| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
важ̇аад̣̇ийсувассуубаг̇аманагат̇ааван̣н̣анаа
Vajādīsuvassūpagamanakathāvaṇṇanā
203. важ̇зна сад̣̇д̇хим̣ г̇ад̇асса вассажчзд̣̇з анаабад̇д̇ийд̇и вассажчзд̣̇о на ход̇ийд̇и гира ад̇хиббааяо. сад̇т̇асса авихаарад̇д̇аа ‘‘имасмим̣ вихаарз’’д̇и авад̇ваа ‘‘ид̇ха вассам̣ убзмий’’д̇и зд̇д̇агам̣ вад̇д̇аб̣б̣ам̣. ‘‘сад̇т̇з бана вассам̣ убаг̇анд̇ум̣ на ваддад̇ийд̇и ‘имасмим̣ вихаарз имам̣ д̇змааса’нд̇и ваа ‘ид̇ха вассам̣ убзмий’д̇и ваа на ваддад̇и, аалаяагаран̣амад̇д̇знзва ваддад̇ийд̇и ад̇хиббааяо’’д̇и ликид̇ам̣. д̇ам̣ бана адтагат̇ааяа вируж̇жхад̇и. ‘‘ид̇ха вассам̣ убзмийд̇и д̇игкад̇д̇ум̣ вад̇д̇аб̣б̣а’’нд̇и хи вуд̇д̇ам̣. адтагат̇ааважанамби буб̣б̣аабарам̣ вируж̇жхад̇ийд̇и жз? на, ад̇хиббааяааж̇аананад̇о. сад̇т̇о д̣̇увид̇хо тид̇о, сан̃жаарод̇и. д̇ад̇т̇а тид̇з гудигааяа ‘‘ид̇ха вассам̣ убзмий’’д̇и вад̇ваа васид̇аб̣б̣ам̣. ид̣̇ан̃хи санд̇хааяа ‘‘ануж̇аанаами, бхигкавз, сад̇т̇з вассам̣ убаг̇анд̇у’’нд̇и вуд̇д̇ам̣, сан̃жааримхи бана сад̇т̇з гудигааяа абхаавад̇о вассам̣ убаг̇анд̇ум̣ на ваддад̇и. сад̇и сивигааяа ваа сагадагудигааяа ваа ваддад̇и, д̇ат̇аа важ̇зби. д̇ийсу таанзсу бхигкуно над̇т̇и вассажчзд̣̇з аабад̇д̇и.
203.Vajena saddhiṃ gatassa vassacchede anāpattīti vassacchedo na hotīti kira adhippāyo. Satthassa avihārattā ‘‘imasmiṃ vihāre’’ti avatvā ‘‘idha vassaṃ upemī’’ti ettakaṃ vattabbaṃ. ‘‘Satthe pana vassaṃ upagantuṃ na vaṭṭatīti ‘imasmiṃ vihāre imaṃ temāsa’nti vā ‘idha vassaṃ upemī’ti vā na vaṭṭati, ālayakaraṇamatteneva vaṭṭatīti adhippāyo’’ti likhitaṃ. Taṃ pana aṭṭhakathāya virujjhati. ‘‘Idha vassaṃ upemīti tikkhattuṃ vattabba’’nti hi vuttaṃ. Aṭṭhakathāvacanampi pubbāparaṃ virujjhatīti ce? Na, adhippāyājānanato. Sattho duvidho ṭhito, sañcāroti. Tattha ṭhite kuṭikāya ‘‘idha vassaṃ upemī’’ti vatvā vasitabbaṃ. Idañhi sandhāya ‘‘anujānāmi, bhikkhave, satthe vassaṃ upagantu’’nti vuttaṃ, sañcārimhi pana satthe kuṭikāya abhāvato vassaṃ upagantuṃ na vaṭṭati. Sati sivikāya vā sakaṭakuṭikāya vā vaṭṭati, tathā vajepi. Tīsu ṭhānesu bhikkhuno natthi vassacchede āpatti.
