| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༤. ཙཏུཏྠཔཱརཱཛིཀཾ
4. Catutthapārājikaṃ
ཝགྒུམུདཱཏཱིརིཡབྷིཀྑུཝཏྠུཝཎྞནཱ
Vaggumudātīriyabhikkhuvatthuvaṇṇanā
༡༩༣. ཙཏུཏྠེ ཝགྒུ ཙ སཱ མོདཡཏི ཙ སཏྟེཏི ཝགྒུམུདཱ། ‘‘ཝགྒུམདཱ’’ཏིཔི པཱཋོ, ཏསྶ ཝགྒུ ཙ སཱ པསནྣསུདྡྷཏརངྒསམིདྡྷཏྟཱ སུཁུམཱ ཙཱཏི ཨཏྠོ ཛཱིཝིཏཝགྒུཏྠནིཏཱ ཛཱིཝིཏཏྠནྟི ནཱིལུཔྤལནྟིཨཱདཱིསུ ཝིཡ། མདསྶཱཏི ཙ བཧུཁཛྫབྷོཛྫཔཱནཱདིསམིདྡྷཱ ནདཱི ཚཎདིཝསེསཱུཏི ནིརུཏྟི ཝེདིཏབྦཱ། ཝགྒུ པརིསུདྡྷཱཏི ལོཀེན སམྨཏཱཏི ཀིར ཨཏྠོ། བྷཱསིཏོ བྷཝིསྶཏཱིཏི པཱཋསེསོ།
193. Catutthe vaggu ca sā modayati ca satteti vaggumudā. ‘‘Vaggumadā’’tipi pāṭho, tassa vaggu ca sā pasannasuddhataraṅgasamiddhattā sukhumā cāti attho jīvitavaggutthanitā jīvitatthanti nīluppalantiādīsu viya. Madassāti ca bahukhajjabhojjapānādisamiddhā nadī chaṇadivasesūti nirutti veditabbā. Vaggu parisuddhāti lokena sammatāti kira attho. Bhāsito bhavissatīti pāṭhaseso.
༡༩༤-༥. ཝཎྞཝཱ ཝཎྞཝནྟོ ཝཎྞཝནྟཱནཱིཏིཔི སིཛ྄ཛྷཏི ཀིར བཧུཝཙནེན། ཡསྨཱ ཨིནྡྲིཡཱནཾ ཨཱུནཏྟཾ, པཱུརཏྟཾ ཝཱ ནཏྠི, ཏསྨཱ ‘‘ཨབྷིནིཝིཊྛོཀཱསསྶ པརིཔུཎྞཏྟཱ’’ཏི ཝུཏྟཾ། ཚཊྛསྶ ཨབྷིནིཝིཊྛོཀཱསོ ཧདཡཝཏྠུ། ཙཏུཨིརིཡཱཔཐཙཀྐེ པཱཀཏིནྡྲིཡེ། ཨཏྟནོ དཧཏཱིཏི ཨཏྟནཱ དཧཏི, ཨཏྟནཱ པཊིཝིདྡྷཾ ཀཏྭཱ པཝེདེཏཱིཏི ཨདྷིཔྤཱཡོ། སནྟནྟི ཝཏྟམཱནཾ། གོཏྲབྷུནོཏི གོཏྟམཏྟཾ ཨནུབྷཝཏྟཱ ནཱམམཏྟཀམེཝཱཏི ཨཏྠོ།
194-5. Vaṇṇavā vaṇṇavanto vaṇṇavantānītipi sijjhati kira bahuvacanena. Yasmā indriyānaṃ ūnattaṃ, pūrattaṃ vā natthi, tasmā ‘‘abhiniviṭṭhokāsassa paripuṇṇattā’’ti vuttaṃ. Chaṭṭhassa abhiniviṭṭhokāso hadayavatthu. Catuiriyāpathacakke pākatindriye. Attano dahatīti attanā dahati, attanā paṭividdhaṃ katvā pavedetīti adhippāyo. Santanti vattamānaṃ. Gotrabhunoti gottamattaṃ anubhavattā nāmamattakamevāti attho.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༤. ཙཏུཏྠཔཱརཱཛིཀཾ • 4. Catutthapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༤. ཙཏུཏྠཔཱརཱཛིཀཾ • 4. Catutthapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཝགྒུམུདཱཏཱིརིཡབྷིཀྑུཝཏྠུཝཎྞནཱ • Vaggumudātīriyabhikkhuvatthuvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝགྒུམུདཱཏཱིརིཡབྷིཀྑུཝཏྠུཝཎྞནཱ • Vaggumudātīriyabhikkhuvatthuvaṇṇanā
