| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
115. වජාදීසු වස්‌සූපගමනං
115. Vajādīsu vassūpagamanaṃ
203. තෙන ඛො පන සමයෙන අඤ්‌ඤතරො භික්‌ඛු වජෙ වස්‌සං උපගන්‌තුකාමො හොති. භගවතො එතමත්‌ථං ආරොචෙසුං. අනුජානාමි, භික්‌ඛවෙ, වජෙ වස්‌සං උපගන්‌තුන්‌ති. වජො වුට්‌ඨාසි. භගවතො එතමත්‌ථං ආරොචෙසුං. අනුජානාමි, භික්‌ඛවෙ, යෙන වජො තෙන ගන්‌තුන්‌ති.
203. Tena kho pana samayena aññataro bhikkhu vaje vassaṃ upagantukāmo hoti. Bhagavato etamatthaṃ ārocesuṃ. Anujānāmi, bhikkhave, vaje vassaṃ upagantunti. Vajo vuṭṭhāsi. Bhagavato etamatthaṃ ārocesuṃ. Anujānāmi, bhikkhave, yena vajo tena gantunti.
තෙන ඛො පන සමයෙන අඤ්‌ඤතරො භික්‌ඛු උපකට්‌ඨාය වස්‌සූපනායිකාය සත්‌ථෙන ගන්‌තුකාමො හොති. භගවතො එතමත්‌ථං ආරොචෙසුං. අනුජානාමි, භික්‌ඛවෙ, සත්‌ථෙ වස්‌සං උපගන්‌තුන්‌ති.
Tena kho pana samayena aññataro bhikkhu upakaṭṭhāya vassūpanāyikāya satthena gantukāmo hoti. Bhagavato etamatthaṃ ārocesuṃ. Anujānāmi, bhikkhave, satthe vassaṃ upagantunti.
තෙන ඛො පන සමයෙන අඤ්‌ඤතරො භික්‌ඛු උපකට්‌ඨාය වස්‌සූපනායිකාය නාවාය ගන්‌තුකාමො හොති. භගවතො එතමත්‌ථං ආරොචෙසුං. අනුජානාමි, භික්‌ඛවෙ, නාවාය වස්‌සං උපගන්‌තුන්‌ති.
Tena kho pana samayena aññataro bhikkhu upakaṭṭhāya vassūpanāyikāya nāvāya gantukāmo hoti. Bhagavato etamatthaṃ ārocesuṃ. Anujānāmi, bhikkhave, nāvāya vassaṃ upagantunti.
වජාදීසු වස්‌සූපගමනං නිට්‌ඨිතං.
Vajādīsu vassūpagamanaṃ niṭṭhitaṃ.
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / වජාදීසුවස්‌සූපගමනකථා • Vajādīsuvassūpagamanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / වජාදීසු වස්‌සූපගමනකථාවණ්‌ණනා • Vajādīsu vassūpagamanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / වජාදීසුවස්‌සූපගමනකථාවණ්‌ණනා • Vajādīsuvassūpagamanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / වජාදීසු වස්‌සූපගමනකථාවණ්‌ණනා • Vajādīsu vassūpagamanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 115. වජාදීසු වස්‌සූපගමනකථා • 115. Vajādīsu vassūpagamanakathā
