| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. жад̇уд̇т̇абаарааж̇игам̣
4. Catutthapārājikaṃ
жад̇усажжавид̣̇ууд̇и жад̇д̇аари сажжаани самаахадаани жад̇усажжам̣, д̇ам̣ авзд̣̇и бадивиж̇жхийд̇и жад̇усажжавид̣̇уу. сад̇иби саавагаанам̣ бажжзгаб̣уд̣̇д̇хаанан̃жа жад̇усажжавид̣̇убхаавз анан̃н̃абуб̣б̣агад̇д̇аа бхаг̇авад̇о жад̇усажжад̣̇ассанасса д̇ад̇т̇а жа саб̣б̣ан̃н̃уд̇ааяа б̣алзсу жа васийбхаавасса бад̇д̇ид̇о барасанд̇аанзсу басаарид̇абхаавзна баагадад̇д̇аа жа бхаг̇аваава висзсзна ‘‘жад̇усажжавид̣̇уу’’д̇и т̇оманам̣ арахад̇и.
Catusaccavidūti cattāri saccāni samāhaṭāni catusaccaṃ, taṃ avedi paṭivijjhīti catusaccavidū. Satipi sāvakānaṃ paccekabuddhānañca catusaccavidubhāve anaññapubbakattā bhagavato catusaccadassanassa tattha ca sabbaññutāya balesu ca vasībhāvassa pattito parasantānesu pasāritabhāvena pākaṭattā ca bhagavāva visesena ‘‘catusaccavidū’’ti thomanaṃ arahati.
ваг̇г̇умуд̣̇аад̇ийрияабхигкувад̇т̇уван̣н̣анаа
Vaggumudātīriyabhikkhuvatthuvaṇṇanā
193. ад̇хидтзмаад̇и сам̣вид̣̇ахаама. д̣̇ууд̇агамманд̇и г̇ихийнам̣ бан̣н̣ам̣ ваа саасанам̣ ваа г̇ахзд̇ваа д̇ад̇т̇а д̇ад̇т̇а г̇аманам̣. ирияаабат̇ам̣ сан̣табзд̇ваад̇и бад̇хаанаануруубам̣ гад̇ваа. бужчанд̇аанам̣ ваад̇и ‘‘аяяаа санд̇аирияаабат̇аа ад̇ивияа убасанд̇аа, гад̇арам̣ висзсамад̇хиг̇ажчим̣суу’’д̇и бужчанд̇аанам̣. анааг̇ад̇асамб̣анд̇хз бана асад̇ийд̇и ‘‘бхаасид̇о бхависсад̇ий’’д̇и баатасзсам̣ гад̇ваа анааг̇ад̇асамб̣анд̇хз асад̇и. ‘‘бхаасид̇о’’д̇и ад̇ийд̇аважанам̣ гат̇ам̣ анааг̇ад̇аважанзна самб̣анд̇хамубаг̇ажчад̇ийд̇и ааха ‘‘лагкан̣ам̣ бана сад̣̇д̣̇асад̇т̇ад̇о бариязсид̇аб̣б̣а’’нд̇и. ийд̣̇исз хи таанз ‘‘д̇хаад̇усамб̣анд̇хз бажжаяаа’’д̇и иминаа лагкан̣зна д̇хаад̇вад̇т̇асамб̣анд̇хз сад̇и аяат̇аагаалавихид̇ааби бажжаяаа саад̇хаво бхаванд̇ийд̇и сад̣̇д̣̇асад̇т̇авид̣̇уу вад̣̇анд̇и.
