| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
વਜਾਦੀਸੁવਸ੍ਸੂਪਗਮਨਕਥਾ
Vajādīsuvassūpagamanakathā
੨੦੩. વਜੋਤਿ ਗੋਪਾਲਕਾਨਂ ਨਿવਾਸਟ੍ਠਾਨਂ। ਯੇਨ વਜੋਤਿ ਏਤ੍ਥ વਜੇਨ ਸਦ੍ਧਿਂ ਗਤਸ੍ਸ વਸ੍ਸਚ੍ਛੇਦੇ ਅਨਾਪਤ੍ਤਿ।
203.Vajoti gopālakānaṃ nivāsaṭṭhānaṃ. Yena vajoti ettha vajena saddhiṃ gatassa vassacchede anāpatti.
ਉਪਕਟ੍ਠਾਯਾਤਿ ਆਸਨ੍ਨਾਯ। ਸਤ੍ਥੇ વਸ੍ਸਂ ਉਪਗਨ੍ਤੁਨ੍ਤਿ ਏਤ੍ਥ વਸ੍ਸੂਪਨਾਯਿਕਦਿવਸੇ ਤੇਨ ਭਿਕ੍ਖੁਨਾ ਉਪਾਸਕਾ વਤ੍ਤਬ੍ਬਾ ‘‘ਕੁਟਿਕਾ ਲਦ੍ਧੁਂ વਟ੍ਟਤੀ’’ਤਿ। ਸਚੇ ਕਰਿਤ੍વਾ ਦੇਨ੍ਤਿ, ਤਤ੍ਥ ਪવਿਸਿਤ੍વਾ ‘‘ਇਧ વਸ੍ਸਂ ਉਪੇਮੀ’’ਤਿ ਤਿਕ੍ਖਤ੍ਤੁਂ વਤ੍ਤਬ੍ਬਂ। ਨੋ ਚੇ ਦੇਨ੍ਤਿ, ਸਾਲਾਸਙ੍ਖੇਪੇਨ ਠਿਤਸਕਟਸ੍ਸ ਹੇਟ੍ਠਾ ਉਪਗਨ੍ਤਬ੍ਬਂ। ਤਮ੍ਪਿ ਅਲਭਨ੍ਤੇਨ ਆਲਯੋ ਕਾਤਬ੍ਬੋ। ਸਤ੍ਥੇ ਪਨ વਸ੍ਸਂ ਉਪਗਨ੍ਤੁਂ ਨ વਟ੍ਟਤਿ। ਆਲਯੋ ਨਾਮ ‘‘ਇਧ વਸ੍ਸਂ વਸਿਸ੍ਸਾਮੀ’’ਤਿ ਚਿਤ੍ਤੁਪ੍ਪਾਦਮਤ੍ਤਂ। ਸਚੇ ਮਗ੍ਗਪ੍ਪਟਿਪਨ੍ਨੇਯੇવ ਸਤ੍ਥੇ ਪવਾਰਣਦਿવਸੋ ਹੋਤਿ, ਤਤ੍ਥੇવ ਪવਾਰੇਤਬ੍ਬਂ। ਅਥ ਸਤ੍ਥੋ ਅਨ੍ਤੋવਸ੍ਸੇਯੇવ ਭਿਕ੍ਖੁਨਾ ਪਤ੍ਥਿਤਟ੍ਠਾਨਂ ਪਤ੍વਾ ਅਤਿਕ੍ਕਮਤਿ, ਪਤ੍ਥਿਤਟ੍ਠਾਨੇ વਸਿਤ੍વਾ ਤਤ੍ਥ ਭਿਕ੍ਖੂਹਿ ਸਦ੍ਧਿਂ ਪવਾਰੇਤਬ੍ਬਂ। ਅਥਾਪਿ ਸਤ੍ਥੋ ਅਨ੍ਤੋવਸ੍ਸੇਯੇવ ਅਨ੍ਤਰਾ ਏਕਸ੍ਮਿਂ ਗਾਮੇ ਤਿਟ੍ਠਤਿ વਾ વਿਪ੍ਪਕਿਰਤਿ વਾ, ਤਸ੍ਮਿਂਯੇવ ਗਾਮੇ ਭਿਕ੍ਖੂਹਿ ਸਦ੍ਧਿਂ વਸਿਤ੍વਾ ਪવਾਰੇਤਬ੍ਬਂ, ਅਪવਾਰੇਤ੍વਾ ਤਤੋ ਪਰਂ ਗਨ੍ਤੁਂ ਨ વਟ੍ਟਤਿ।
Upakaṭṭhāyāti āsannāya. Satthe vassaṃ upagantunti ettha vassūpanāyikadivase tena bhikkhunā upāsakā vattabbā ‘‘kuṭikā laddhuṃ vaṭṭatī’’ti. Sace karitvā denti, tattha pavisitvā ‘‘idha vassaṃ upemī’’ti tikkhattuṃ vattabbaṃ. No ce denti, sālāsaṅkhepena ṭhitasakaṭassa heṭṭhā upagantabbaṃ. Tampi alabhantena ālayo kātabbo. Satthe