баваарзд̇ун̃жа лабхад̇ийд̇и зд̇т̇ааяам̣ вижааран̣аа – ‘‘ануж̇аанаами, бхигкавз, язна важ̇о, д̇зна г̇анд̇у’’нд̇и ид̣̇ам̣ гим̣ вассарагкан̣ад̇т̇ам̣ вуд̇д̇ам̣, уд̣̇ааху вассажчзд̣̇аабад̇д̇ирагкан̣ад̇т̇анд̇и? гин̃жзд̇т̇а яад̣̇и вассарагкан̣ад̇т̇ам̣, ‘‘на, бхигкавз, асзнаасанигзна вассам̣ убаг̇анд̇аб̣б̣а’’нд̇и ид̣̇ам̣ вируж̇жхад̇и. ат̇а вассажчзд̣̇аабад̇д̇ирагкан̣ад̇т̇ам̣ вуд̇д̇анд̇и сид̣̇д̇хам̣ на со баваарзд̇ум̣ лабхад̇ийд̇и, гаа банзд̇т̇а яуд̇д̇и? яад̇о аяамзва д̇ивид̇хо баваарзд̇ум̣ лабхад̇и, нзд̇аро. ваал̣зхи уб̣б̣аал̣хаад̣̇иго хи убаг̇ад̇адтаанаабарижжааг̇аа лабхад̇и. барижжааг̇аа на лабхад̇ийд̇и аяамзд̇т̇а яуд̇д̇и. язна г̇аамо, д̇ад̇т̇а г̇ад̇оби баваарзд̇ум̣ лабхад̇ийд̇и згзнаад̇и аажарияо. яо хи буб̣б̣з ‘‘ид̇ха вассам̣ убзмий’’д̇и на убаг̇ад̇о, ‘‘имасмим̣ вихаарз’’д̇и убаг̇ад̇о, со жа барижжад̇д̇о. ан̃н̃ат̇аа винаа вихаарзна гзвалам̣ г̇аамам̣ санд̇хааяа ‘‘ид̇ха вассам̣ убзмий’’д̇и убаг̇анд̇ум̣ ваддад̇ийд̇и. аабаж̇ж̇ад̇ууд̇и жз? на, ‘‘ануж̇аанаами, бхигкавз, важ̇з сад̇т̇з наавааяа вассам̣ убаг̇анд̇у’’нд̇и важанам̣ вияа ‘‘г̇аамз убаг̇анд̇у’’нд̇и важанаабхаавад̇о. яасмаа ‘‘д̇ийсу таанзсу бхигкуно над̇т̇и вассажчзд̣̇з аабад̇д̇ий’’д̇и важанам̣ д̇ад̇т̇а вассуубаг̇аманам̣ ад̇т̇ийд̇и д̣̇ийбзд̇и д̇ад̣̇абхаавз чзд̣̇аабхааваа, д̇асмаа ‘‘сад̇т̇з бана вассам̣ убаг̇анд̇ум̣ на ваддад̇ий’’д̇и гудияаа абхаавагаалам̣ санд̇хааяа вуд̇д̇анд̇и сид̣̇д̇хам̣. д̇ийсу таанзсу бхигкуно над̇т̇и вассажчзд̣̇з аабад̇д̇ийд̇и ‘‘д̇зхи сад̣̇д̇хим̣ г̇ажчанд̇ассзва над̇т̇и, вируж̇жхид̇ваа г̇аманз аабад̇д̇и жа, баваарзд̇ун̃жа на лабхад̇ий’’д̇и ликид̇ам̣, д̇асмаа яам̣ вуд̇д̇ам̣ адтагат̇ааяам̣ ‘‘ат̇а сад̇т̇о анд̇овассзязва бхигкунаа бад̇т̇ид̇адтаанам̣ бад̇ваа ад̇иггамад̇и…бз… анд̇араа згасмим̣ г̇аамз д̇идтад̇и ваа виббагирад̇и ваа’’д̇иаад̣̇и, д̇ам̣ зд̇д̇аавад̇аа вируж̇жхид̇ваа г̇ад̇аанамби вируж̇жхид̇ваа г̇аманам̣ на ход̇и, д̇асмаа баваарзд̇аб̣б̣анд̇и д̣̇ассанад̇т̇анд̇и взд̣̇ид̇аб̣б̣ам̣.
