| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. важ̇ираасуд̇д̇аван̣н̣анаа
10. Vajirāsuttavaṇṇanā
171. суд̣̇д̇хасан̇каарабун̃ж̇зд̇и руубааруубавибхааг̇з гилзсасан̇каарасамуухз. барамад̇т̇ад̇од̇и сабхаавзна. яат̇аа на хи сад̇д̇асан̃н̃ид̇асан̇каарабун̃ж̇о наама барамад̇т̇ад̇о убалаб̣бхад̇и, звам̣ д̇аб̣б̣инимуд̇д̇о наама гожи на убалаб̣бхад̇и авиж̇ж̇амаанад̇д̇аа. виж̇ж̇амаанзсууд̇и яат̇аабажжаяасамбад̇д̇ияаа лаб̣бхамаанзсу. д̇знаагаарзнаад̇и ид̇т̇ибурисаад̣̇иаагаарзна. вавад̇т̇ид̇зсууд̇и бажжзгам̣ бажжаяависзсасамудтид̇ам̣ сан̣таанависзсам̣ убаад̣̇ааяа ‘‘бурисо хад̇т̇ий ассо’’д̇иаад̣̇инаа абхисан̇г̇ад̇о бавад̇д̇зсу. саммуд̇ийд̇и сад̇д̇од̇и вохааро. д̇знааха ‘‘саман̃н̃аамад̇д̇амзваа’’д̇и. бан̃жагканд̇хад̣̇угканд̇и бан̃жагканд̇хасан̃н̃ид̇ам̣ д̣̇угкам̣. вуд̇д̇ам̣ хзд̇ам̣ бхаг̇авад̇аа ‘‘сам̣кид̇д̇зна бан̃жубаад̣̇аанагканд̇хаа д̣̇угкаа’’д̇и (д̣̇ий. ни. 2.387; ма. ни. 1.120; 3.373; вибха. 202) ан̃н̃о нзва самбход̇и яат̇аавуд̇д̇ад̣̇угкад̇о ан̃н̃асса сан̇кад̇ад̇хаммасса абхаавад̇о. на нируж̇жхад̇ийд̇и д̇ад̇о ан̃н̃ам̣ на нируж̇жхад̇и, уббаад̣̇ад̇о ход̇и нирод̇ход̇и.
171.Suddhasaṅkhārapuñjeti rūpārūpavibhāge kilesasaṅkhārasamūhe. Paramatthatoti sabhāvena. Yathā na hi sattasaññitasaṅkhārapuñjo nāma paramatthato upalabbhati, evaṃ tabbinimutto nāma koci na upalabbhati avijjamānattā. Vijjamānesūti yathāpaccayasampattiyā labbhamānesu. Tenākārenāti itthipurisādiākārena. Vavatthitesūti paccekaṃ paccayavisesasamuṭṭhitaṃ saṇṭhānavisesaṃ upādāya ‘‘puriso hatthī asso’’tiādinā abhisaṅgato pavattesu. Sammutīti sattoti vohāro. Tenāha ‘‘samaññāmattamevā’’ti. Pañcakkhandhadukkhanti pañcakkhandhasaññitaṃ dukkhaṃ. Vuttaṃ hetaṃ bhagavatā ‘‘saṃkhittena pañcupādānakkhandhā dukkhā’’ti (dī. ni. 2.387; ma. ni. 1.120; 3.373; vibha. 202) añño neva sambhoti yathāvuttadukkhato aññassa saṅkhatadhammassa abhāvato. Na nirujjhatīti tato aññaṃ na nirujjhati, uppādato hoti nirodhoti.
важ̇ираасуд̇д̇аван̣н̣анаа нидтид̇аа.
Vajirāsuttavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
бхигкунийсам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Bhikkhunīsaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. важ̇ираасуд̇д̇ам̣ • 10. Vajirāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. важ̇ираасуд̇д̇аван̣н̣анаа • 10. Vajirāsuttavaṇṇanā
