| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. சதுத்த²பாராஜிகங்
4. Catutthapārājikaṃ
வக்³கு³முதா³தீரியபி⁴க்கு²வத்து²வண்ணனா
Vaggumudātīriyabhikkhuvatthuvaṇṇanā
193. சதுத்தே² வக்³கு³ ச ஸா மோத³யதி ச ஸத்தேதி வக்³கு³முதா³. ‘‘வக்³கு³மதா³’’திபி பாடோ², தஸ்ஸ வக்³கு³ ச ஸா பஸன்னஸுத்³த⁴தரங்க³ஸமித்³த⁴த்தா ஸுகு²மா சாதி அத்தோ² ஜீவிதவக்³கு³த்த²னிதா ஜீவிதத்த²ந்தி நீலுப்பலந்திஆதீ³ஸு விய. மத³ஸ்ஸாதி ச ப³ஹுக²ஜ்ஜபோ⁴ஜ்ஜபானாதி³ஸமித்³தா⁴ நதீ³ ச²ணதி³வஸேஸூதி நிருத்தி வேதி³தப்³பா³. வக்³கு³ பரிஸுத்³தா⁴தி லோகேன ஸம்மதாதி கிர அத்தோ². பா⁴ஸிதோ ப⁴விஸ்ஸதீதி பாட²ஸேஸோ.
193. Catutthe vaggu ca sā modayati ca satteti vaggumudā. ‘‘Vaggumadā’’tipi pāṭho, tassa vaggu ca sā pasannasuddhataraṅgasamiddhattā sukhumā cāti attho jīvitavaggutthanitā jīvitatthanti nīluppalantiādīsu viya. Madassāti ca bahukhajjabhojjapānādisamiddhā nadī chaṇadivasesūti nirutti veditabbā. Vaggu parisuddhāti lokena sammatāti kira attho. Bhāsito bhavissatīti pāṭhaseso.
194-5. வண்ணவா வண்ணவந்தோ வண்ணவந்தானீதிபி ஸிஜ்ஜ²தி கிர ப³ஹுவசனேன. யஸ்மா இந்த்³ரியானங் ஊனத்தங், பூரத்தங் வா நத்தி², தஸ்மா ‘‘அபி⁴னிவிட்டோ²காஸஸ்ஸ பரிபுண்ணத்தா’’தி வுத்தங். ச²ட்ட²ஸ்ஸ அபி⁴னிவிட்டோ²காஸோ ஹத³யவத்து². சதுஇரியாபத²சக்கே பாகதிந்த்³ரியே. அத்தனோ த³ஹதீதி அத்தனா த³ஹதி, அத்தனா படிவித்³த⁴ங் கத்வா பவேதே³தீதி அதி⁴ப்பாயோ. ஸந்தந்தி வத்தமானங். கொ³த்ரபு⁴னோதி கொ³த்தமத்தங் அனுப⁴வத்தா நாமமத்தகமேவாதி அத்தோ².
194-5. Vaṇṇavā vaṇṇavanto vaṇṇavantānītipi sijjhati kira bahuvacanena. Yasmā indriyānaṃ ūnattaṃ, pūrattaṃ vā natthi, tasmā ‘‘abhiniviṭṭhokāsassa paripuṇṇattā’’ti vuttaṃ. Chaṭṭhassa abhiniviṭṭhokāso hadayavatthu. Catuiriyāpathacakke pākatindriye. Attano dahatīti attanā dahati, attanā paṭividdhaṃ katvā pavedetīti adhippāyo. Santanti vattamānaṃ. Gotrabhunoti gottamattaṃ anubhavattā nāmamattakamevāti attho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. சதுத்த²பாராஜிகங் • 4. Catutthapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. சதுத்த²பாராஜிகங் • 4. Catutthapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வக்³கு³முதா³தீரியபி⁴க்கு²வத்து²வண்ணனா • Vaggumudātīriyabhikkhuvatthuvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வக்³கு³முதா³தீரியபி⁴க்கு²வத்து²வண்ணனா • Vaggumudātīriyabhikkhuvatthuvaṇṇanā
