| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១០. វជិរាសុត្តវណ្ណនា
10. Vajirāsuttavaṇṇanā
១៧១. សុទ្ធសង្ខារបុញ្ជេតិ រូបារូបវិភាគេ កិលេសសង្ខារសមូហេ។ បរមត្ថតោតិ សភាវេន។ យថា ន ហិ សត្តសញ្ញិតសង្ខារបុញ្ជោ នាម បរមត្ថតោ ឧបលព្ភតិ, ឯវំ តព្ពិនិមុត្តោ នាម កោចិ ន ឧបលព្ភតិ អវិជ្ជមានត្តា។ វិជ្ជមានេសូតិ យថាបច្ចយសម្បត្តិយា លព្ភមានេសុ។ តេនាការេនាតិ ឥត្ថិបុរិសាទិអាការេន។ វវត្ថិតេសូតិ បច្ចេកំ បច្ចយវិសេសសមុដ្ឋិតំ សណ្ឋានវិសេសំ ឧបាទាយ ‘‘បុរិសោ ហត្ថី អស្សោ’’តិអាទិនា អភិសង្គតោ បវត្តេសុ។ សម្មុតីតិ សត្តោតិ វោហារោ។ តេនាហ ‘‘សមញ្ញាមត្តមេវា’’តិ។ បញ្ចក្ខន្ធទុក្ខន្តិ បញ្ចក្ខន្ធសញ្ញិតំ ទុក្ខំ។ វុត្តំ ហេតំ ភគវតា ‘‘សំខិត្តេន បញ្ចុបាទានក្ខន្ធា ទុក្ខា’’តិ (ទី. និ. ២.៣៨៧; ម. និ. ១.១២០; ៣.៣៧៣; វិភ. ២០២) អញ្ញោ នេវ សម្ភោតិ យថាវុត្តទុក្ខតោ អញ្ញស្ស សង្ខតធម្មស្ស អភាវតោ។ ន និរុជ្ឈតីតិ តតោ អញ្ញំ ន និរុជ្ឈតិ, ឧប្បាទតោ ហោតិ និរោធោតិ។
171.Suddhasaṅkhārapuñjeti rūpārūpavibhāge kilesasaṅkhārasamūhe. Paramatthatoti sabhāvena. Yathā na hi sattasaññitasaṅkhārapuñjo nāma paramatthato upalabbhati, evaṃ tabbinimutto nāma koci na upalabbhati avijjamānattā. Vijjamānesūti yathāpaccayasampattiyā labbhamānesu. Tenākārenāti itthipurisādiākārena. Vavatthitesūti paccekaṃ paccayavisesasamuṭṭhitaṃ saṇṭhānavisesaṃ upādāya ‘‘puriso hatthī asso’’tiādinā abhisaṅgato pavattesu. Sammutīti sattoti vohāro. Tenāha ‘‘samaññāmattamevā’’ti. Pañcakkhandhadukkhanti pañcakkhandhasaññitaṃ dukkhaṃ. Vuttaṃ hetaṃ bhagavatā ‘‘saṃkhittena pañcupādānakkhandhā dukkhā’’ti (dī. ni. 2.387; ma. ni. 1.120; 3.373; vibha. 202) añño neva sambhoti yathāvuttadukkhato aññassa saṅkhatadhammassa abhāvato. Na nirujjhatīti tato aññaṃ na nirujjhati, uppādato hoti nirodhoti.
វជិរាសុត្តវណ្ណនា និដ្ឋិតា។
Vajirāsuttavaṇṇanā niṭṭhitā.
សារត្ថប្បកាសិនិយា សំយុត្តនិកាយ-អដ្ឋកថាយ
Sāratthappakāsiniyā saṃyuttanikāya-aṭṭhakathāya
ភិក្ខុនីសំយុត្តវណ្ណនាយ លីនត្ថប្បកាសនា សមត្តា។
Bhikkhunīsaṃyuttavaṇṇanāya līnatthappakāsanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. វជិរាសុត្តំ • 10. Vajirāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. វជិរាសុត្តវណ្ណនា • 10. Vajirāsuttavaṇṇanā