193.Adhiṭṭhemāti saṃvidahāma. Dūtakammanti gihīnaṃ paṇṇaṃ vā sāsanaṃ vā gahetvā tattha tattha gamanaṃ. Iriyāpathaṃ saṇṭhapetvāti padhānānurūpaṃ katvā. Pucchantānaṃ vāti ‘‘ayyā santairiyāpathā ativiya upasantā, kataraṃ visesamadhigacchiṃsū’’ti pucchantānaṃ. Anāgatasambandhe pana asatīti ‘‘bhāsito bhavissatī’’ti pāṭhasesaṃ katvā anāgatasambandhe asati. ‘‘Bhāsito’’ti atītavacanaṃ kathaṃ anāgatavacanena sambandhamupagacchatīti āha ‘‘lakkhaṇaṃ pana saddasatthato pariyesitabba’’nti. Īdise hi ṭhāne ‘‘dhātusambandhe paccayā’’ti iminā lakkhaṇena dhātvatthasambandhe sati ayathākālavihitāpi paccayā sādhavo bhavantīti saddasatthavidū vadanti.
194. ван̣н̣аваад̇и иминаа сагаласарийраануг̇ад̇аван̣н̣асса манаабад̇аа вуд̇д̇аа. басаннамукаван̣н̣аад̇и иминаа сагаласарийраван̣н̣ад̇оби ад̇хигад̇арам̣ мукаван̣н̣асса манаабад̇аа вуд̇д̇аа. виббасанначавиван̣н̣аад̇и иминаа бана виж̇ж̇амаанассзва сарийраван̣н̣асса ад̇ивияа басаннад̇аа вуд̇д̇аа. яасмаа инд̣̇рияаанам̣ уунад̇д̇ам̣ ваа бууран̣ад̇д̇ам̣ ваа над̇т̇и, д̇асмаа ‘‘абхинивидтогаасасса барибун̣н̣ад̇д̇аа’’д̇и вуд̇д̇ам̣. чадтасса абхинивидтогаасо хад̣̇аяавад̇т̇у, бан̃жабасаад̣̇аанам̣ абхинивидтогаасасса барибун̣н̣ад̇ааважанзнзва хад̣̇аяавад̇т̇уаад̣̇исагаласарийрасса барибун̣н̣ад̇аа д̣̇ассид̇ааязва ход̇ийд̇и ааха – ‘‘манажчадтаанам̣ инд̣̇рияаана’’нд̇и. яат̇аа д̇анд̇и зд̇т̇а д̇анд̇и нибаад̇амад̇д̇ам̣. бханд̇амиг̇аббадибхааг̇аад̇и гад̇д̇аб̣б̣аагад̇д̇аб̣б̣асса аж̇аананад̇о бханд̇амиг̇асад̣̇исаа. жад̇ужагганд̇и жад̇уирияаабат̇ам̣. ирияаабат̇о хи ид̇ха бавад̇д̇анадтзна ‘‘жагга’’нд̇и ад̇хиббзд̇о. навад̣̇вааранд̇и навахи ван̣амукзхи навад̣̇ваарам̣. д̣̇угканд̇и сийсарог̇аад̣̇ид̣̇угкам̣. саб̣б̣агижжзсууд̇и бад̇д̇абажанажийварараж̇анаяог̇адтаанаад̣̇игижжзсу. яаабзд̇унд̇и вахид̇ум̣ бавад̇д̇зд̇ум̣. д̇знааха ‘‘г̇амзд̇у’’нд̇и.
194.Vaṇṇavāti iminā sakalasarīrānugatavaṇṇassa manāpatā vuttā. Pasannamukhavaṇṇāti iminā sakalasarīravaṇṇatopi adhikataraṃ mukhavaṇṇassa manāpatā vuttā. Vippasannachavivaṇṇāti iminā pana vijjamānasseva sarīravaṇṇassa ativiya pasannatā vuttā. Yasmā indriyānaṃ ūnattaṃ vā pūraṇattaṃ vā natthi, tasmā ‘‘abhiniviṭṭhokāsassa paripuṇṇattā’’ti vuttaṃ. Chaṭṭhassa abhiniviṭṭhokāso hadayavatthu, pañcapasādānaṃ abhiniviṭṭhokāsassa paripuṇṇatāvacaneneva hadayavatthuādisakalasarīrassa paripuṇṇatā dassitāyeva hotīti āha – ‘‘manacchaṭṭhānaṃindriyāna’’nti. Yathā tanti ettha tanti nipātamattaṃ. Bhantamigappaṭibhāgāti kattabbākattabbassa ajānanato bhantamigasadisā. Catucakkanti catuiriyāpathaṃ. Iriyāpatho hi idha pavattanaṭṭhena ‘‘cakka’’nti adhippeto. Navadvāranti navahi vaṇamukhehi navadvāraṃ. Dukkhanti sīsarogādidukkhaṃ. Sabbakiccesūti pattapacanacīvararajanayogaṭṭhānādikiccesu. Yāpetunti vahituṃ pavattetuṃ. Tenāha ‘‘gametu’’nti.
