| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. жад̇уд̇т̇абаарааж̇игам̣
4. Catutthapārājikaṃ
ваг̇г̇умуд̣̇аад̇ийрияабхигкувад̇т̇уван̣н̣анаа
Vaggumudātīriyabhikkhuvatthuvaṇṇanā
193. ад̇хидтзмаад̇и сам̣вид̣̇ахаама. ирияаабат̇ам̣ сан̣табзд̇ваад̇и бад̇хаанаануруубам̣ гад̇ваа. анааг̇ад̇асамб̣анд̇хз бана асад̇ийд̇и бхаасид̇о бхависсад̇ийд̇и баатасзсам̣ гад̇ваа анааг̇ад̇асамб̣анд̇хз асад̇и. бхаасид̇од̇и ад̇ийд̇аважанам̣ гат̇ам̣ анааг̇ад̇аважанзна самб̣анд̇хамубаг̇ажчад̇ийд̇и ааха лагкан̣ам̣ банаад̇иаад̣̇и. ийд̣̇исз хи таанз д̇хаад̇усамб̣анд̇хз бажжаяаад̇и иминаа лагкан̣зна д̇хаад̇вад̇т̇асамб̣анд̇хз сад̇и аяат̇аагаалавихид̇ааби бажжаяаа саад̇хаво бхаванд̇ийд̇и сад̣̇д̣̇асад̇т̇авид̣̇уу вад̣̇анд̇и.
193.Adhiṭṭhemāti saṃvidahāma. Iriyāpathaṃ saṇṭhapetvāti padhānānurūpaṃ katvā. Anāgatasambandhe pana asatīti bhāsito bhavissatīti pāṭhasesaṃ katvā anāgatasambandhe asati. Bhāsitoti atītavacanaṃ kathaṃ anāgatavacanena sambandhamupagacchatīti āha lakkhaṇaṃ panātiādi. Īdise hi ṭhāne dhātusambandhe paccayāti iminā lakkhaṇena dhātvatthasambandhe sati ayathākālavihitāpi paccayā sādhavo bhavantīti saddasatthavidū vadanti.
194. ван̣н̣аваад̇и иминаа абхинавуббаннаван̣н̣ад̇аа вуд̇д̇аа. басаннамукаван̣н̣аад̇и иминаа мукаван̣н̣асса ад̇ибан̣ийд̇ад̇аа вуд̇д̇аа. виббасаннажчавиван̣н̣аад̇и иминаа багад̇исарийраван̣н̣ассзва яат̇аавуд̇д̇анаязна виббасаннад̇аа вуд̇д̇аа. яасмаа инд̣̇рияаанам̣ убаад̣̇ааруубад̇д̇аа ниссаяавасзнзва бийн̣ананд̇и ааха ‘‘абхинивидтогаасасса барибун̣н̣ад̇д̇аа’’д̇и. бан̃жаббасаад̣̇аанам̣ вияа хад̣̇аяаруубассааби барибун̣н̣ад̇аа вуд̇д̇ааязваад̇и ааха ‘‘манажчадтаанам̣ инд̣̇рияаана’’нд̇и. уд̣̇д̣̇зсам̣ барибужчам̣ ануяун̃ж̇анд̇аа имам̣ сарийрасобхам̣ нзва баабун̣им̣сууд̇и самб̣анд̇хо. яат̇аа д̇анд̇и зд̇т̇а д̇анд̇и нибаад̇амад̇д̇ам̣. жад̇ужагганд̇и зд̇т̇а бавад̇д̇анадтзна ирияаабат̇ова жагганд̇и вуд̇д̇о.
194.Vaṇṇavāti iminā abhinavuppannavaṇṇatā vuttā. Pasannamukhavaṇṇāti iminā mukhavaṇṇassa atipaṇītatā vuttā. Vippasannacchavivaṇṇāti iminā pakatisarīravaṇṇasseva yathāvuttanayena vippasannatā vuttā. Yasmā indriyānaṃ upādārūpattā nissayavaseneva pīṇananti āha ‘‘abhiniviṭṭhokāsassa paripuṇṇattā’’ti. Pañcappasādānaṃ viya hadayarūpassāpi paripuṇṇatā vuttāyevāti āha ‘‘manacchaṭṭhānaṃ indriyāna’’nti. Uddesaṃ paripucchaṃ anuyuñjantā imaṃ sarīrasobhaṃ neva pāpuṇiṃsūti sambandho. Yathā tanti ettha tanti nipātamattaṃ. Catucakkanti ettha pavattanaṭṭhena iriyāpathova cakkanti vutto.
