| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. ৰজিরাসুত্তৰণ্ণনা
10. Vajirāsuttavaṇṇanā
১৭১. সুদ্ধসঙ্খারপুঞ্জেতি রূপারূপৰিভাগে কিলেসসঙ্খারসমূহে। পরমত্থতোতি সভাৰেন। যথা ন হি সত্তসঞ্ঞিতসঙ্খারপুঞ্জো নাম পরমত্থতো উপলব্ভতি, এৰং তব্বিনিমুত্তো নাম কোচি ন উপলব্ভতি অৰিজ্জমানত্তা। ৰিজ্জমানেসূতি যথাপচ্চযসম্পত্তিযা লব্ভমানেসু। তেনাকারেনাতি ইত্থিপুরিসাদিআকারেন। ৰৰত্থিতেসূতি পচ্চেকং পচ্চযৰিসেসসমুট্ঠিতং সণ্ঠানৰিসেসং উপাদায ‘‘পুরিসো হত্থী অস্সো’’তিআদিনা অভিসঙ্গতো পৰত্তেসু। সম্মুতীতি সত্তোতি ৰোহারো। তেনাহ ‘‘সমঞ্ঞামত্তমেৰা’’তি। পঞ্চক্খন্ধদুক্খন্তি পঞ্চক্খন্ধসঞ্ঞিতং দুক্খং। ৰুত্তং হেতং ভগৰতা ‘‘সংখিত্তেন পঞ্চুপাদানক্খন্ধা দুক্খা’’তি (দী॰ নি॰ ২.৩৮৭; ম॰ নি॰ ১.১২০; ৩.৩৭৩; ৰিভ॰ ২০২) অঞ্ঞো নেৰ সম্ভোতি যথাৰুত্তদুক্খতো অঞ্ঞস্স সঙ্খতধম্মস্স অভাৰতো। ন নিরুজ্ঝতীতি ততো অঞ্ঞং ন নিরুজ্ঝতি, উপ্পাদতো হোতি নিরোধোতি।
171.Suddhasaṅkhārapuñjeti rūpārūpavibhāge kilesasaṅkhārasamūhe. Paramatthatoti sabhāvena. Yathā na hi sattasaññitasaṅkhārapuñjo nāma paramatthato upalabbhati, evaṃ tabbinimutto nāma koci na upalabbhati avijjamānattā. Vijjamānesūti yathāpaccayasampattiyā labbhamānesu. Tenākārenāti itthipurisādiākārena. Vavatthitesūti paccekaṃ paccayavisesasamuṭṭhitaṃ saṇṭhānavisesaṃ upādāya ‘‘puriso hatthī asso’’tiādinā abhisaṅgato pavattesu. Sammutīti sattoti vohāro. Tenāha ‘‘samaññāmattamevā’’ti. Pañcakkhandhadukkhanti pañcakkhandhasaññitaṃ dukkhaṃ. Vuttaṃ hetaṃ bhagavatā ‘‘saṃkhittena pañcupādānakkhandhā dukkhā’’ti (dī. ni. 2.387; ma. ni. 1.120; 3.373; vibha. 202) añño neva sambhoti yathāvuttadukkhato aññassa saṅkhatadhammassa abhāvato. Na nirujjhatīti tato aññaṃ na nirujjhati, uppādato hoti nirodhoti.
ৰজিরাসুত্তৰণ্ণনা নিট্ঠিতা।
Vajirāsuttavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
ভিক্খুনীসংযুত্তৰণ্ণনায লীনত্থপ্পকাসনা সমত্তা।
Bhikkhunīsaṃyuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. ৰজিরাসুত্তং • 10. Vajirāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. ৰজিরাসুত্তৰণ্ণনা • 10. Vajirāsuttavaṇṇanā