pana vassaṃ upagantuṃ na vaṭṭati. Ālayo nāma ‘‘idha vassaṃ vasissāmī’’ti cittuppādamattaṃ. Sace maggappaṭipanneyeva satthe pavāraṇadivaso hoti, tattheva pavāretabbaṃ. Atha sattho antovasseyeva bhikkhunā patthitaṭṭhānaṃ patvā atikkamati, patthitaṭṭhāne vasitvā tattha bhikkhūhi saddhiṃ pavāretabbaṃ. Athāpi sattho antovasseyeva antarā ekasmiṃ gāme tiṭṭhati vā vippakirati vā, tasmiṃyeva gāme bhikkhūhi saddhiṃ vasitvā pavāretabbaṃ, apavāretvā tato paraṃ gantuṃ na vaṭṭati.
ਨਾવਾਯਂ વਸ੍ਸਂ ਉਪਗਚ੍ਛਨ੍ਤੇਨਾਪਿ ਕੁਟਿਯਂਯੇવ ਉਪਗਨ੍ਤਬ੍ਬਂ। ਪਰਿਯੇਸਿਤ੍વਾ ਅਲਭਨ੍ਤੇਨ ਆਲਯੋ ਕਾਤਬ੍ਬੋ। ਸਚੇ ਅਨ੍ਤੋਤੇਮਾਸਂ ਨਾવਾ ਸਮੁਦ੍ਦੇਯੇવ ਹੋਤਿ, ਤਤ੍ਥੇવ ਪવਾਰੇਤਬ੍ਬਂ। ਅਥ ਨਾવਾ ਕੂਲਂ ਲਭਤਿ, ਅਯਞ੍ਚ ਪਰਤੋ ਗਨ੍ਤੁਕਾਮੋ ਹੋਤਿ, ਗਨ੍ਤੁਂ ਨ વਟ੍ਟਤਿ। ਨਾવਾਯ ਲਦ੍ਧਗਾਮੇਯੇવ વਸਿਤ੍વਾ ਭਿਕ੍ਖੂਹਿ ਸਦ੍ਧਿਂ ਪવਾਰੇਤਬ੍ਬਂ। ਸਚੇਪਿ ਨਾવਾ ਅਨੁਤੀਰਮੇવ ਅਞ੍ਞਤ੍ਥ ਗਚ੍ਛਤਿ, ਭਿਕ੍ਖੁ ਚ ਪਠਮਂ ਲਦ੍ਧਗਾਮੇਯੇવ વਸਿਤੁਕਾਮੋ, ਨਾવਾ ਗਚ੍ਛਤੁ ਭਿਕ੍ਖੁਨਾ ਤਤ੍ਥੇવ વਸਿਤ੍વਾ ਭਿਕ੍ਖੂਹਿ ਸਦ੍ਧਿਂ ਪવਾਰੇਤਬ੍ਬਂ ।
Nāvāyaṃ vassaṃ upagacchantenāpi kuṭiyaṃyeva upagantabbaṃ. Pariyesitvā alabhantena ālayo kātabbo. Sace antotemāsaṃ nāvā samuddeyeva hoti, tattheva pavāretabbaṃ. Atha nāvā kūlaṃ labhati, ayañca parato gantukāmo hoti, gantuṃ na vaṭṭati. Nāvāya laddhagāmeyeva vasitvā bhikkhūhi saddhiṃ pavāretabbaṃ. Sacepi nāvā anutīrameva aññattha gacchati, bhikkhu ca paṭhamaṃ laddhagāmeyeva vasitukāmo, nāvā gacchatu bhikkhunā tattheva vasitvā bhikkhūhi saddhiṃ pavāretabbaṃ .
