| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. вад̣дхад̇т̇зраг̇аат̇ааван̣н̣анаа
5. Vaḍḍhattheragāthāvaṇṇanā
саад̇хуу хийд̇иаад̣̇игаа ааяасмад̇о вад̣дхад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о имасмим̣ б̣уд̣̇д̇хуббаад̣̇з бхааругажчанаг̇арз г̇ахабад̇игулз ниб̣б̣ад̇д̇ид̇ваа вад̣дход̇и лад̣̇д̇ханаамо анубуб̣б̣зна вад̣дхад̇и. ат̇асса маад̇аа сам̣саарз сан̃ж̇аад̇асам̣взг̇аа буд̇д̇ам̣ н̃аад̇ийнам̣ нияяаад̣̇зд̇ваа бхигкунийнам̣ санд̇игз баб̣б̣аж̇ид̇ваа вибассанааяа гаммам̣ гаронд̇ий арахад̇д̇ам̣ баабун̣ид̇ваа абарзна самаязна буд̇д̇амби вин̃н̃уд̇ам̣ бад̇д̇ам̣ взл̣уд̣̇анд̇ад̇т̇зрасса санд̇игз баб̣б̣ааж̇зси. со баб̣б̣аж̇ид̇о б̣уд̣̇д̇хаважанам̣ уг̇г̇ахзд̇ваа б̣ахуссуд̇о д̇хаммагат̇иго худ̇ваа г̇ант̇ад̇хурам̣ ваханд̇о згад̣̇ивасам̣ ‘‘згаго санд̇аруд̇д̇арова маад̇арам̣ бассиссаамий’’д̇и бхигкунубассаяам̣ аг̇амааси. д̇ам̣ д̣̇исваа маад̇аа ‘‘гасмаа д̇вам̣ згаго санд̇аруд̇д̇арова ид̇хааг̇ад̇о’’д̇и жод̣̇зси. со маад̇араа жод̣̇ияамаано ‘‘аяуд̇д̇ам̣ маяаа гад̇а’’нд̇и уббаннасам̣взг̇о вихаарам̣ г̇анд̇ваа д̣̇иваадтаанз нисинно вибассид̇ваа арахад̇д̇ам̣ бад̇ваа маад̇у оваад̣̇асамбад̇д̇ибагаасанамукзна ан̃н̃ам̣ б̣яаагаронд̇о –
Sādhūhītiādikā āyasmato vaḍḍhattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto imasmiṃ buddhuppāde bhārukacchanagare gahapatikule nibbattitvā vaḍḍhoti laddhanāmo anupubbena vaḍḍhati. Athassa mātā saṃsāre sañjātasaṃvegā puttaṃ ñātīnaṃ niyyādetvā bhikkhunīnaṃ santike pabbajitvā vipassanāya kammaṃ karontī arahattaṃ pāpuṇitvā aparena samayena puttampi viññutaṃ pattaṃ veḷudantattherassa santike pabbājesi. So pabbajito buddhavacanaṃ uggahetvā bahussuto dhammakathiko hutvā ganthadhuraṃ vahanto ekadivasaṃ ‘‘ekako santaruttarova mātaraṃ passissāmī’’ti bhikkhunupassayaṃ agamāsi. Taṃ disvā mātā ‘‘kasmā tvaṃ ekako santaruttarova idhāgato’’ti codesi. So mātarā codiyamāno ‘‘ayuttaṃ mayā kata’’nti uppannasaṃvego vihāraṃ gantvā divāṭṭhāne nisinno vipassitvā arahattaṃ patvā mātu ovādasampattipakāsanamukhena aññaṃ byākaronto –
335.
335.
‘‘саад̇хуу хи гира мз маад̇аа, бад̇од̣̇ам̣ убад̣̇ам̣саяи;
‘‘Sādhū hi kira me mātā, patodaṃ upadaṃsayi;
яассаахам̣ важанам̣ суд̇ваа, анусидто ж̇анзд̇д̇ияаа;
Yassāhaṃ vacanaṃ sutvā, anusiṭṭho janettiyā;
аарад̣̇д̇хавийрияо бахид̇ад̇д̇о, бад̇д̇о самб̣од̇химуд̇д̇амам̣.
Āraddhavīriyo pahitatto, patto sambodhimuttamaṃ.
336.
336.
‘‘арахаа д̣̇агкин̣зяяомхи, д̇звиж̇ж̇о амад̇ад̣̇д̣̇асо;
‘‘Arahā dakkhiṇeyyomhi, tevijjo amataddaso;
ж̇зд̇ваа намужино сзнам̣, вихараами анаасаво.
