| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
115. வஜாதீ³ஸு வஸ்ஸூபக³மனகதா²
115. Vajādīsu vassūpagamanakathā
203. ‘‘கோ³பாலகானங் நிவாஸட்டா²ன’’ந்தி இமினா கோ³பாலகா கா³வோ விய வஜே நிவஸந்தீதி த³ஸ்ஸேதி.
203. ‘‘Gopālakānaṃ nivāsaṭṭhāna’’nti iminā gopālakā gāvo viya vaje nivasantīti dasseti.
உபகட்ட²ஸத்³தோ³ ஆஸன்னபரியாயோதி ஆஹ ‘‘ஆஸன்னாயா’’தி. தத்தா²தி குடிகாயங். இதா⁴தி இமிஸ்ஸங் குடிகாயங். அவிஹாரத்தா ‘‘இதா⁴தி’’ஸாமஞ்ஞவஸேன வுத்தங். திக்க²த்துந்தி இத³ங் உக்கட்ட²வஸேன வுத்தங். ஹெட்டா² ஹி ‘‘ஸகிங் வா த்³விக்க²த்துங் வா திக்க²த்துங் வா’’தி (மஹாவ॰ அட்ட²॰ 184) வுத்தத்தா ஸகிம்பி வட்டதீதி த³ட்ட²ப்³ப³ங். தம்பீதி ஸாலாஸங்கே²பேன டி²தஸகடம்பி. ‘‘ஆலயோ’’தி இமினா ‘‘இத⁴ வஸ்ஸங் உபேமீ’’தி வசீபே⁴தோ³ ந காதப்³போ³தி த³ஸ்ஸேதி. ஆலயோதி ச ஸத்தே² ‘‘இத⁴ வஸ்ஸங் வஸிஸ்ஸாமீ’’தி சித்தஸ்ஸ அல்லீயனங். மக்³க³படிபன்னேயேவ ஸத்தே²தி அனாத³ரே பு⁴ம்மவசனங். தத்தே²வாதி ஸத்தே²யேவ. ஸத்தோ² அதிக்கமதீதி ஸம்ப³ந்தோ⁴. தத்தா²தி பத்தி²தட்டா²னே. விப்பகிரதீதி விஸுங் விஸுங் க³ச்ச²தி . ஸசே அகா³மகே டா²னே விப்பகிரதி, புரிமங் கா³மங் ஸன்னிவத்திதப்³ப³ங். ந அஞ்ஞகா³மங் க³ந்தப்³ப³ங். ததோதி கா³மதோ.
Upakaṭṭhasaddo āsannapariyāyoti āha ‘‘āsannāyā’’ti. Tatthāti kuṭikāyaṃ. Idhāti imissaṃ kuṭikāyaṃ. Avihārattā ‘‘idhāti’’sāmaññavasena vuttaṃ. Tikkhattunti idaṃ ukkaṭṭhavasena vuttaṃ. Heṭṭhā hi ‘‘sakiṃ vā dvikkhattuṃ vā tikkhattuṃ vā’’ti (mahāva. aṭṭha. 184) vuttattā sakimpi vaṭṭatīti daṭṭhabbaṃ. Tampīti sālāsaṅkhepena ṭhitasakaṭampi. ‘‘Ālayo’’ti iminā ‘‘idha vassaṃ upemī’’ti vacībhedo na kātabboti dasseti. Ālayoti ca satthe ‘‘idha vassaṃ vasissāmī’’ti cittassa allīyanaṃ. Maggapaṭipanneyeva sattheti anādare bhummavacanaṃ. Tatthevāti sattheyeva. Sattho atikkamatīti sambandho. Tatthāti patthitaṭṭhāne. Vippakiratīti visuṃ visuṃ gacchati . Sace agāmake ṭhāne vippakirati, purimaṃ gāmaṃ sannivattitabbaṃ. Na aññagāmaṃ gantabbaṃ. Tatoti gāmato.
உபக³ந்தப்³ப³ந்தி ‘‘இத⁴ வஸ்ஸங் உபேமீ’’தி திக்க²த்துங் வத்வா உபக³ந்தப்³ப³ங். தத்தே²வாதி ஸமுத்³தே³யேவ. கூலந்தி தீரங். தஞ்ஹி குலதி உத³கங் ஆவரதீதி கூலந்தி வுச்சதி. அயஞ்சாதி நாவாயங் வஸ்ஸூபக³மனபி⁴க்கு². அனுதீரமேவாதி அனுக்கமேன, அனுஸாரேன வா தீரமேவ. அஞ்ஞத்தா²தி பட²மலத்³த⁴கா³மதோ அஞ்ஞஸ்மிங் டா²னே. தத்தே²வாதி பட²மலத்³த⁴கா³மேயேவ.
Upagantabbanti ‘‘idha vassaṃ upemī’’ti tikkhattuṃ vatvā upagantabbaṃ. Tatthevāti samuddeyeva. Kūlanti tīraṃ. Tañhi kulati udakaṃ āvaratīti kūlanti vuccati. Ayañcāti nāvāyaṃ vassūpagamanabhikkhu. Anutīramevāti anukkamena, anusārena vā tīrameva. Aññatthāti paṭhamaladdhagāmato aññasmiṃ ṭhāne. Tatthevāti paṭhamaladdhagāmeyeva.
இதீதிஆதி³ நிக³மனங். பவாரேதுஞ்ச லப⁴தீதி எத்த² சஸத்³தோ³ வாக்யஸம்பிண்ட³னத்தோ². புரிமேஸு ச பனாதி எத்த² சஸத்³தோ³ ப்³யதிரேகத்தோ², பனஸத்³தோ³ விஸேஸத்த²ஜோதகோ. அனாபத்தி ஹோதீதி அனாபத்திமத்தமேவ ஹோதி.
Itītiādi nigamanaṃ. Pavāretuñca labhatīti ettha casaddo vākyasampiṇḍanattho. Purimesu ca panāti ettha casaddo byatirekattho, panasaddo visesatthajotako. Anāpatti hotīti anāpattimattameva hoti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 115. வஜாதீ³ஸு வஸ்ஸூபக³மனங் • 115. Vajādīsu vassūpagamanaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / வஜாதீ³ஸுவஸ்ஸூபக³மனகதா² • Vajādīsuvassūpagamanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வஜாதீ³ஸு வஸ்ஸூபக³மனகதா²வண்ணனா • Vajādīsu vassūpagamanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வஜாதீ³ஸுவஸ்ஸூபக³மனகதா²வண்ணனா • Vajādīsuvassūpagamanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வஜாதீ³ஸு வஸ்ஸூபக³மனகதா²வண்ணனா • Vajādīsu vassūpagamanakathāvaṇṇanā