ਇਤਿ વਜੇ ਸਤ੍ਥੇ ਨਾવਾਯਨ੍ਤਿ ਤੀਸੁ ਠਾਨੇਸੁ ਨਤ੍ਥਿ વਸ੍ਸਚ੍ਛੇਦੇ ਆਪਤ੍ਤਿ, ਪવਾਰੇਤੁਞ੍ਚ ਲਭਤਿ। ਪੁਰਿਮੇਸੁ ਪਨ ‘‘વਾਲ਼ੇਹਿ ਉਬ੍ਬਾਲ਼੍ਹਾ ਹੋਨ੍ਤੀ’’ਤਿਆਦੀਸੁ ਸਙ੍ਘਭੇਦਪਰਿਯਨ੍ਤੇਸੁ વਤ੍ਥੂਸੁ ਕੇવਲਂ ਅਨਾਪਤ੍ਤਿ ਹੋਤਿ, ਪવਾਰੇਤੁਂ ਪਨ ਨ ਲਭਤਿ।
Iti vaje satthe nāvāyanti tīsu ṭhānesu natthi vassacchede āpatti, pavāretuñca labhati. Purimesu pana ‘‘vāḷehi ubbāḷhā hontī’’tiādīsu saṅghabhedapariyantesu vatthūsu kevalaṃ anāpatti hoti, pavāretuṃ pana na labhati.
੨੦੪. ਨ ਭਿਕ੍ਖવੇ ਰੁਕ੍ਖਸੁਸਿਰੇਤਿ ਏਤ੍ਥ ਸੁਦ੍ਧੇ ਰੁਕ੍ਖਸੁਸਿਰੇਯੇવ ਨ વਟ੍ਟਤਿ; ਮਹਨ੍ਤਸ੍ਸ ਪਨ ਰੁਕ੍ਖਸੁਸਿਰਸ੍ਸ ਅਨ੍ਤੋ ਪਦਰਚ੍ਛਦਨਂ ਕੁਟਿਕਂ ਕਤ੍વਾ ਪવਿਸਨਦ੍વਾਰਂ ਯੋਜੇਤ੍વਾ ਉਪਗਨ੍ਤੁਂ વਟ੍ਟਤਿ। ਰੂਕ੍ਖਂ ਛਿਨ੍ਦਿਤ੍વਾ ਖਾਣੁਕਮਤ੍ਥਕੇ ਪਦਰਚ੍ਛਦਨਂ ਕੁਟਿਕਂ ਕਤ੍વਾਪਿ વਟ੍ਟਤਿਯੇવ। ਰੁਕ੍ਖવਿਟਭਿਯਾਤਿ ਏਤ੍ਥਾਪਿ ਸੁਦ੍ਧੇ વਿਟਪਮਤ੍ਤੇ ਨ વਟ੍ਟਤਿ। ਮਹਾવਿਟਪੇ ਪਨ ਅਟ੍ਟਕਂ ਬਨ੍ਧਿਤ੍વਾ ਤਤ੍ਥ ਪਦਰਚ੍ਛਦਨਂ ਕੁਟਿਕਂ ਕਤ੍વਾ ਉਪਗਨ੍ਤਬ੍ਬਂ। ਅਸੇਨਾਸਨਿਕੇਨਾਤਿ ਯਸ੍ਸ ਪਞ੍ਚਨ੍ਨਂ ਛਦਨਾਨਂ ਅਞ੍ਞਤਰੇਨ ਛਨ੍ਨਂ ਯੋਜਿਤਦ੍વਾਰਬਨ੍ਧਨਂ ਸੇਨਾਸਨਂ ਨਤ੍ਥਿ, ਤੇਨ ਨ ਉਪਗਨ੍ਤਬ੍ਬਂ। ਨ ਭਿਕ੍ਖવੇ ਛવਕੁਟਿਕਾਯਨ੍ਤਿ ਛવਕੁਟਿਕਾ ਨਾਮ ਟਙ੍ਕਿਤਮਞ੍ਚਾਦਿਭੇਦਾ ਕੁਟਿ, ਤਤ੍ਥ ਉਪਗਨ੍ਤੁਂ ਨ વਟ੍ਟਤਿ। ਸੁਸਾਨੇ ਪਨ ਅਞ੍ਞਂ ਕੁਟਿਕਂ ਕਤ੍વਾ ਉਪਗਨ੍ਤੁਂ વਟ੍ਟਤਿ। ਨ ਭਿਕ੍ਖવੇ ਛਤ੍ਤੇਤਿ ਏਤ੍ਥਾਪਿ ਚਤੂਸੁ ਥਮ੍ਭੇਸੁ ਛਤ੍ਤਂ ਠਪੇਤ੍વਾ ਆવਰਣਂ ਕਤ੍વਾ ਦ੍વਾਰਂ ਯੋਜੇਤ੍વਾ ਉਪਗਨ੍ਤੁਂ વਟ੍ਟਤਿ, ਛਤ੍ਤਕੁਟਿਕਾ ਨਾਮੇਸਾ ਹੋਤਿ। ਚਾਟਿਯਾਤਿ ਏਤ੍ਥਾਪਿ ਮਹਨ੍ਤੇਨ ਕਪਲ੍ਲੇਨ ਛਤ੍ਤੇ વੁਤ੍ਤਨਯੇਨ ਕੁਟਿਂ ਕਤ੍વਾ ਉਪਗਨ੍ਤੁਂ વਟ੍ਟਤਿ।
204.Na bhikkhave rukkhasusireti ettha suddhe rukkhasusireyeva na vaṭṭati; mahantassa pana rukkhasusirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭati. Rūkkhaṃ chinditvā khāṇukamatthake padaracchadanaṃ kuṭikaṃ katvāpi vaṭṭatiyeva. Rukkhaviṭabhiyāti