Pavāretuñca labhatīti etthāyaṃ vicāraṇā – ‘‘anujānāmi, bhikkhave, yena vajo, tena gantu’’nti idaṃ kiṃ vassarakkhaṇatthaṃ vuttaṃ, udāhu vassacchedāpattirakkhaṇatthanti? Kiñcettha yadi vassarakkhaṇatthaṃ, ‘‘na, bhikkhave, asenāsanikena vassaṃ upagantabba’’nti idaṃ virujjhati. Atha vassacchedāpattirakkhaṇatthaṃ vuttanti siddhaṃ na so pavāretuṃ labhatīti, kā panettha yutti? Yato ayameva tividho pavāretuṃ labhati, netaro. Vāḷehi ubbāḷhādiko hi upagataṭṭhānāpariccāgā labhati. Pariccāgā na labhatīti ayamettha yutti. Yena gāmo, tattha gatopi pavāretuṃ labhatīti ekenāti ācariyo. Yo hi pubbe ‘‘idha vassaṃ upemī’’ti na upagato, ‘‘imasmiṃ vihāre’’ti upagato, so ca pariccatto. Aññathā vinā vihārena kevalaṃ gāmaṃ sandhāya ‘‘idha vassaṃ upemī’’ti upagantuṃ vaṭṭatīti. Āpajjatūti ce? Na, ‘‘anujānāmi, bhikkhave, vaje satthe nāvāya vassaṃ upagantu’’nti vacanaṃ viya ‘‘gāme upagantu’’nti vacanābhāvato. Yasmā ‘‘tīsu ṭhānesu bhikkhuno natthi vassacchede āpattī’’ti vacanaṃ tattha vassūpagamanaṃ atthīti dīpeti tadabhāve chedābhāvā, tasmā ‘‘satthe pana vassaṃ upagantuṃ na vaṭṭatī’’ti kuṭiyā abhāvakālaṃ sandhāya vuttanti siddhaṃ. Tīsu ṭhānesu bhikkhuno natthi vassacchede āpattīti ‘‘tehi saddhiṃ gacchantasseva natthi, virujjhitvā gamane āpatti ca, pavāretuñca na labhatī’’ti likhitaṃ, tasmā yaṃ vuttaṃ aṭṭhakathāyaṃ ‘‘atha sattho antovasseyeva bhikkhunā patthitaṭṭhānaṃ patvā atikkamati…pe… antarā ekasmiṃ gāme tiṭṭhati vā vippakirati vā’’tiādi, taṃ ettāvatā virujjhitvā gatānampi virujjhitvā gamanaṃ na hoti, tasmā pavāretabbanti dassanatthanti veditabbaṃ.
д̇ад̇т̇а ‘‘бад̣̇аражчад̣̇анам̣ гудим̣ гад̇ваа убаг̇анд̇аб̣б̣а’’нд̇и важанад̇о сзнаасанад̇т̇ааяа ругкам̣ аарухид̇ум̣ ваддад̇ийд̇и сид̣̇д̇хам̣ ход̇и, на баал̣ивирод̇хад̇од̇и жз? на, д̇аббадигкзбзнзва сид̣̇д̇хад̇д̇аа, имасса ид̇ха бунаби бадигкзбанад̇о. ‘‘на, бхигкавз, асзнаасанигзна вассам̣ убаг̇анд̇аб̣б̣а’’нд̇и иминаа бадигкзбзна сид̣̇д̇хз ‘‘на, бхигкавз, аж̇жхогаасз вассам̣ убаг̇анд̇аб̣б̣а’’нд̇и бадигкзбо вияа сияаад̇и жз? на, аж̇жхогаасасса асзнаасанабхааваанумад̇иббасан̇г̇ад̇о. аж̇жхогаасо хи ‘‘аж̇жхогаасз балаалабун̃ж̇з’’д̇и важанад̇о сзнаасананд̇и сид̣̇д̇хам̣. жад̇усаалааж̇жхогаасз васанд̇оби ‘‘жад̇усаалааяа васад̇ий’’д̇и вужжад̇и, д̇асмаа д̇ад̇т̇а ваддад̇ийд̇и