| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၁၁၅. ဝဇာဒီသု ဝသ္သူပဂမနံ
115. Vajādīsu vassūpagamanaṃ
၂၀၃. တေန ခော ပန သမယေန အညတရော ဘိက္ခု ဝဇေ ဝသ္သံ ဥပဂန္တုကာမော ဟောတိ။ ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, ဝဇေ ဝသ္သံ ဥပဂန္တုန္တိ။ ဝဇော ဝုဋ္ဌာသိ။ ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, ယေန ဝဇော တေန ဂန္တုန္တိ။
203. Tena kho pana samayena aññataro bhikkhu vaje vassaṃ upagantukāmo hoti. Bhagavato etamatthaṃ ārocesuṃ. Anujānāmi, bhikkhave, vaje vassaṃ upagantunti. Vajo vuṭṭhāsi. Bhagavato etamatthaṃ ārocesuṃ. Anujānāmi, bhikkhave, yena vajo tena gantunti.
တေန ခော ပန သမယေန အညတရော ဘိက္ခု ဥပကဋ္ဌာယ ဝသ္သူပနာယိကာယ သတ္ထေန ဂန္တုကာမော ဟောတိ။ ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, သတ္ထေ ဝသ္သံ ဥပဂန္တုန္တိ။
Tena kho pana samayena aññataro bhikkhu upakaṭṭhāya vassūpanāyikāya satthena gantukāmo hoti. Bhagavato etamatthaṃ ārocesuṃ. Anujānāmi, bhikkhave, satthe vassaṃ upagantunti.
တေန ခော ပန သမယေန အညတရော ဘိက္ခု ဥပကဋ္ဌာယ ဝသ္သူပနာယိကာယ နာဝာယ ဂန္တုကာမော ဟောတိ။ ဘဂဝတော ဧတမတ္ထံ အာရောစေသုံ။ အနုဇာနာမိ, ဘိက္ခဝေ, နာဝာယ ဝသ္သံ ဥပဂန္တုန္တိ။
Tena kho pana samayena aññataro bhikkhu upakaṭṭhāya vassūpanāyikāya nāvāya gantukāmo hoti. Bhagavato etamatthaṃ ārocesuṃ. Anujānāmi, bhikkhave, nāvāya vassaṃ upagantunti.
ဝဇာဒီသု ဝသ္သူပဂမနံ နိဋ္ဌိတံ။
Vajādīsu vassūpagamanaṃ niṭṭhitaṃ.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဝဇာဒီသုဝသ္သူပဂမနကထာ • Vajādīsuvassūpagamanakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝဇာဒီသု ဝသ္သူပဂမနကထာဝဏ္ဏနာ • Vajādīsu vassūpagamanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝဇာဒီသုဝသ္သူပဂမနကထာဝဏ္ဏနာ • Vajādīsuvassūpagamanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝဇာဒီသု ဝသ္သူပဂမနကထာဝဏ္ဏနာ • Vajādīsu vassūpagamanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၁၅. ဝဇာဒီသု ဝသ္သူပဂမနကထာ • 115. Vajādīsu vassūpagamanakathā