etthāpi suddhe viṭapamatte na vaṭṭati. Mahāviṭape pana aṭṭakaṃ bandhitvā tattha padaracchadanaṃ kuṭikaṃ katvā upagantabbaṃ. Asenāsanikenāti yassa pañcannaṃ chadanānaṃ aññatarena channaṃ yojitadvārabandhanaṃ senāsanaṃ natthi, tena na upagantabbaṃ. Na bhikkhave chavakuṭikāyanti chavakuṭikā nāma ṭaṅkitamañcādibhedā kuṭi, tattha upagantuṃ na vaṭṭati. Susāne pana aññaṃ kuṭikaṃ katvā upagantuṃ vaṭṭati. Na bhikkhave chatteti etthāpi catūsu thambhesu chattaṃ ṭhapetvā āvaraṇaṃ katvā dvāraṃ yojetvā upagantuṃ vaṭṭati, chattakuṭikā nāmesā hoti. Cāṭiyāti etthāpi mahantena kapallena chatte vuttanayena kuṭiṃ katvā upagantuṃ vaṭṭati.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੧੫. વਜਾਦੀਸੁ વਸ੍ਸੂਪਗਮਨਂ • 115. Vajādīsu vassūpagamanaṃ
੧੧੬. વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਾਨਿ • 116. Vassaṃ anupagantabbaṭṭhānāni
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
વਜਾਦੀਸੁ વਸ੍ਸੂਪਗਮਨਕਥਾવਣ੍ਣਨਾ • Vajādīsu vassūpagamanakathāvaṇṇanā
વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾવਣ੍ਣਨਾ • Vassaṃ anupagantabbaṭṭhānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વਜਾਦੀਸੁવਸ੍ਸੂਪਗਮਨਕਥਾવਣ੍ਣਨਾ • Vajādīsuvassūpagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વਜਾਦੀਸੁ વਸ੍ਸੂਪਗਮਨਕਥਾવਣ੍ਣਨਾ • Vajādīsu vassūpagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੧੧੫. વਜਾਦੀਸੁ વਸ੍ਸੂਪਗਮਨਕਥਾ • 115. Vajādīsu vassūpagamanakathā
੧੧੬. વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾ • 116. Vassaṃ anupagantabbaṭṭhānakathā