195. санд̇од̇и иминаа д̇зсам̣ виж̇ж̇амаанад̇ам̣ д̣̇ассзд̇и, сам̣виж̇ж̇амаанаад̇и иминаа бана д̇зсам̣ убалаб̣бхамаанад̇ам̣ д̣̇ассзд̇и. д̇знааха – ‘‘ад̇т̇и жзва убалаб̣бханд̇и жаа’’д̇и. убалаб̣бханд̇ийд̇и д̣̇иссанд̇и, н̃ааяанд̇ийд̇и ад̇т̇о. бант̇ад̣̇ууханагамманд̇и бант̇агхаад̇анагаммам̣. хананд̇од̇и маарзнд̇о. гхаад̇знд̇од̇и маараабзнд̇о. ат̇а ваа хананд̇од̇и б̣анд̇ханад̇аал̣анаад̣̇ийхи хим̣санд̇о. гхаад̇знд̇од̇и маарзнд̇о. чинд̣̇анд̇од̇и барзсам̣ хад̇т̇аад̣̇ийни чинд̣̇анд̇о. бажанд̇од̇и д̣̇ан̣д̣зна уббийл̣знд̇о. бажанан̃хзд̇т̇а д̣̇аханам̣ виб̣аад̇ханам̣ ад̇хиббзд̇ам̣. бажанд̇од̇и ваа д̇аж̇ж̇знд̇о д̇аасзнд̇о. ат̇а ваа бажанд̇од̇и г̇аамзсу аг̇г̇ибаад̇анавасзна г̇зхаад̣̇ийни жхаабзд̇ваа д̇ад̇т̇а аж̇зл̣агаад̣̇ийни бажанд̇о.
195.Santoti iminā tesaṃ vijjamānataṃ dasseti, saṃvijjamānāti iminā pana tesaṃ upalabbhamānataṃ dasseti. Tenāha – ‘‘atthi ceva upalabbhanti cā’’ti. Upalabbhantīti dissanti, ñāyantīti attho. Panthadūhanakammanti panthaghātanakammaṃ. Hanantoti mārento. Ghātentoti mārāpento. Atha vā hanantoti bandhanatāḷanādīhi hiṃsanto. Ghātentoti mārento. Chindantoti paresaṃ hatthādīni chindanto. Pacantoti daṇḍena uppīḷento. Pacanañhettha dahanaṃ vibādhanaṃ adhippetaṃ. Pacantoti vā tajjento tāsento. Atha vā pacantoti gāmesu aggipātanavasena gehādīni jhāpetvā tattha ajeḷakādīni pacanto.
