| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. વਗ੍ਗੁਲਿਙ੍ਗਪਞ੍ਹੋ
7. Vagguliṅgapañho
੭. ‘‘ਭਨ੍ਤੇ ਨਾਗਸੇਨ, ‘વਗ੍ਗੁਲਿਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, વਗ੍ਗੁਲਿ ਗੇਹਂ ਪવਿਸਿਤ੍વਾ વਿਚਰਿਤ੍વਾ ਨਿਕ੍ਖਮਤਿ, ਨ ਤਤ੍ਥ ਪਲਿਬੁਦ੍ਧਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਗਾਮਂ ਪਿਣ੍ਡਾਯ ਪવਿਸਿਤ੍વਾ ਸਪਦਾਨਂ વਿਚਰਿਤ੍વਾ ਪਟਿਲਦ੍ਧਲਾਭੇਨ ਖਿਪ੍ਪਮੇવ ਨਿਕ੍ਖਮਿਤਬ੍ਬਂ, ਨ ਤਤ੍ਥ ਪਲਿਬੁਦ੍ਧੇਨ ਭવਿਤਬ੍ਬਂ। ਇਦਂ, ਮਹਾਰਾਜ, વਗ੍ਗੁਲਿਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
7. ‘‘Bhante nāgasena, ‘vaggulissa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, vagguli gehaṃ pavisitvā vicaritvā nikkhamati, na tattha palibuddhati, evameva kho, mahārāja, yoginā yogāvacarena gāmaṃ piṇḍāya pavisitvā sapadānaṃ vicaritvā paṭiladdhalābhena khippameva nikkhamitabbaṃ, na tattha palibuddhena bhavitabbaṃ. Idaṃ, mahārāja, vaggulissa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਗ੍ਗੁਲਿ ਪਰਗੇਹੇ વਸਮਾਨੋ ਨ ਤੇਸਂ ਪਰਿਹਾਨਿਂ ਕਰੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕੁਲਾਨਿ ਉਪਸਙ੍ਕਮਿਤ੍વਾ ਅਤਿਯਾਚਨਾਯ વਾ વਿਞ੍ਞਤ੍ਤਿਬਹੁਲਤਾਯ વਾ ਕਾਯਦੋਸਬਹੁਲਤਾਯ વਾ ਅਤਿਭਾਣਿਤਾਯ વਾ ਸਮਾਨਸੁਖਦੁਕ੍ਖਤਾਯ વਾ ਨ ਤੇਸਂ ਕੋਚਿ વਿਪ੍ਪਟਿਸਾਰੋ ਕਰਣੀਯੋ, ਨਪਿ ਤੇਸਂ ਮੂਲਕਮ੍ਮਂ ਪਰਿਹਾਪੇਤਬ੍ਬਂ, ਸਬ੍ਬਥਾ વਡ੍ਢਿ ਯੇવ ਇਚ੍ਛਿਤਬ੍ਬਾ। ਇਦਂ, ਮਹਾਰਾਜ, વਗ੍ਗੁਲਿਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਦੀਘਨਿਕਾਯવਰੇ ਲਕ੍ਖਣਸੁਤ੍ਤਨ੍ਤੇ –
‘‘Puna caparaṃ, mahārāja, vagguli paragehe vasamāno na tesaṃ parihāniṃ karoti, evameva kho, mahārāja, yoginā yogāvacarena kulāni upasaṅkamitvā atiyācanāya vā viññattibahulatāya vā kāyadosabahulatāya vā atibhāṇitāya vā samānasukhadukkhatāya vā na tesaṃ koci vippaṭisāro karaṇīyo, napi tesaṃ mūlakammaṃ parihāpetabbaṃ, sabbathā vaḍḍhi yeva icchitabbā. Idaṃ, mahārāja, vaggulissa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare lakkhaṇasuttante –
‘‘‘ਸੁਦ੍ਧਾਯ ਸੀਲੇਨ ਸੁਤੇਨ ਬੁਦ੍ਧਿਯਾ, ਚਾਗੇਨ ਧਮ੍ਮੇਨ ਬਹੂਹਿ ਸਾਧੁਹਿ।
‘‘‘Suddhāya sīlena sutena buddhiyā, cāgena dhammena bahūhi sādhuhi;
ਧਨੇਨ ਧਞ੍ਞੇਨ ਚ ਖੇਤ੍ਤવਤ੍ਥੁਨਾ, ਪੁਤ੍ਤੇਹਿ ਦਾਰੇਹਿ ਚਤੁਪ੍ਪਦੇਹਿ ਚ॥
Dhanena dhaññena ca khettavatthunā, puttehi dārehi catuppadehi ca.
‘‘‘ਞਾਤੀਹਿ ਮਿਤ੍ਤੇਹਿ ਚ ਬਨ੍ਧવੇਹਿ, ਬਲੇਨ વਣ੍ਣੇਨ ਸੁਖੇਨ ਚੂਭਯਂ।
‘‘‘Ñātīhi mittehi ca bandhavehi, balena vaṇṇena sukhena cūbhayaṃ;
ਕਥਂ ਨ ਹਾਯੇਯ੍ਯੁਂ ਪਰੇਤਿ ਇਚ੍ਛਤਿ, ਅਤ੍ਥਸਮਿਦ੍ਧਿਞ੍ਚ ਪਨਾਭਿਕਙ੍ਖਤੀ’’’ਤਿ॥
Kathaṃ na hāyeyyuṃ pareti icchati, atthasamiddhiñca panābhikaṅkhatī’’’ti.
વਗ੍ਗੁਲਿਙ੍ਗਪਞ੍ਹੋ ਸਤ੍ਤਮੋ।
Vagguliṅgapañho sattamo.
