| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. வஜிரூபமஸுத்தவண்ணனா
5. Vajirūpamasuttavaṇṇanā
25. பஞ்சமே அருஇதி புராணங் து³ட்ட²வணங் வுச்சதி. க-காரோ பத³ஸந்தி⁴கரோதி அருகூபமங் சித்தங் ஏதஸ்ஸாதி அருகூபமசித்தோ அப்பமத்தகஸ்ஸபி து³க்க²ஸ்ஸ அஸஹனதோ. ஸேஸபத³த்³வயேபி ஏஸேவ நயோ. இத்தரகாலோபா⁴ஸேனாதி பரித்தமேவ காலோ ஞாணோபா⁴ஸவிரஹேன. லக³தீதி கோதா⁴ஸங்க³வஸேன குப்பந்தோ புக்³க³லோ ஸம்முகா², ‘‘கிங் வத³ஸீ’’திஆதி³னா பரம்முகா² ச உபனய்ஹனவஸேன லக³தி, ந தண்ஹாஸங்க³வஸேன. குப்பதீதி குஜ்ஜ²தி. ப்³யாபஜ்ஜதீதி விபன்னசித்தோ ஹோதி. த²த்³த⁴பா⁴வங் ஆபஜ்ஜதி ஈஸகம்பி முது³த்தாபா⁴வதோ. து³ட்டா²ருகோதி மங்ஸலோஹிதானங் து³ட்ட²பா⁴வேன பகதிபா⁴வங் ஜஹித்வா டி²தோ து³ட்ட²வணோ. ‘‘து³ட்டா²ருதா’’திபி பட²ந்தி, தத்தா²பி தாகாரோ பத³ஸந்தி⁴கரோ.
25. Pañcame aruiti purāṇaṃ duṭṭhavaṇaṃ vuccati. Ka-kāro padasandhikaroti arukūpamaṃ cittaṃ etassāti arukūpamacitto appamattakassapi dukkhassa asahanato. Sesapadadvayepi eseva nayo. Ittarakālobhāsenāti parittameva kālo ñāṇobhāsavirahena. Lagatīti kodhāsaṅgavasena kuppanto puggalo sammukhā, ‘‘kiṃ vadasī’’tiādinā parammukhā ca upanayhanavasena lagati, na taṇhāsaṅgavasena. Kuppatīti kujjhati. Byāpajjatīti vipannacitto hoti. Thaddhabhāvaṃ āpajjati īsakampi muduttābhāvato. Duṭṭhārukoti maṃsalohitānaṃ duṭṭhabhāvena pakatibhāvaṃ jahitvā ṭhito duṭṭhavaṇo. ‘‘Duṭṭhārutā’’tipi paṭhanti, tatthāpi tākāro padasandhikaro.
தஸ்ஸாதி து³ட்டா²ருகஸ்ஸ. ஸவனந்தி அஸுசிவிஸந்த³னங். உத்³து⁴மாதஸ்ஸ வியாதி கோதே⁴ன உத்³த⁴ங் உத்³த⁴ங் து⁴மாதகஸ்ஸ விய கோதூ⁴பாயாஸஸ்ஸ அவிஸ்ஸஜ்ஜனதோ. சண்டி³கதஸ்ஸாதி குபிதஸ்ஸ. எத்த² ச கிஞ்சாபி ஹெட்டி²மமக்³க³வஜ்ஜா²பி கிலேஸா தேஹி அனுப்பத்தித⁴ம்மதங் ஆபாதி³தத்தா ஸமுச்சி²ன்னா, ததா²பி தஸ்மிங் ஸந்தானே அக்³க³மக்³க³ஸ்ஸ அனுப்பன்னத்தா தத்த² அப்பஹீனாபி கிலேஸா அத்தே²வாதி கத்வா தேஸங் ஞாணானங் விஜ்ஜூபமதா வுத்தா, ந தேஹி மக்³கே³ஹி பஹீனானங் கிலேஸானங் அத்தி²பா⁴வதோதி த³ட்ட²ப்³ப³ங்.
Tassāti duṭṭhārukassa. Savananti asucivisandanaṃ. Uddhumātassa viyāti kodhena uddhaṃ uddhaṃ dhumātakassa viya kodhūpāyāsassa avissajjanato. Caṇḍikatassāti kupitassa. Ettha ca kiñcāpi heṭṭhimamaggavajjhāpi kilesā tehi anuppattidhammataṃ āpāditattā samucchinnā, tathāpi tasmiṃ santāne aggamaggassa anuppannattā tattha appahīnāpi kilesā atthevāti katvā tesaṃ ñāṇānaṃ vijjūpamatā vuttā, na tehi maggehi pahīnānaṃ kilesānaṃ atthibhāvatoti daṭṭhabbaṃ.
வஜிரூபமஸுத்தவண்ணனா நிட்டி²தா.
Vajirūpamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. வஜிரூபமஸுத்தங் • 5. Vajirūpamasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. வஜிரூபமஸுத்தவண்ணனா • 5. Vajirūpamasuttavaṇṇanā