яз сигкаабад̣̇зсу б̣ахулаг̇аараваа на хонд̇и аабад̇д̇ивийд̇иггамаб̣ахулаа, д̇з сигкаабад̣̇зсу ад̇иб̣б̣аг̇аараваа. уд̣̇д̇хад̇зд̇и агаббияз габбияасан̃н̃ид̇ааяа габбияз агаббияасан̃н̃ид̇ааяа аваж̇ж̇з важ̇ж̇асан̃н̃ид̇ааяа важ̇ж̇з аваж̇ж̇асан̃н̃ид̇ааяа жа уд̣̇д̇хажжабагад̇игз. уннал̣зд̇и уг̇г̇ад̇анал̣з, удтид̇ад̇ужчамаанзд̇и вуд̇д̇ам̣ ход̇и. жабалзд̇и бад̇д̇ажийвараман̣д̣анаад̣̇инаа жаабаллзна яуд̇д̇з. мукарзд̇и мукакарз , караважанзд̇и вуд̇д̇ам̣ ход̇и. вигин̣н̣аваажзд̇и асам̣яад̇аважанз д̣̇ивасамби нирад̇т̇агаважанаббалаабинз. мудтаа надтаа сад̇и зд̇зсанд̇и мудтассад̇ий, сад̇ивирахид̇зд̇и вуд̇д̇ам̣ ход̇и. асамбаж̇аанзд̇и ниббан̃н̃з. баагад̇инд̣̇риязд̇и сам̣вараабхаавзна г̇ихигаалз вияа вивадаинд̣̇рияз. аажарияубаж̇жхааязхи барижжад̇д̇агзд̇и д̇хаммзна аамисзна жа асан̇г̇ахзд̇ваа аажарияубаж̇жхааязхи барижжад̇д̇з анаат̇з аббад̇идтз. лаабхаг̇аругзд̇и бажжаяаг̇аругз.
Ye sikkhāpadesu bahulagāravā na honti āpattivītikkamabahulā, te sikkhāpadesu atibbagāravā. Uddhateti akappiye kappiyasaññitāya kappiye akappiyasaññitāya avajje vajjasaññitāya vajje avajjasaññitāya ca uddhaccapakatike. Unnaḷeti uggatanaḷe, uṭṭhitatucchamāneti vuttaṃ hoti. Capaleti pattacīvaramaṇḍanādinā cāpallena yutte. Mukhareti mukhakhare , kharavacaneti vuttaṃ hoti. Vikiṇṇavāceti asaṃyatavacane divasampi niratthakavacanappalāpine. Muṭṭhā naṭṭhā sati etesanti muṭṭhassatī, sativirahiteti vuttaṃ hoti. Asampajāneti nippaññe. Pākatindriyeti saṃvarābhāvena gihikāle viya vivaṭaindriye. Ācariyupajjhāyehi pariccattaketi dhammena āmisena ca asaṅgahetvā ācariyupajjhāyehi pariccatte anāthe appatiṭṭhe. Lābhagaruketi paccayagaruke.
ирияаабат̇асан̣табанаад̣̇ийнийд̇и аад̣̇и-сад̣̇д̣̇зна бажжаяабадисзванасааманд̇аж̇аббаанам̣ г̇ахан̣ам̣ взд̣̇ид̇аб̣б̣ам̣. махаанид̣̇д̣̇зсз (махаани. 87) хи ирияаабат̇асан̣табанабажжаяабадисзванасааманд̇аж̇аббанавасзна д̇ивид̇хам̣ гухагавад̇т̇у ааг̇ад̇ам̣. д̇ад̇т̇а баабижчассзва сад̇о самбхааванаад̇хиббааяагад̇зна ирияаабат̇зна вимхаабанам̣ ирияаабат̇асан̣табанасан̇каад̇ам̣ гухагавад̇т̇у. д̇ат̇аа жийвараад̣̇ийхи ниманд̇ид̇асса д̇ад̣̇ад̇т̇игассзва сад̇о баабижчад̇ам̣ ниссааяа бадигкзбанзна д̇з жа г̇ахабад̇игз ад̇д̇ани суббад̇идтид̇асад̣̇д̇хз н̃ад̇ваа буна д̇зсам̣ ‘‘ахо аяяо аббижчо, на гин̃жи бадиг̇г̇ан̣хид̇ум̣ ижчад̇и, сулад̣̇д̇хам̣ вад̇а но асса, сажз аббамад̇д̇агамби гин̃жи бадиг̇г̇ан̣хзяяаа’’д̇и наанаавид̇хзхи убааязхи бан̣ийд̇аани жийвараад̣̇ийни убанзнд̇аанам̣ д̇ад̣̇ануг̇г̇ахагаамад̇ам̣язва аавигад̇ваа бадиг̇г̇ахан̣зна жа д̇ад̇о бабхуд̇и асийд̇исагадабхаарзхи убанааманахзд̇убхууд̇ам̣ вимхаабанам̣ бажжаяабадисзванасан̇каад̇ам̣ гухагавад̇т̇ууд̇и взд̣̇ид̇аб̣б̣ам̣. баабижчассзва бана сад̇о уд̇д̇аримануссад̇хаммаад̇хиг̇амабарид̣̇ийбанаваажааяа д̇ат̇аа д̇ат̇аа вимхаабанам̣ сааманд̇аж̇аббанасан̇каад̇ам̣ гухагавад̇т̇ууд̇и взд̣̇ид̇аб̣б̣ам̣. жид̇д̇алабаб̣б̣ад̇аад̣̇ивихааро логасаммад̇асзнаасанам̣ наама. логасаммад̇а …бз… убааязхи сам̣ван̣н̣ияамаанаг̇ун̣од̇и самб̣анд̇хо. барибаажзд̇унд̇и барин̣аамзд̇ум̣. суд̣̇д̇хажид̇д̇зна ад̇д̇ано г̇ант̇ад̇хураад̣̇игаммам̣ гад̇ваа вижаранд̇аанам̣ д̇аммуулагабажжаяабарибхог̇з д̣̇осаабхаавам̣ д̣̇ассзд̇ум̣ ‘‘яз банаа’’д̇иаад̣̇и вуд̇д̇ам̣. бхигкаажаарз асамбаж̇ж̇амаанзд̇и г̇ожараг̇аамз бхигкааяа жарид̇ваа лабхид̇аб̣б̣абин̣д̣абаад̇з асамбаж̇ж̇анд̇з. д̇з жа вад̇д̇асийсзна саб̣б̣амбзд̇ам̣ гаронд̇и, на лаабханимид̇д̇ам̣. д̇зна вуд̇д̇ам̣ ‘‘д̇анд̇ибавзн̣игхаданагаа саасанаж̇од̇агаа’’д̇и.
Iriyāpathasaṇṭhapanādīnīti ādi-saddena paccayapaṭisevanasāmantajappānaṃ gahaṇaṃ veditabbaṃ. Mahāniddese (mahāni. 87) hi iriyāpathasaṇṭhapanapaccayapaṭisevanasāmantajappanavasena tividhaṃ kuhakavatthu āgataṃ. Tattha pāpicchasseva sato sambhāvanādhippāyakatena iriyāpathena vimhāpanaṃ iriyāpathasaṇṭhapanasaṅkhātaṃ kuhakavatthu. Tathā cīvarādīhi nimantitassa tadatthikasseva sato pāpicchataṃ nissāya paṭikkhepanena te ca gahapatike attani suppatiṭṭhitasaddhe ñatvā puna tesaṃ ‘‘aho ayyo appiccho, na kiñci paṭiggaṇhituṃ icchati, suladdhaṃ vata no assa, sace appamattakampi kiñci paṭiggaṇheyyā’’ti nānāvidhehi upāyehi paṇītāni cīvarādīni upanentānaṃ tadanuggahakāmataṃyeva āvikatvā paṭiggahaṇena ca tato pabhuti asītisakaṭabhārehi upanāmanahetubhūtaṃ vimhāpanaṃ paccayapaṭisevanasaṅkhātaṃ kuhakavatthūti veditabbaṃ. Pāpicchasseva pana sato uttarimanussadhammādhigamaparidīpanavācāya tathā tathā vimhāpanaṃ sāmantajappanasaṅkhātaṃ kuhakavatthūti veditabbaṃ. Cittalapabbatādivihāro lokasammatasenāsanaṃ nāma. Lokasammata …pe… upāyehi saṃvaṇṇiyamānaguṇoti sambandho. Paripācetunti pariṇāmetuṃ. Suddhacittena attano ganthadhurādikammaṃ katvā vicarantānaṃ tammūlakapaccayaparibhoge dosābhāvaṃ dassetuṃ ‘‘ye panā’’tiādi vuttaṃ. Bhikkhācāre asampajjamāneti gocaragāme bhikkhāya caritvā labhitabbapiṇḍapāte asampajjante. Te ca vattasīsena sabbampetaṃ karonti, na lābhanimittaṃ. Tena vuttaṃ ‘‘tantipaveṇighaṭanakā sāsanajotakā’’ti.
