| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๐. วชิราสุตฺตวณฺณนา
10. Vajirāsuttavaṇṇanā
๑๗๑. ทสเม นยิธ สตฺตุปลพฺภตีติ อิมสฺมิํ สุทฺธสงฺขารปุเญฺช ปรมตฺถโต สโตฺต นาม น อุปลพฺภติฯ ขเนฺธสุ สเนฺตสูติ ปญฺจสุ ขเนฺธสุ วิชฺชมาเนสุ เตน เตนากาเรน ววตฺถิเตสุฯ สมฺมุตีติ สโตฺตติ สมญฺญามตฺตเมว โหติฯ ทุกฺขนฺติ ปญฺจกฺขนฺธทุกฺขํฯ นาญฺญตฺร ทุกฺขาติ ฐเปตฺวา ทุกฺขํ อโญฺญ เนว สโมฺภติ น นิรุชฺฌตีติฯ ทสมํฯ
171. Dasame nayidha sattupalabbhatīti imasmiṃ suddhasaṅkhārapuñje paramatthato satto nāma na upalabbhati. Khandhesu santesūti pañcasu khandhesu vijjamānesu tena tenākārena vavatthitesu. Sammutīti sattoti samaññāmattameva hoti. Dukkhanti pañcakkhandhadukkhaṃ. Nāññatra dukkhāti ṭhapetvā dukkhaṃ añño neva sambhoti na nirujjhatīti. Dasamaṃ.
อิติ สารตฺถปฺปกาสินิยา
Iti sāratthappakāsiniyā
สํยุตฺตนิกาย-อฎฺฐกถาย
Saṃyuttanikāya-aṭṭhakathāya
ภิกฺขุนีสํยุตฺตวณฺณนา นิฎฺฐิตาฯ
Bhikkhunīsaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. วชิราสุตฺตํ • 10. Vajirāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. วชิราสุตฺตวณฺณนา • 10. Vajirāsuttavaṇṇanā