Jetvā namucino senaṃ, viharāmi anāsavo.
337.
337.
‘‘аж̇жхад̇д̇ан̃жа б̣ахид̣̇д̇хаа жа, яз мз виж̇ж̇им̣су аасаваа;
‘‘Ajjhattañca bahiddhā ca, ye me vijjiṃsu āsavā;
саб̣б̣з асзсаа ужчиннаа, на жа уббаж̇ж̇арз буна.
Sabbe asesā ucchinnā, na ca uppajjare puna.
338.
338.
‘‘висаарад̣̇аа ко бхаг̇иний, звамад̇т̇ам̣ абхаасаяи;
‘‘Visāradā kho bhaginī, evamatthaṃ abhāsayi;
абихаа нууна маяиби, ванат̇о д̇з на виж̇ж̇ад̇и.
Apihā nūna mayipi, vanatho te na vijjati.
339.
339.
‘‘барияанд̇агад̇ам̣ д̣̇угкам̣, анд̇имояам̣ самуссаяо;
‘‘Pariyantakataṃ dukkhaṃ, antimoyaṃ samussayo;
ж̇аад̇имаран̣асам̣сааро, над̇т̇и д̣̇аани бунаб̣бхаво’’д̇и. – имаа г̇аат̇аа абхааси;
Jātimaraṇasaṃsāro, natthi dāni punabbhavo’’ti. – imā gāthā abhāsi;
д̇ад̇т̇а саад̇хуу хи гира мз маад̇аа, бад̇од̣̇ам̣ убад̣̇ам̣саяийд̇и саад̇ху вад̇а маад̇аа маяхам̣ оваад̣̇асан̇каад̇ам̣ бад̇од̣̇ам̣ д̣̇ассзд̇и, д̇зна мз вийрияам̣ уд̇д̇зж̇знд̇ий уд̇д̇аман̇г̇з бан̃н̃аасийсз виж̇жхи. яассаад̇и яассаа мз маад̇уяаа. самб̣од̇хинд̇и арахад̇д̇ам̣. аяан̃хзд̇т̇а яож̇анаа – ж̇анзд̇д̇ияаа мз анусидто яассаа анусаасанийбхууд̇ам̣ важанам̣ суд̇ваа ахам̣ аарад̣̇д̇хавийрияо бахид̇ад̇д̇о вихаранд̇о уд̇д̇амам̣ аг̇г̇апалам̣ самб̣од̇хим̣ арахад̇д̇ам̣ бад̇д̇о.
Tattha sādhū hi kira me mātā, patodaṃ upadaṃsayīti sādhu vata mātā mayhaṃ ovādasaṅkhātaṃ patodaṃ dasseti, tena me vīriyaṃ uttejentī uttamaṅge paññāsīse vijjhi. Yassāti yassā me mātuyā. Sambodhinti arahattaṃ. Ayañhettha yojanā – janettiyā me anusiṭṭho yassā anusāsanībhūtaṃ vacanaṃ sutvā ahaṃ āraddhavīriyo pahitatto viharanto uttamaṃ aggaphalaṃ sambodhiṃ arahattaṃ patto.
д̇ад̇о зва аарагад̇д̇аа гилзсзхи арахаа бун̃н̃агкзд̇д̇ад̇ааяа д̣̇агкин̣зяяо д̣̇агкин̣аарахо амхи. буб̣б̣зниваасан̃аан̣аад̣̇ивиж̇ж̇аад̇д̇аяасса ад̇хиг̇ад̇ад̇д̇аа д̇звиж̇ж̇о ниб̣б̣аанасса сажчигад̇ад̇д̇аа амад̇ад̣̇д̣̇асо намужино маарасса сзнам̣ гилзсаваахиним̣ б̣од̇хибагкияасзнааяа ж̇инид̇ваа д̇асса ж̇ид̇ад̇д̇ааязва анаасаво сукам̣ вихараамийд̇и.
Tato eva ārakattā kilesehi arahā puññakkhettatāya dakkhiṇeyyo dakkhiṇāraho amhi. Pubbenivāsañāṇādivijjāttayassa adhigatattā tevijjo nibbānassa sacchikatattā amataddaso namucino mārassa senaṃ kilesavāhiniṃ bodhipakkhiyasenāya jinitvā tassa jitattāyeva anāsavo sukhaṃ viharāmīti.