гижчзнаад̇и на д̣̇угкааяа бадибад̣̇ааяа. б̣уд̣̇д̇хаанан̃хи жад̇д̇аароби маг̇г̇аа сукаабадибад̣̇аава хонд̇и, баарамийбууран̣агаалз бана сарааг̇ад̣̇осамохассзва сад̇о ааг̇ад̇аанам̣ яаажагаанам̣ алан̇гад̇аббадияад̇д̇ам̣ сийсам̣ ганд̇ид̇ваа г̇алалохид̇ам̣ нийхарид̇ваа суан̃ж̇ид̇аани агкийни уббаадзд̇ваа гулавам̣саббад̇идтаабагам̣ буд̇д̇ам̣ манаабажаариним̣ бхарияанд̇и звамаад̣̇ийни д̣̇знд̇асса ан̃н̃ааниби канд̇иваад̣̇ийсад̣̇исзсу ад̇д̇абхаавзсу чзж̇ж̇абхзж̇ж̇аад̣̇ийни баабун̣анд̇асса ааг̇аманийяабадибад̣̇ам̣ санд̇хааязд̇ам̣ вуд̇д̇ам̣. гасирзнаад̇и д̇ассзва взважанам̣.
Kicchenāti na dukkhāya paṭipadāya. Buddhānañhi cattāropi maggā sukhāpaṭipadāva honti, pāramīpūraṇakāle pana sarāgadosamohasseva sato āgatānaṃ yācakānaṃ alaṅkatappaṭiyattaṃ sīsaṃ kantitvā galalohitaṃ nīharitvā suañjitāni akkhīni uppāṭetvā kulavaṃsappatiṭṭhāpakaṃ puttaṃ manāpacāriniṃ bhariyanti evamādīni dentassa aññānipi khantivādīsadisesu attabhāvesu chejjabhejjādīni pāpuṇantassa āgamanīyapaṭipadaṃ sandhāyetaṃ vuttaṃ. Kasirenāti tasseva vevacanaṃ.
згассзва д̣̇аад̇ум̣ асаггун̣зяяад̇ааяа г̇арубхаавад̇о ‘‘г̇арубхан̣д̣ааний’’д̇и вуд̇д̇ам̣, саб̣б̣зсам̣ бхааж̇зд̇вааби г̇ахзд̇ум̣ асаггун̣зяяад̇ааяа ‘‘г̇арубаригкаарааний’’д̇и вуд̇д̇ам̣. саад̇хааран̣абаригкаарабхаавзнаад̇и сан̇гхигад̇д̇аа саб̣б̣абхигкусаад̇хааран̣абаригкаарабхаавзна. сан̇г̇ан̣хаад̇и убалаабзд̇ийд̇и ид̣̇ам̣ ат̇зяяажид̇д̇ам̣ санд̇хааяа вуд̇д̇ам̣. д̇знзвааха – ‘‘д̇ат̇аабхаавад̇о т̇знзд̇ваа’’д̇и, ависсаж̇ж̇ияаавзбхан̇г̇ияабхаавад̇о т̇знзд̇ваад̇и ад̇т̇о. г̇арубхан̣д̣ан̃хи гуласан̇г̇ахад̇т̇ааяа виссаж̇ж̇знд̇о вибхаж̇анд̇о жа д̇асса ависсаж̇ж̇ияаавазбхан̇г̇ияабхаавам̣ т̇знзд̇и. гулад̣̇уусагад̣̇уггадам̣ аабаж̇ж̇ад̇ийд̇и зд̇т̇а ‘‘яо виссаж̇ж̇зяяа, аабад̇д̇и т̇уллажжаяассаа’’д̇и вуд̇д̇ад̇д̇аа виссаж̇ж̇анабажжаяаа т̇уллажжаязнаби на мужжад̇и.
