| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. વਜਿਰਾਸੁਤ੍ਤવਣ੍ਣਨਾ
10. Vajirāsuttavaṇṇanā
੧੭੧. ਸੁਦ੍ਧਸਙ੍ਖਾਰਪੁਞ੍ਜੇਤਿ ਰੂਪਾਰੂਪવਿਭਾਗੇ ਕਿਲੇਸਸਙ੍ਖਾਰਸਮੂਹੇ। ਪਰਮਤ੍ਥਤੋਤਿ ਸਭਾવੇਨ। ਯਥਾ ਨ ਹਿ ਸਤ੍ਤਸਞ੍ਞਿਤਸਙ੍ਖਾਰਪੁਞ੍ਜੋ ਨਾਮ ਪਰਮਤ੍ਥਤੋ ਉਪਲਬ੍ਭਤਿ, ਏવਂ ਤਬ੍ਬਿਨਿਮੁਤ੍ਤੋ ਨਾਮ ਕੋਚਿ ਨ ਉਪਲਬ੍ਭਤਿ ਅવਿਜ੍ਜਮਾਨਤ੍ਤਾ। વਿਜ੍ਜਮਾਨੇਸੂਤਿ ਯਥਾਪਚ੍ਚਯਸਮ੍ਪਤ੍ਤਿਯਾ ਲਬ੍ਭਮਾਨੇਸੁ। ਤੇਨਾਕਾਰੇਨਾਤਿ ਇਤ੍ਥਿਪੁਰਿਸਾਦਿਆਕਾਰੇਨ। વવਤ੍ਥਿਤੇਸੂਤਿ ਪਚ੍ਚੇਕਂ ਪਚ੍ਚਯવਿਸੇਸਸਮੁਟ੍ਠਿਤਂ ਸਣ੍ਠਾਨવਿਸੇਸਂ ਉਪਾਦਾਯ ‘‘ਪੁਰਿਸੋ ਹਤ੍ਥੀ ਅਸ੍ਸੋ’’ਤਿਆਦਿਨਾ ਅਭਿਸਙ੍ਗਤੋ ਪવਤ੍ਤੇਸੁ। ਸਮ੍ਮੁਤੀਤਿ ਸਤ੍ਤੋਤਿ વੋਹਾਰੋ। ਤੇਨਾਹ ‘‘ਸਮਞ੍ਞਾਮਤ੍ਤਮੇવਾ’’ਤਿ। ਪਞ੍ਚਕ੍ਖਨ੍ਧਦੁਕ੍ਖਨ੍ਤਿ ਪਞ੍ਚਕ੍ਖਨ੍ਧਸਞ੍ਞਿਤਂ ਦੁਕ੍ਖਂ। વੁਤ੍ਤਂ ਹੇਤਂ ਭਗવਤਾ ‘‘ਸਂਖਿਤ੍ਤੇਨ ਪਞ੍ਚੁਪਾਦਾਨਕ੍ਖਨ੍ਧਾ ਦੁਕ੍ਖਾ’’ਤਿ (ਦੀ॰ ਨਿ॰ ੨.੩੮੭; ਮ॰ ਨਿ॰ ੧.੧੨੦; ੩.੩੭੩; વਿਭ॰ ੨੦੨) ਅਞ੍ਞੋ ਨੇવ ਸਮ੍ਭੋਤਿ ਯਥਾવੁਤ੍ਤਦੁਕ੍ਖਤੋ ਅਞ੍ਞਸ੍ਸ ਸਙ੍ਖਤਧਮ੍ਮਸ੍ਸ ਅਭਾવਤੋ। ਨ ਨਿਰੁਜ੍ਝਤੀਤਿ ਤਤੋ ਅਞ੍ਞਂ ਨ ਨਿਰੁਜ੍ਝਤਿ, ਉਪ੍ਪਾਦਤੋ ਹੋਤਿ ਨਿਰੋਧੋਤਿ।
171.Suddhasaṅkhārapuñjeti rūpārūpavibhāge kilesasaṅkhārasamūhe. Paramatthatoti sabhāvena. Yathā na hi sattasaññitasaṅkhārapuñjo nāma paramatthato upalabbhati, evaṃ tabbinimutto nāma koci na upalabbhati avijjamānattā. Vijjamānesūti yathāpaccayasampattiyā labbhamānesu. Tenākārenāti itthipurisādiākārena. Vavatthitesūti paccekaṃ paccayavisesasamuṭṭhitaṃ saṇṭhānavisesaṃ upādāya ‘‘puriso hatthī asso’’tiādinā abhisaṅgato pavattesu. Sammutīti sattoti vohāro. Tenāha ‘‘samaññāmattamevā’’ti. Pañcakkhandhadukkhanti pañcakkhandhasaññitaṃ dukkhaṃ. Vuttaṃ hetaṃ bhagavatā ‘‘saṃkhittena pañcupādānakkhandhā dukkhā’’ti (dī. ni. 2.387; ma. ni. 1.120; 3.373; vibha. 202) añño neva sambhoti yathāvuttadukkhato aññassa saṅkhatadhammassa abhāvato. Na nirujjhatīti tato aññaṃ na nirujjhati, uppādato hoti nirodhoti.
વਜਿਰਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vajirāsuttavaṇṇanā niṭṭhitā.
ਸਾਰਤ੍ਥਪ੍ਪਕਾਸਿਨਿਯਾ ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
Sāratthappakāsiniyā saṃyuttanikāya-aṭṭhakathāya
ਭਿਕ੍ਖੁਨੀਸਂਯੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Bhikkhunīsaṃyuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. વਜਿਰਾਸੁਤ੍ਤਂ • 10. Vajirāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. વਜਿਰਾਸੁਤ੍ਤવਣ੍ਣਨਾ • 10. Vajirāsuttavaṇṇanā