ид̣̇аани ‘‘анаасаво’’д̇и вуд̇д̇амад̇т̇ам̣ баагадад̇арам̣ гаад̇ум̣ ‘‘аж̇жхад̇д̇ан̃жаа’’ д̇и г̇аат̇амааха. д̇ассад̇т̇о – аж̇жхад̇д̇ам̣ аж̇жхад̇д̇авад̇т̇угаа жа б̣ахид̣̇д̇хаа б̣ахид̣̇д̇хавад̇т̇угаа жа аасаваа яз маяхам̣ арияамаг̇г̇аад̇хиг̇амад̇о буб̣б̣з виж̇ж̇им̣су убалаб̣бхим̣су, д̇з саб̣б̣з анавасзсаа ужчиннаа арияамаг̇г̇зна самужчиннаа бахийнаа буна д̣̇аани гад̣̇аажиби на жа уббаж̇ж̇зяяум̣ на уббаж̇ж̇иссанд̇иязваад̇и.
Idāni ‘‘anāsavo’’ti vuttamatthaṃ pākaṭataraṃ kātuṃ ‘‘ajjhattañcā’’ ti gāthamāha. Tassattho – ajjhattaṃ ajjhattavatthukā ca bahiddhā bahiddhavatthukā ca āsavā ye mayhaṃ ariyamaggādhigamato pubbe vijjiṃsu upalabbhiṃsu, te sabbe anavasesā ucchinnā ariyamaggena samucchinnā pahīnā puna dāni kadācipi na ca uppajjeyyuṃ na uppajjissantiyevāti.
ид̣̇аани маад̇у важанам̣ ан̇гусам̣ гад̇ваа ад̇д̇анаа арахад̇д̇асса ад̇хиг̇ад̇ад̇д̇аа маад̇арам̣ т̇омзнд̇о ‘‘висаарад̣̇аа’’д̇и г̇аат̇амааха. д̇ад̇т̇а висаарад̣̇аа код̇и згам̣сзна виг̇ад̇асаараж̇ж̇аа. звам̣ маад̇у ад̇д̇ано жа арахад̇д̇аад̇хиг̇амзна сад̇т̇у орасабуд̇д̇абхаавам̣ уллабзнд̇о маад̇арам̣ ‘‘бхаг̇иний’’д̇и ааха. зд̇амад̇т̇ам̣ абхаасаяийд̇и зд̇ам̣ мама оваад̣̇абхууд̇ам̣ ад̇т̇ам̣ абхан̣и. звам̣ бана мам̣ овад̣̇анд̇ий на гзвалам̣ висаарад̣̇аа зва, ат̇а ко абихаа нууна маяиби д̇ава буд̇д̇агзби абихаа асант̇аваа ман̃н̃з, гим̣ ваа зд̇зна баригаббанзна? ванат̇о д̇з на виж̇ж̇ад̇и авиж̇ж̇аад̣̇иго ванат̇о д̇ава санд̇аанз над̇т̇зва, яаа мам̣ бхавагкаяз нияож̇зсийд̇и ад̇хиббааяо.
Idāni mātu vacanaṃ aṅkusaṃ katvā attanā arahattassa adhigatattā mātaraṃ thomento ‘‘visāradā’’ti gāthamāha. Tattha visāradā khoti ekaṃsena vigatasārajjā. Evaṃ mātu attano ca arahattādhigamena satthu orasaputtabhāvaṃ ullapento mātaraṃ ‘‘bhaginī’’ti āha. Etamatthaṃ abhāsayīti etaṃ mama ovādabhūtaṃ atthaṃ abhaṇi. Evaṃ pana maṃ ovadantī na kevalaṃ visāradā eva, atha kho apihā nūna mayipi tava puttakepi apihā asanthavā maññe, kiṃ vā etena parikappanena? Vanatho te na vijjati avijjādiko vanatho tava santāne nattheva, yā maṃ bhavakkhaye niyojesīti adhippāyo.
ид̣̇аани ‘‘д̇аяаа нияож̇ид̇аагаарзнзва маяаа бадибанна’’нд̇и д̣̇ассзнд̇о ‘‘барияанд̇агад̇а’’нд̇и осаанаг̇аат̇амааха, д̇ассад̇т̇о сувин̃н̃зяяова.
Idāni ‘‘tayā niyojitākāreneva mayā paṭipanna’’nti dassento ‘‘pariyantakata’’nti osānagāthamāha, tassattho suviññeyyova.
вад̣дхад̇т̇зраг̇аат̇ааван̣н̣анаа нидтид̇аа.
Vaḍḍhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. вад̣дхад̇т̇зраг̇аат̇аа • 5. Vaḍḍhattheragāthā