Ekasseva dātuṃ asakkuṇeyyatāya garubhāvato ‘‘garubhaṇḍānī’’ti vuttaṃ, sabbesaṃ bhājetvāpi gahetuṃ asakkuṇeyyatāya ‘‘garuparikkhārānī’’ti vuttaṃ. Sādhāraṇaparikkhārabhāvenāti saṅghikattā sabbabhikkhusādhāraṇaparikkhārabhāvena. Saṅgaṇhāti upalāpetīti idaṃ atheyyacittaṃ sandhāya vuttaṃ. Tenevāha – ‘‘tathābhāvato thenetvā’’ti, avissajjiyaavebhaṅgiyabhāvato thenetvāti attho. Garubhaṇḍañhi kulasaṅgahatthāya vissajjento vibhajanto ca tassa avissajjiyaavaebhaṅgiyabhāvaṃ theneti. Kuladūsakadukkaṭaṃ āpajjatīti ettha ‘‘yo vissajjeyya, āpatti thullaccayassā’’ti vuttattā vissajjanapaccayā thullaccayenapi na muccati.
асанд̇анд̇и авиж̇ж̇амаанам̣. абхууд̇анд̇и ануббаннам̣. ануббаннад̇д̇аа хи д̇асса д̇ам̣ асанд̇анд̇и. буримасса бажчимам̣ гааран̣аважанам̣. уллабад̇ийд̇и уг̇г̇ад̇ааяуго лабад̇и. сийлан̃хи бхигкуно ааяу, д̇ам̣ д̇асса д̇ат̇аалабанасамагааламзва виг̇ажчад̇и. асанд̇асамбхааванааяаад̇и ад̇д̇ано авиж̇ж̇амаанаг̇ун̣зхи самбхааванааяа. зван̃хи г̇ан̣хад̇аа…бз… т̇знзд̇ваа г̇ахид̇аа хонд̇ийд̇и зд̇т̇а асанд̇асамбхааванааяа радтабин̣д̣асса т̇знзд̇ваа г̇ахид̇ад̇д̇аа логуд̇д̇арад̇хаммоби т̇знид̇оязва ход̇и. гид̇авассзваад̇и гид̇авасса сагун̣аг̇г̇ахан̣амива. гзраадигассаад̇и сатасса. г̇од̇д̇ам̣ вужжад̇и саад̇хааран̣анаамам̣, мад̇д̇а-сад̣̇д̣̇о луд̇д̇анид̣̇д̣̇идто, д̇асмаа саман̣аад̇и г̇од̇д̇амад̇д̇ам̣ анубхаванд̇и д̇хаарзнд̇ийд̇и г̇од̇рабхуно, наамамад̇д̇асаман̣аад̇и вуд̇д̇ам̣ ход̇и.
Asantanti avijjamānaṃ. Abhūtanti anuppannaṃ. Anuppannattā hi tassa taṃ asantanti. Purimassa pacchimaṃ kāraṇavacanaṃ. Ullapatīti uggatāyuko lapati. Sīlañhi bhikkhuno āyu, taṃ tassa tathālapanasamakālameva vigacchati. Asantasambhāvanāyāti attano avijjamānaguṇehi sambhāvanāya. Evañhi gaṇhatā…pe… thenetvā gahitā hontīti ettha asantasambhāvanāya raṭṭhapiṇḍassa thenetvā gahitattā lokuttaradhammopi thenitoyeva hoti. Kitavassevāti kitavassa sakuṇaggahaṇamiva. Kerāṭikassāti saṭhassa. Gottaṃ vuccati sādhāraṇanāmaṃ, matta-saddo luttaniddiṭṭho, tasmā samaṇāti gottamattaṃ anubhavanti dhārentīti gotrabhuno, nāmamattasamaṇāti vuttaṃ hoti.
ваг̇г̇умуд̣̇аад̇ийрияабхигкувад̇т̇уван̣н̣анаа нидтид̇аа.
Vaggumudātīriyabhikkhuvatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
