| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
важ̇аад̣̇ийсувассуубаг̇аманагат̇аа
Vajādīsuvassūpagamanakathā
203. важ̇од̇и г̇обаалагаанам̣ ниваасадтаанам̣. язна важ̇од̇и зд̇т̇а важ̇зна сад̣̇д̇хим̣ г̇ад̇асса вассажчзд̣̇з анаабад̇д̇и.
203.Vajoti gopālakānaṃ nivāsaṭṭhānaṃ. Yena vajoti ettha vajena saddhiṃ gatassa vassacchede anāpatti.
убагадтааяаад̇и аасаннааяа. сад̇т̇з вассам̣ убаг̇анд̇унд̇и зд̇т̇а вассуубанааяигад̣̇ивасз д̇зна бхигкунаа убаасагаа вад̇д̇аб̣б̣аа ‘‘гудигаа лад̣̇д̇хум̣ ваддад̇ий’’д̇и. сажз гарид̇ваа д̣̇знд̇и, д̇ад̇т̇а бависид̇ваа ‘‘ид̇ха вассам̣ убзмий’’д̇и д̇игкад̇д̇ум̣ вад̇д̇аб̣б̣ам̣. но жз д̣̇знд̇и, саалаасан̇кзбзна тид̇асагадасса хздтаа убаг̇анд̇аб̣б̣ам̣. д̇амби алабханд̇зна аалаяо гаад̇аб̣б̣о. сад̇т̇з бана вассам̣ убаг̇анд̇ум̣ на ваддад̇и. аалаяо наама ‘‘ид̇ха вассам̣ васиссаамий’’д̇и жид̇д̇уббаад̣̇амад̇д̇ам̣. сажз маг̇г̇аббадибаннзязва сад̇т̇з бавааран̣ад̣̇ивасо ход̇и, д̇ад̇т̇зва баваарзд̇аб̣б̣ам̣. ат̇а сад̇т̇о анд̇овассзязва бхигкунаа бад̇т̇ид̇адтаанам̣ бад̇ваа ад̇иггамад̇и, бад̇т̇ид̇адтаанз васид̇ваа д̇ад̇т̇а бхигкуухи сад̣̇д̇хим̣ баваарзд̇аб̣б̣ам̣. ат̇ааби сад̇т̇о анд̇овассзязва анд̇араа згасмим̣ г̇аамз д̇идтад̇и ваа виббагирад̇и ваа, д̇асмим̣язва г̇аамз бхигкуухи сад̣̇д̇хим̣ васид̇ваа баваарзд̇аб̣б̣ам̣, абаваарзд̇ваа д̇ад̇о барам̣ г̇анд̇ум̣ на ваддад̇и.
Upakaṭṭhāyāti āsannāya. Satthe vassaṃ upagantunti ettha vassūpanāyikadivase tena bhikkhunā upāsakā vattabbā ‘‘kuṭikā laddhuṃ vaṭṭatī’’ti. Sace karitvā denti, tattha pavisitvā ‘‘idha vassaṃ upemī’’ti tikkhattuṃ vattabbaṃ. No ce denti, sālāsaṅkhepena ṭhitasakaṭassa heṭṭhā upagantabbaṃ. Tampi alabhantena ālayo kātabbo. Satthe pana vassaṃ upagantuṃ na vaṭṭati. Ālayo nāma ‘‘idha vassaṃ vasissāmī’’ti cittuppādamattaṃ. Sace maggappaṭipanneyeva satthe pavāraṇadivaso hoti, tattheva pavāretabbaṃ. Atha sattho antovasseyeva bhikkhunā patthitaṭṭhānaṃ patvā atikkamati, patthitaṭṭhāne vasitvā tattha bhikkhūhi saddhiṃ pavāretabbaṃ. Athāpi sattho antovasseyeva antarā ekasmiṃ gāme tiṭṭhati vā vippakirati vā, tasmiṃyeva gāme bhikkhūhi saddhiṃ vasitvā pavāretabbaṃ, apavāretvā tato paraṃ gantuṃ na vaṭṭati.
наавааяам̣ вассам̣ убаг̇ажчанд̇знааби гудияам̣язва убаг̇анд̇аб̣б̣ам̣. бариязсид̇ваа алабханд̇зна аалаяо гаад̇аб̣б̣о. сажз анд̇од̇змаасам̣ нааваа самуд̣̇д̣̇зязва ход̇и, д̇ад̇т̇зва баваарзд̇аб̣б̣ам̣. ат̇а нааваа гуулам̣ лабхад̇и, аяан̃жа барад̇о г̇анд̇угаамо ход̇и, г̇анд̇ум̣ на ваддад̇и. наавааяа лад̣̇д̇хаг̇аамзязва васид̇ваа бхигкуухи сад̣̇д̇хим̣ баваарзд̇аб̣б̣ам̣. сажзби нааваа ануд̇ийрамзва ан̃н̃ад̇т̇а г̇ажчад̇и, бхигку жа батамам̣ лад̣̇д̇хаг̇аамзязва васид̇угаамо, нааваа г̇ажчад̇у бхигкунаа д̇ад̇т̇зва васид̇ваа бхигкуухи сад̣̇д̇хим̣ баваарзд̇аб̣б̣ам̣ .
Nāvāyaṃ vassaṃ upagacchantenāpi kuṭiyaṃyeva upagantabbaṃ. Pariyesitvā alabhantena ālayo kātabbo. Sace antotemāsaṃ nāvā samuddeyeva hoti, tattheva pavāretabbaṃ. Atha nāvā kūlaṃ labhati, ayañca parato gantukāmo hoti, gantuṃ na vaṭṭati. Nāvāya laddhagāmeyeva vasitvā bhikkhūhi saddhiṃ pavāretabbaṃ. Sacepi nāvā anutīrameva aññattha gacchati, bhikkhu ca paṭhamaṃ laddhagāmeyeva vasitukāmo, nāvā gacchatu bhikkhunā tattheva vasitvā bhikkhūhi saddhiṃ pavāretabbaṃ .