195. убалаб̣бханд̇ийд̇и д̣̇иссанд̇и, н̃ааяанд̇ийд̇и ад̇т̇о. бажанд̇од̇и бийл̣знд̇о, г̇зхаад̣̇ийни ваа саяам̣ д̣аханд̇о, ан̃н̃зхи ваа баажзнд̇о. уд̣̇д̇хад̇зд̇и уд̣̇д̇хажжабагад̇игз. уннал̣зд̇и уг̇г̇ад̇анал̣асад̣̇исзна уг̇г̇ад̇ад̇ужчамаанзна сахид̇з. жабалзд̇и бад̇д̇ажийвараман̣д̣анаад̣̇инаа жаабаллзна яуд̇д̇з. мукарзд̇и караважанз. баагад̇инд̣̇риязд̇и асам̣вуд̇ад̇д̇аа г̇ихигаалз вияа багад̇ияам̣ тид̇инд̣̇рияз. ирияаабат̇асан̣табанаад̣̇ийнийд̇и аад̣̇и-сад̣̇д̣̇зна бажжаяабадисзванасааманд̇аж̇аббаанам̣ г̇ахан̣ам̣ взд̣̇ид̇аб̣б̣ам̣. барамасаллзкавуд̇д̇ийхи махааарияавам̣сзхи бхигкуухи нивуд̇т̇асзнаасанаани логасаммад̇асзнаасанаани наама. барибаажзд̇унд̇и вимхаабанавасзна барин̣аамзд̇ум̣. бхигкаажаарз асамбаж̇ж̇амаанзд̇и ид̣̇ам̣ ж̇анабад̣̇ажааригам̣ жаранд̇ийд̇и иминаа самб̣анд̇хид̇аб̣б̣ам̣, на бана баал̣им̣ ваажзнд̇од̇иаад̣̇ийхи, д̇аани бана бад̣̇аани ад̇д̇ано ниранд̇араваасадтаанзби ж̇анабад̣̇зсуби гад̇д̇аб̣б̣агижжад̣̇ассанавасзна вуд̇д̇аани, д̇аани жа д̇з вад̇д̇асийсзна гаронд̇и, на лаабханимид̇д̇ам̣, д̇знааха д̇анд̇ийд̇иаад̣̇и. гижчзнаад̇и имассзва взважанам̣ гасирзнаад̇и. д̇ад̣̇убхаяамби баарамийбууран̣авааяаамам̣ санд̇хааяа вуд̇д̇ам̣. саад̇хааран̣абаригкаарабхаавзнаад̇и сан̇гхигабаригкаарабхаавзна. д̇ат̇аабхаавад̇о т̇знзд̇ваад̇и ависсаж̇ж̇ияаавзбхан̇г̇ияабхаавад̇о т̇знзд̇ваа, на таанаажааванавасзнаад̇и ад̇хиббааяо, д̇знааха ‘‘гулад̣̇уусагад̣̇уггадам̣ аабаж̇ж̇ад̇ий’’д̇и. асанд̇анд̇и имасса абхууд̇анд̇и ид̣̇ам̣ гааран̣аважанам̣, ануббаннад̇д̇аа авиж̇ж̇амаананд̇и ад̇т̇о. гид̇авассзваад̇и гид̇авасса сагун̣аг̇ахан̣амива. гзраадигассаад̇и сатасса. саман̣од̇и г̇од̇д̇амад̇д̇ам̣ анубхонд̇и д̇хаарзнд̇ийд̇и г̇од̇рабхуно, наамамад̇д̇асаман̣аад̇и ад̇т̇о. д̣̇уж̇ж̇аанабарижчзд̣̇анд̇и ананд̇ад̣̇угкад̇д̇аа ‘‘зд̇д̇агам̣ д̣̇угка’’нд̇и сан̇кяаавасзна барижчинд̣̇ид̇ваа н̃аад̇ум̣ саб̣б̣ан̃н̃уд̇ан̃н̃аан̣знааби д̣̇уггарам̣, на бана саруубавасзна н̃аад̇ум̣ б̣уд̣̇д̇хан̃аан̣асса ависаяабхааваа.
195.Upalabbhantīti dissanti, ñāyantīti attho. Pacantoti pīḷento, gehādīni vā sayaṃ ḍahanto, aññehi vā pācento. Uddhateti uddhaccapakatike. Unnaḷeti uggatanaḷasadisena uggatatucchamānena sahite. Capaleti pattacīvaramaṇḍanādinā cāpallena yutte. Mukhareti kharavacane. Pākatindriyeti asaṃvutattā gihikāle viya pakatiyaṃ ṭhitindriye. Iriyāpathasaṇṭhapanādīnīti ādi-saddena paccayapaṭisevanasāmantajappānaṃ gahaṇaṃ veditabbaṃ. Paramasallekhavuttīhi mahāariyavaṃsehi bhikkhūhi nivutthasenāsanāni lokasammatasenāsanāni nāma. Paripācetunti vimhāpanavasena pariṇāmetuṃ. Bhikkhācāre asampajjamāneti idaṃ janapadacārikaṃcarantīti iminā sambandhitabbaṃ, na pana pāḷiṃ vācentotiādīhi, tāni pana padāni attano nirantaravāsaṭṭhānepi janapadesupi kattabbakiccadassanavasena vuttāni, tāni ca te vattasīsena karonti, na lābhanimittaṃ, tenāha tantītiādi. Kicchenāti imasseva vevacanaṃ kasirenāti. Tadubhayampi pāramīpūraṇavāyāmaṃ sandhāya vuttaṃ. Sādhāraṇaparikkhārabhāvenāti saṅghikaparikkhārabhāvena. Tathābhāvato thenetvāti avissajjiyaavebhaṅgiyabhāvato thenetvā, na ṭhānācāvanavasenāti adhippāyo, tenāha ‘‘kuladūsakadukkaṭaṃ āpajjatī’’ti. Asantanti imassa abhūtanti idaṃ kāraṇavacanaṃ, anuppannattā avijjamānanti attho. Kitavassevāti kitavassa sakuṇagahaṇamiva. Kerāṭikassāti saṭhassa. Samaṇoti gottamattaṃ anubhonti dhārentīti gotrabhuno, nāmamattasamaṇāti attho. Dujjānaparicchedanti anantadukkhattā ‘‘ettakaṃ dukkha’’nti saṅkhyāvasena paricchinditvā ñātuṃ sabbaññutaññāṇenāpi dukkaraṃ, na pana sarūpavasena ñātuṃ buddhañāṇassa avisayabhāvā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
