| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. වාදීසුත්‌තං
10. Vādīsuttaṃ
140. ‘‘චත්‌තාරොමෙ , භික්‌ඛවෙ, වාදී. කතමෙ චත්‌තාරො? අත්‌ථි , භික්‌ඛවෙ, වාදී අත්‌ථතො පරියාදානං ගච්‌ඡති, නො බ්‍යඤ්‌ජනතො; අත්‌ථි, භික්‌ඛවෙ, වාදී බ්‍යඤ්‌ජනතො පරියාදානං ගච්‌ඡති, නො අත්‌ථතො; අත්‌ථි, භික්‌ඛවෙ, වාදී අත්‌ථතො ච බ්‍යඤ්‌ජනතො ච පරියාදානං ගච්‌ඡති; අත්‌ථි, භික්‌ඛවෙ, වාදී නෙවත්‌ථතො නො බ්‍යඤ්‌ජනතො පරියාදානං ගච්‌ඡති. ඉමෙ ඛො, භික්‌ඛවෙ, චත්‌තාරො වාදී. අට්‌ඨානමෙතං, භික්‌ඛවෙ, අනවකාසො යං චතූහි පටිසම්‌භිදාහි සමන්‌නාගතො 1 අත්‌ථතො වා බ්‍යඤ්‌ජනතො වා පරියාදානං ගච්‌ඡෙය්‍යා’’ති. දසමං.
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
පුග්‌ගලවග්‌ගො චතුත්‌ථො.
Puggalavaggo catuttho.
තස්‌සුද්‌දානං –
Tassuddānaṃ –
සංයොජනං පටිභානො, උග්‌ඝටිතඤ්‌ඤු උට්‌ඨානං;
Saṃyojanaṃ paṭibhāno, ugghaṭitaññu uṭṭhānaṃ;
සාවජ්‌ජො ද්‌වෙ ච සීලානි, නිකට්‌ඨ ධම්‌ම වාදී චාති.
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. වාදීසුත්‌තවණ්‌ණනා • 10. Vādīsuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9-10. ධම්‌මකථිකසුත්‌තාදිවණ්‌ණනා • 9-10. Dhammakathikasuttādivaṇṇanā
