenevaṃ vuttaṃ. Sesaṃ vuttanayameva.
વਡ੍ਢਮਾਨਤ੍ਥੇਰਗਾਥਾવਣ੍ਣਨਾ ਨਿਟ੍ਠਿਤਾ।
Vaḍḍhamānattheragāthāvaṇṇanā niṭṭhitā.
ਚਤੁਤ੍ਥવਗ੍ਗવਣ੍ਣਨਾ ਨਿਟ੍ਠਿਤਾ।
Catutthavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਥੇਰਗਾਥਾਪਾਲ਼ਿ • Theragāthāpāḷi / ੧੦. વਡ੍ਢਮਾਨਤ੍ਥੇਰਗਾਥਾ • 10. Vaḍḍhamānattheragāthā
