| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. вад̣дхисуд̇д̇ам̣
4. Vaḍḍhisuttaṃ
74. ‘‘д̣̇асахи , бхигкавз, вад̣дхийхи вад̣дхамаано арияасааваго арияааяа вад̣дхияаа вад̣дхад̇и, саараад̣̇ааяий жа ход̇и вараад̣̇ааяий гааяасса. гад̇амзхи д̣̇асахи? кзд̇д̇авад̇т̇уухи вад̣дхад̇и, д̇ханад̇хан̃н̃зна вад̣дхад̇и, буд̇д̇ад̣̇аарзхи вад̣дхад̇и, д̣̇аасагаммагараборисзхи вад̣дхад̇и, жад̇уббад̣̇зхи вад̣дхад̇и, сад̣̇д̇хааяа вад̣дхад̇и, сийлзна вад̣дхад̇и, суд̇зна вад̣дхад̇и, жааг̇зна вад̣дхад̇и, бан̃н̃ааяа вад̣дхад̇и – имзхи ко, бхигкавз, д̣̇асахи вад̣дхийхи вад̣дхамаано арияасааваго арияааяа вад̣дхияаа вад̣дхад̇и, саараад̣̇ааяий жа ход̇и вараад̣̇ааяий гааяассаад̇и.
74. ‘‘Dasahi , bhikkhave, vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati, sārādāyī ca hoti varādāyī kāyassa. Katamehi dasahi? Khettavatthūhi vaḍḍhati, dhanadhaññena vaḍḍhati, puttadārehi vaḍḍhati, dāsakammakaraporisehi vaḍḍhati, catuppadehi vaḍḍhati, saddhāya vaḍḍhati, sīlena vaḍḍhati, sutena vaḍḍhati, cāgena vaḍḍhati, paññāya vaḍḍhati – imehi kho, bhikkhave, dasahi vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati, sārādāyī ca hoti varādāyī kāyassāti.
‘‘д̇ханзна д̇хан̃н̃зна жа яод̇ха вад̣дхад̇и,
‘‘Dhanena dhaññena ca yodha vaḍḍhati,
буд̇д̇зхи д̣̇аарзхи жад̇уббад̣̇зхи жа;
Puttehi dārehi catuppadehi ca;
са бхог̇аваа ход̇и яасасси бууж̇ид̇о,
Sa bhogavā hoti yasassi pūjito,
н̃аад̇ийхи мид̇д̇зхи ат̇оби рааж̇убхи.
Ñātīhi mittehi athopi rājubhi.
‘‘сад̣̇д̇хааяа сийлзна жа яод̇ха вад̣дхад̇и,
‘‘Saddhāya sīlena ca yodha vaḍḍhati,
бан̃н̃ааяа жааг̇зна суд̇зна жуубхаяам̣;
Paññāya cāgena sutena cūbhayaṃ;
со д̇аад̣̇исо саббурисо вижагкан̣о,
So tādiso sappuriso vicakkhaṇo,
д̣̇идтзва д̇хаммз убхаязна вад̣дхад̇ий’’д̇и. жад̇уд̇т̇ам̣;
Diṭṭheva dhamme ubhayena vaḍḍhatī’’ti. catutthaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3-4. идтад̇хаммасуд̇д̇аад̣̇иван̣н̣анаа • 3-4. Iṭṭhadhammasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. ааган̇касуд̇д̇аад̣̇иван̣н̣анаа • 1-4. Ākaṅkhasuttādivaṇṇanā