ид̇и важ̇з сад̇т̇з наавааяанд̇и д̇ийсу таанзсу над̇т̇и вассажчзд̣̇з аабад̇д̇и, баваарзд̇ун̃жа лабхад̇и. буримзсу бана ‘‘ваал̣зхи уб̣б̣аал̣хаа хонд̇ий’’д̇иаад̣̇ийсу сан̇гхабхзд̣̇абарияанд̇зсу вад̇т̇уусу гзвалам̣ анаабад̇д̇и ход̇и, баваарзд̇ум̣ бана на лабхад̇и.
Iti vaje satthe nāvāyanti tīsu ṭhānesu natthi vassacchede āpatti, pavāretuñca labhati. Purimesu pana ‘‘vāḷehi ubbāḷhā hontī’’tiādīsu saṅghabhedapariyantesu vatthūsu kevalaṃ anāpatti hoti, pavāretuṃ pana na labhati.
204. на бхигкавз ругкасусирзд̇и зд̇т̇а суд̣̇д̇хз ругкасусирзязва на ваддад̇и; маханд̇асса бана ругкасусирасса анд̇о бад̣̇аражчад̣̇анам̣ гудигам̣ гад̇ваа бависанад̣̇ваарам̣ яож̇зд̇ваа убаг̇анд̇ум̣ ваддад̇и. руугкам̣ чинд̣̇ид̇ваа каан̣угамад̇т̇агз бад̣̇аражчад̣̇анам̣ гудигам̣ гад̇вааби ваддад̇иязва. ругкавидабхияаад̇и зд̇т̇ааби суд̣̇д̇хз видабамад̇д̇з на ваддад̇и. махаавидабз бана аддагам̣ б̣анд̇хид̇ваа д̇ад̇т̇а бад̣̇аражчад̣̇анам̣ гудигам̣ гад̇ваа убаг̇анд̇аб̣б̣ам̣. асзнаасанигзнаад̇и яасса бан̃жаннам̣ чад̣̇анаанам̣ ан̃н̃ад̇арзна чаннам̣ яож̇ид̇ад̣̇ваараб̣анд̇ханам̣ сзнаасанам̣ над̇т̇и, д̇зна на убаг̇анд̇аб̣б̣ам̣. на бхигкавз чавагудигааяанд̇и чавагудигаа наама дан̇гид̇аман̃жаад̣̇ибхзд̣̇аа гуди, д̇ад̇т̇а убаг̇анд̇ум̣ на ваддад̇и. сусаанз бана ан̃н̃ам̣ гудигам̣ гад̇ваа убаг̇анд̇ум̣ ваддад̇и. на бхигкавз чад̇д̇зд̇и зд̇т̇ааби жад̇уусу т̇амбхзсу чад̇д̇ам̣ табзд̇ваа ааваран̣ам̣ гад̇ваа д̣̇ваарам̣ яож̇зд̇ваа убаг̇анд̇ум̣ ваддад̇и, чад̇д̇агудигаа наамзсаа ход̇и. жаадияаад̇и зд̇т̇ааби маханд̇зна габаллзна чад̇д̇з вуд̇д̇анаязна гудим̣ гад̇ваа убаг̇анд̇ум̣ ваддад̇и.
204.Na bhikkhave rukkhasusireti ettha suddhe rukkhasusireyeva na vaṭṭati; mahantassa pana rukkhasusirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭati. Rūkkhaṃ chinditvā khāṇukamatthake padaracchadanaṃ kuṭikaṃ katvāpi vaṭṭatiyeva. Rukkhaviṭabhiyāti etthāpi suddhe viṭapamatte na vaṭṭati. Mahāviṭape pana aṭṭakaṃ bandhitvā tattha padaracchadanaṃ kuṭikaṃ katvā upagantabbaṃ. Asenāsanikenāti yassa pañcannaṃ chadanānaṃ aññatarena channaṃ yojitadvārabandhanaṃ senāsanaṃ natthi, tena na upagantabbaṃ. Na bhikkhave chavakuṭikāyanti chavakuṭikā nāma ṭaṅkitamañcādibhedā kuṭi, tattha upagantuṃ na vaṭṭati. Susāne pana aññaṃ kuṭikaṃ katvā upagantuṃ vaṭṭati. Na bhikkhave chatteti etthāpi catūsu thambhesu chattaṃ ṭhapetvā āvaraṇaṃ katvā dvāraṃ yojetvā upagantuṃ vaṭṭati, chattakuṭikā nāmesā hoti. Cāṭiyāti etthāpi mahantena kapallena chatte vuttanayena kuṭiṃ katvā upagantuṃ vaṭṭati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
115. важ̇аад̣̇ийсу вассуубаг̇аманам̣ • 115. Vajādīsu vassūpagamanaṃ
116. вассам̣ анубаг̇анд̇аб̣б̣адтаанаани • 116. Vassaṃ anupagantabbaṭṭhānāni
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
вассам̣ анубаг̇анд̇аб̣б̣адтаанагат̇ааван̣н̣анаа • Vassaṃ anupagantabbaṭṭhānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / важ̇аад̣̇ийсувассуубаг̇аманагат̇ааван̣н̣анаа • Vajādīsuvassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
115. важ̇аад̣̇ийсу вассуубаг̇аманагат̇аа • 115. Vajādīsu vassūpagamanakathā
116. вассам̣ анубаг̇анд̇аб̣б̣адтаанагат̇аа • 116. Vassaṃ anupagantabbaṭṭhānakathā
