Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    5. важ̇ируубамасуд̇д̇ам̣

    5. Vajirūpamasuttaṃ

    25. ‘‘д̇аяомз , бхигкавз, буг̇г̇алаа санд̇о сам̣виж̇ж̇амаанаа логасмим̣ . гад̇амз д̇аяо? аругуубамажид̇д̇о буг̇г̇ало, виж̇ж̇уубамажид̇д̇о буг̇г̇ало, важ̇ируубамажид̇д̇о буг̇г̇ало. гад̇амо жа, бхигкавз, аругуубамажид̇д̇о буг̇г̇ало? ид̇ха, бхигкавз, згажжо буг̇г̇ало год̇хано ход̇и убааяаасаб̣ахуло аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и гобан̃жа д̣̇осан̃жа аббажжаяан̃жа баад̇угарод̇и. сзяяат̇ааби, бхигкавз, д̣̇удтааруго 1 гадтзна ваа гаталааяа 2 ваа гхаддид̇о 3 бхияяосомад̇д̇ааяа аасавам̣ д̣̇зд̇и 4; звамзвам̣ ко, бхигкавз, ид̇хзгажжо буг̇г̇ало год̇хано ход̇и убааяаасаб̣ахуло аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и гобан̃жа д̣̇осан̃жа аббажжаяан̃жа баад̇угарод̇и. аяам̣ вужжад̇и, бхигкавз, аругуубамажид̇д̇о буг̇г̇ало.

    25. ‘‘Tayome , bhikkhave, puggalā santo saṃvijjamānā lokasmiṃ . Katame tayo? Arukūpamacitto puggalo, vijjūpamacitto puggalo, vajirūpamacitto puggalo. Katamo ca, bhikkhave, arukūpamacitto puggalo? Idha, bhikkhave, ekacco puggalo kodhano hoti upāyāsabahulo appampi vutto samāno abhisajjati kuppati byāpajjati patitthīyati kopañca dosañca appaccayañca pātukaroti. Seyyathāpi, bhikkhave, duṭṭhāruko 5 kaṭṭhena vā kaṭhalāya 6 vā ghaṭṭito 7 bhiyyosomattāya āsavaṃ deti 8; evamevaṃ kho, bhikkhave, idhekacco puggalo kodhano hoti upāyāsabahulo appampi vutto samāno abhisajjati kuppati byāpajjati patitthīyati kopañca dosañca appaccayañca pātukaroti. Ayaṃ vuccati, bhikkhave, arukūpamacitto puggalo.

    ‘‘гад̇амо жа, бхигкавз, виж̇ж̇уубамажид̇д̇о буг̇г̇ало? ид̇ха, бхигкавз, згажжо буг̇г̇ало ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. сзяяат̇ааби бхигкавз, жагкумаа бурисо рад̇д̇анд̇хагаарад̇имисааяам̣ виж̇ж̇анд̇аригааяа руубаани бассзяяа; звамзвам̣ ко, бхигкавз, ид̇хзгажжо буг̇г̇ало ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. аяам̣ вужжад̇и, бхигкавз, виж̇ж̇уубамажид̇д̇о буг̇г̇ало.

    ‘‘Katamo ca, bhikkhave, vijjūpamacitto puggalo? Idha, bhikkhave, ekacco puggalo ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. Seyyathāpi bhikkhave, cakkhumā puriso rattandhakāratimisāyaṃ vijjantarikāya rūpāni passeyya; evamevaṃ kho, bhikkhave, idhekacco puggalo ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Ayaṃ vuccati, bhikkhave, vijjūpamacitto puggalo.

    ‘‘гад̇амо жа, бхигкавз, важ̇ируубамажид̇д̇о буг̇г̇ало? ид̇ха, бхигкавз, згажжо буг̇г̇ало аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. сзяяат̇ааби, бхигкавз, важ̇ирасса над̇т̇и гин̃жи абхзж̇ж̇ам̣ ман̣и ваа баасаан̣о ваа; звамзвам̣ ко, бхигкавз, ид̇хзгажжо буг̇г̇ало аасаваанам̣ каяаа…бз… убасамбаж̇ж̇а вихарад̇и. аяам̣ вужжад̇и, бхигкавз, важ̇ируубамажид̇д̇о буг̇г̇ало. ‘имз ко, бхигкавз, д̇аяо буг̇г̇алаа санд̇о сам̣виж̇ж̇амаанаа логасми’’’нд̇и 9. бан̃жамам̣.

    ‘‘Katamo ca, bhikkhave, vajirūpamacitto puggalo? Idha, bhikkhave, ekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Seyyathāpi, bhikkhave, vajirassa natthi kiñci abhejjaṃ maṇi vā pāsāṇo vā; evamevaṃ kho, bhikkhave, idhekacco puggalo āsavānaṃ khayā…pe… upasampajja viharati. Ayaṃ vuccati, bhikkhave, vajirūpamacitto puggalo. ‘Ime kho, bhikkhave, tayo puggalā santo saṃvijjamānā lokasmi’’’nti 10. Pañcamaṃ.




    Next: 6. сзвид̇аб̣б̣асуд̇д̇ам̣ • 6. Sevitabbasuttaṃ




    Footnotes:
    1. д̣̇удтааругаа (сий.)
    2. гат̇алааяа (сяаа. гам̣. га.), гаталзна-гат̇алзна (адтагат̇аа)
    3. гхаддид̇аа (сий.)
    4. ассаванод̇и (сий.)
    5. duṭṭhārukā (sī.)
    6. kathalāya (syā. kaṃ. ka.), kaṭhalena-kathalena (aṭṭhakathā)
    7. ghaṭṭitā (sī.)
    8. assavanoti (sī.)
    9. бу. ба. 102
    10. pu. pa. 102



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. важ̇ируубамасуд̇д̇аван̣н̣анаа • 5. Vajirūpamasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. важ̇ируубамасуд̇д̇аван̣н̣анаа • 5. Vajirūpamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact