| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
115. важ̇аад̣̇ийсу вассуубаг̇аманагат̇аа
115. Vajādīsu vassūpagamanakathā
203. ‘‘г̇обаалагаанам̣ ниваасадтаана’’нд̇и иминаа г̇обаалагаа г̇ааво вияа важ̇з нивасанд̇ийд̇и д̣̇ассзд̇и.
203. ‘‘Gopālakānaṃ nivāsaṭṭhāna’’nti iminā gopālakā gāvo viya vaje nivasantīti dasseti.
убагадтасад̣̇д̣̇о аасаннабарияааяод̇и ааха ‘‘аасаннааяаа’’д̇и. д̇ад̇т̇аад̇и гудигааяам̣. ид̇хаад̇и имиссам̣ гудигааяам̣. авихаарад̇д̇аа ‘‘ид̇хаад̇и’’сааман̃н̃авасзна вуд̇д̇ам̣. д̇игкад̇д̇унд̇и ид̣̇ам̣ уггадтавасзна вуд̇д̇ам̣. хздтаа хи ‘‘сагим̣ ваа д̣̇вигкад̇д̇ум̣ ваа д̇игкад̇д̇ум̣ ваа’’д̇и (махаава. адта. 184) вуд̇д̇ад̇д̇аа сагимби ваддад̇ийд̇и д̣̇адтаб̣б̣ам̣. д̇амбийд̇и саалаасан̇кзбзна тид̇асагадамби. ‘‘аалаяо’’д̇и иминаа ‘‘ид̇ха вассам̣ убзмий’’д̇и важийбхзд̣̇о на гаад̇аб̣б̣од̇и д̣̇ассзд̇и. аалаяод̇и жа сад̇т̇з ‘‘ид̇ха вассам̣ васиссаамий’’д̇и жид̇д̇асса аллийяанам̣. маг̇г̇абадибаннзязва сад̇т̇зд̇и анаад̣̇арз бхуммаважанам̣. д̇ад̇т̇зваад̇и сад̇т̇зязва. сад̇т̇о ад̇иггамад̇ийд̇и самб̣анд̇хо. д̇ад̇т̇аад̇и бад̇т̇ид̇адтаанз. виббагирад̇ийд̇и висум̣ висум̣ г̇ажчад̇и . сажз аг̇аамагз таанз виббагирад̇и, буримам̣ г̇аамам̣ саннивад̇д̇ид̇аб̣б̣ам̣. на ан̃н̃аг̇аамам̣ г̇анд̇аб̣б̣ам̣. д̇ад̇од̇и г̇аамад̇о.
Upakaṭṭhasaddo āsannapariyāyoti āha ‘‘āsannāyā’’ti. Tatthāti kuṭikāyaṃ. Idhāti imissaṃ kuṭikāyaṃ. Avihārattā ‘‘idhāti’’sāmaññavasena vuttaṃ. Tikkhattunti idaṃ ukkaṭṭhavasena vuttaṃ. Heṭṭhā hi ‘‘sakiṃ vā dvikkhattuṃ vā tikkhattuṃ vā’’ti (mahāva. aṭṭha. 184) vuttattā sakimpi vaṭṭatīti daṭṭhabbaṃ. Tampīti sālāsaṅkhepena ṭhitasakaṭampi. ‘‘Ālayo’’ti iminā ‘‘idha vassaṃ upemī’’ti vacībhedo na kātabboti dasseti. Ālayoti ca satthe ‘‘idha vassaṃ vasissāmī’’ti cittassa allīyanaṃ. Maggapaṭipanneyeva sattheti anādare bhummavacanaṃ. Tatthevāti sattheyeva. Sattho atikkamatīti sambandho. Tatthāti patthitaṭṭhāne. Vippakiratīti visuṃ visuṃ gacchati . Sace agāmake ṭhāne vippakirati, purimaṃ gāmaṃ sannivattitabbaṃ. Na aññagāmaṃ gantabbaṃ. Tatoti gāmato.
убаг̇анд̇аб̣б̣анд̇и ‘‘ид̇ха вассам̣ убзмий’’д̇и д̇игкад̇д̇ум̣ вад̇ваа убаг̇анд̇аб̣б̣ам̣. д̇ад̇т̇зваад̇и самуд̣̇д̣̇зязва. гууланд̇и д̇ийрам̣. д̇ан̃хи гулад̇и уд̣̇агам̣ ааварад̇ийд̇и гууланд̇и вужжад̇и. аяан̃жаад̇и наавааяам̣ вассуубаг̇аманабхигку. ануд̇ийрамзваад̇и ануггамзна, анусаарзна ваа д̇ийрамзва. ан̃н̃ад̇т̇аад̇и батамалад̣̇д̇хаг̇аамад̇о ан̃н̃асмим̣ таанз. д̇ад̇т̇зваад̇и батамалад̣̇д̇хаг̇аамзязва.
Upagantabbanti ‘‘idha vassaṃ upemī’’ti tikkhattuṃ vatvā upagantabbaṃ. Tatthevāti samuddeyeva. Kūlanti tīraṃ. Tañhi kulati udakaṃ āvaratīti kūlanti vuccati. Ayañcāti nāvāyaṃ vassūpagamanabhikkhu. Anutīramevāti anukkamena, anusārena vā tīrameva. Aññatthāti paṭhamaladdhagāmato aññasmiṃ ṭhāne. Tatthevāti paṭhamaladdhagāmeyeva.
ид̇ийд̇иаад̣̇и ниг̇аманам̣. баваарзд̇ун̃жа лабхад̇ийд̇и зд̇т̇а жасад̣̇д̣̇о ваагяасамбин̣д̣анад̇т̇о. буримзсу жа банаад̇и зд̇т̇а жасад̣̇д̣̇о б̣яад̇ирзгад̇т̇о, банасад̣̇д̣̇о висзсад̇т̇аж̇од̇аго. анаабад̇д̇и ход̇ийд̇и анаабад̇д̇имад̇д̇амзва ход̇и.
Itītiādi nigamanaṃ. Pavāretuñca labhatīti ettha casaddo vākyasampiṇḍanattho. Purimesu ca panāti ettha casaddo byatirekattho, panasaddo visesatthajotako. Anāpatti hotīti anāpattimattameva hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 115. важ̇аад̣̇ийсу вассуубаг̇аманам̣ • 115. Vajādīsu vassūpagamanaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / важ̇аад̣̇ийсувассуубаг̇аманагат̇аа • Vajādīsuvassūpagamanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / важ̇аад̣̇ийсувассуубаг̇аманагат̇ааван̣н̣анаа • Vajādīsuvassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