аабаж̇ж̇ад̇и, д̇асмаа ид̇ха асзнаасаниго наама ад̇д̇анаа ваа барзна ваа ад̇д̇ано ниб̣ад̣̇д̇хаваасад̇т̇ам̣ абаабид̇асзнаасанигод̇и взд̣̇ид̇аб̣б̣ам̣. ан̃н̃ат̇аа д̣̇виннам̣ бадигкзбаанам̣ ан̃н̃ад̇араад̇ирзгад̇аа жа ругкамуулзби ниб̣б̣агосзби вассам̣ убаг̇анд̇ум̣ ваддад̇ийд̇и жа, абаабид̇асзнаасанигзнааби г̇аб̣бхз васид̇ум̣ ваддад̇ийд̇и жа аабаж̇ж̇ад̇и, сад̣̇ваараб̣анд̇хамзва сзнаасанам̣ ид̇ха ад̇хиббзд̇анд̇и гат̇ам̣ бан̃н̃ааяад̇ийд̇и жз? нид̣̇аанад̇о. аяан̃хи асзнаасанигавассуубаг̇аманаабад̇д̇и ‘‘д̇зна ко бана самаязна бхигкуу асзнаасанигаа вассам̣ убаг̇ажчанд̇и, сийд̇знаби ун̣хзнаби гиламанд̇ий’’д̇и имасмим̣ нид̣̇аанз бан̃н̃ад̇д̇аа, д̇асмаа сийд̇аад̣̇ибадигкзбамзва ид̇ха сзнаасананд̇и ад̇хиббзд̇аб̣б̣анд̇и сид̣̇д̇хам̣. звам̣ санд̇з сид̣̇д̇хам̣ буб̣б̣абагканид̣̇ассананд̇и жз? на, буб̣б̣з абарад̇т̇абавад̇д̇исуужанад̇о. д̣̇уд̇ияаж̇жхаананид̣̇д̣̇зсз ‘‘вид̇аггавижаараанам̣ вуубасамаа авид̇аггам̣ авижаара’’нд̇и (д̣̇ий. ни. 1.228; ма. ни. 1.271) важанаани нид̣̇ассанам̣. аж̇жхогаасабадигкзбанид̣̇аанзна б̣ахиаж̇жхогаасова бадигкид̇д̇о, на жад̇усаалаад̣̇имаж̇жхаг̇ад̇о аж̇жхогаасод̇и аабаж̇ж̇ад̇и, д̇асмаа на нид̣̇аанам̣ бамаан̣анд̇и жз? на, нияамад̇о. гин̃жи хи сигкаабад̣̇ам̣ нид̣̇аанаабзгкам̣ ход̇ийд̇и саад̇хид̇амзд̇ам̣. ид̣̇ам̣ саабзгкам̣, ид̣̇ам̣ анабзгканд̇и гат̇ам̣ бан̃н̃ааяад̇и, на хи зд̇т̇а убхад̇овибхан̇г̇з вияа сигкаабад̣̇аанам̣ бад̣̇абхааж̇анам̣, анаабад̇д̇ивааро ваа ад̇т̇ийд̇и? ид̇хааби д̣̇зсанаавид̇хаанад̇о бан̃н̃ааяад̇и. ‘‘д̣̇звз вассанд̇з ругкамууламби ниб̣б̣агосамби убад̇хааванд̇ий’’д̇и хи имзхи д̣̇вийхи нид̣̇аанаважанзхи б̣ахи ваа анд̇о ваа саб̣б̣ам̣ овассагадтаанам̣ ид̇ха аж̇жхогаасо наама. ановассагадтаанамби аниб̣б̣агосамзва ид̇ха ижчид̇аб̣б̣анд̇и сид̣̇д̇хам̣ ход̇и. д̇зна на убаг̇анд̇аб̣б̣анд̇и на аалаяагаран̣абадигкзбо, ‘‘ид̇ха вассам̣ убзмий’’д̇и важанабадигкзбо. чавасарийрам̣ д̣̇ахид̇ваа чааригааяа, адтигаанан̃жа ад̇т̇ааяа гудигаа гарийяад̇ийд̇и анд̇хагадтагат̇ааважанам̣. ‘‘дан̇гид̇аман̃жод̇и гасигудигаабаасаан̣агхара’’нд̇и ликид̇ам̣. ‘‘агаваадаб̣ад̣̇д̇хасзнаасанз ад̇д̇ано баабид̇з сабхааг̇адтаанз сагаваадаб̣ад̣̇д̇хз васад̇и жз, ваддад̇ий’’д̇и вуд̇д̇ам̣. баяог̇оби ад̇т̇и, ‘‘асзнаасанигзна вассам̣ на убаг̇анд̇аб̣б̣а’’нд̇и баал̣и жа адтагат̇аа жа, д̇асмаа убабаригкид̇аб̣б̣ам̣.
Tattha ‘‘padaracchadanaṃ kuṭiṃ katvā upagantabba’’nti vacanato senāsanatthāya rukkhaṃ āruhituṃ vaṭṭatīti siddhaṃ hoti, na pāḷivirodhatoti ce? Na, tappaṭikkhepeneva siddhattā, imassa idha punapi paṭikkhepanato. ‘‘Na, bhikkhave, asenāsanikena vassaṃ upagantabba’’nti iminā paṭikkhepena siddhe ‘‘na, bhikkhave, ajjhokāse vassaṃ upagantabba’’nti paṭikkhepo viya siyāti ce? Na, ajjhokāsassa asenāsanabhāvānumatippasaṅgato. Ajjhokāso hi ‘‘ajjhokāse palālapuñje’’ti vacanato senāsananti siddhaṃ. Catusālaajjhokāse vasantopi ‘‘catusālāya vasatī’’ti vuccati, tasmā tattha vaṭṭatīti āpajjati, tasmā idha asenāsaniko nāma attanā vā parena vā attano nibaddhavāsatthaṃ apāpitasenāsanikoti veditabbaṃ. Aññathā dvinnaṃ paṭikkhepānaṃ aññatarātirekatā ca rukkhamūlepi nibbakosepi vassaṃ upagantuṃ vaṭṭatīti ca, apāpitasenāsanikenāpi gabbhe vasituṃ vaṭṭatīti ca āpajjati, sadvārabandhameva senāsanaṃ idha adhippetanti kathaṃ paññāyatīti ce? Nidānato. Ayañhi asenāsanikavassūpagamanāpatti ‘‘tena kho pana samayena bhikkhū asenāsanikā vassaṃ upagacchanti, sītenapi uṇhenapi kilamantī’’ti imasmiṃ nidāne paññattā, tasmā sītādipaṭikkhepameva idha senāsananti adhippetabbanti siddhaṃ. Evaṃ sante siddhaṃ pubbapakkhanidassananti ce? Na, pubbe aparatthapavattisūcanato. Dutiyajjhānaniddese ‘‘vitakkavicārānaṃ vūpasamā avitakkaṃ avicāra’’nti (dī. ni. 1.228; ma. ni. 1.271) vacanāni nidassanaṃ. Ajjhokāsapaṭikkhepanidānena bahiajjhokāsova paṭikkhitto, na catusālādimajjhagato ajjhokāsoti āpajjati, tasmā na nidānaṃ pamāṇanti ce? Na, niyamato. Kiñci hi sikkhāpadaṃ nidānāpekkhaṃ hotīti sādhitametaṃ. Idaṃ sāpekkhaṃ, idaṃ anapekkhanti kathaṃ paññāyati, na hi ettha ubhatovibhaṅge viya sikkhāpadānaṃ padabhājanaṃ, anāpattivāro vā atthīti? Idhāpi desanāvidhānato paññāyati. ‘‘Deve vassante rukkhamūlampi nibbakosampi upadhāvantī’’ti hi imehi dvīhi nidānavacanehi bahi vā anto vā sabbaṃ ovassakaṭṭhānaṃ idha ajjhokāso nāma. Anovassakaṭṭhānampi anibbakosameva idha icchitabbanti siddhaṃ hoti. Tena na upagantabbanti na ālayakaraṇapaṭikkhepo, ‘‘idha vassaṃ upemī’’ti vacanapaṭikkhepo. Chavasarīraṃ dahitvā chārikāya, aṭṭhikānañca atthāya kuṭikā karīyatīti andhakaṭṭhakathāvacanaṃ. ‘‘Ṭaṅkitamañcoti kasikuṭikāpāsāṇaghara’’nti likhitaṃ. ‘‘Akavāṭabaddhasenāsane attano pāpite sabhāgaṭṭhāne sakavāṭabaddhe vasati ce, vaṭṭatī’’ti vuttaṃ. Payogopi atthi, ‘‘asenāsanikena vassaṃ na upagantabba’’nti pāḷi ca aṭṭhakathā ca, tasmā upaparikkhitabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 115. важ̇аад̣̇ийсу вассуубаг̇аманам̣ • 115. Vajādīsu vassūpagamanaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / важ̇аад̣̇ийсувассуубаг̇аманагат̇аа • Vajādīsuvassūpagamanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / важ̇аад̣̇ийсу вассуубаг̇аманагат̇ааван̣н̣анаа • Vajādīsu vassūpagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 115. важ̇аад̣̇ийсу вассуубаг̇аманагат̇аа • 115. Vajādīsu vassūpagamanakathā
