| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. важ̇ируубамасуд̇д̇аван̣н̣анаа
5. Vajirūpamasuttavaṇṇanā
25. бан̃жамз аругуубамажид̇д̇од̇и бураан̣аван̣асад̣̇исажид̇д̇о. виж̇ж̇уубамажид̇д̇од̇и ид̇д̇арагаалобхаасанзна виж̇ж̇усад̣̇исажид̇д̇о. важ̇ируубамажид̇д̇од̇и гилзсаанам̣ муулагхаад̇агаран̣асамад̇т̇ад̇ааяа важ̇ирзна сад̣̇исажид̇д̇о. абхисаж̇ж̇ад̇ийд̇и лаг̇г̇ад̇и. губбад̇ийд̇и гобавасзна губбад̇и. б̣яаабаж̇ж̇ад̇ийд̇и багад̇ибхаавам̣ баж̇ахад̇и, бууд̇иго ход̇и. бад̇ид̇т̇ийяад̇ийд̇и т̇инабхаавам̣ т̇ад̣̇д̇хабхаавам̣ аабаж̇ж̇ад̇и. гобанд̇и д̣̇уб̣б̣алагод̇хам̣. д̣̇осанд̇и д̣̇уссанавасзна д̇ад̇о б̣алавад̇арам̣. аббажжаяанд̇и ад̇удтаагаарам̣ д̣̇оманассам̣. д̣̇удтааругод̇и бураан̣аван̣о. гадтзнаад̇и д̣̇ан̣д̣агагодияаа. гаталзнаад̇и габаалзна. аасавам̣ д̣̇зд̇ийд̇и абараабарам̣ савад̇и. бураан̣аван̣о хи ад̇д̇ано д̇хаммад̇ааязва буб̣б̣ам̣ лохид̇ам̣ яуусанд̇и имаани д̇ийн̣и савад̇и, гхаддид̇о бана д̇аани ад̇хигад̇арам̣ савад̇и.
25. Pañcame arukūpamacittoti purāṇavaṇasadisacitto. Vijjūpamacittoti ittarakālobhāsanena vijjusadisacitto. Vajirūpamacittoti kilesānaṃ mūlaghātakaraṇasamatthatāya vajirena sadisacitto. Abhisajjatīti laggati. Kuppatīti kopavasena kuppati. Byāpajjatīti pakatibhāvaṃ pajahati, pūtiko hoti. Patitthīyatīti thinabhāvaṃ thaddhabhāvaṃ āpajjati. Kopanti dubbalakodhaṃ. Dosanti dussanavasena tato balavataraṃ. Appaccayanti atuṭṭhākāraṃ domanassaṃ. Duṭṭhārukoti purāṇavaṇo. Kaṭṭhenāti daṇḍakakoṭiyā. Kaṭhalenāti kapālena. Āsavaṃ detīti aparāparaṃ savati. Purāṇavaṇo hi attano dhammatāyeva pubbaṃ lohitaṃ yūsanti imāni tīṇi savati, ghaṭṭito pana tāni adhikataraṃ savati.
звамзва код̇и зд̇т̇а ид̣̇ам̣ обаммасам̣санд̣̇анам̣ – д̣̇удтааруго вияа хи год̇ханабуг̇г̇ало, д̇асса ад̇д̇ано д̇хаммад̇ааяа саванам̣ вияа год̇ханассаби ад̇д̇ано д̇хаммад̇ааяа уд̣̇д̇хумаад̇асса вияа жан̣д̣игад̇асса жаран̣ам̣, гадтзна ваа гаталааяа ваа гхадданам̣ вияа аббамад̇д̇ам̣ важанам̣, бхияяосомад̇д̇ааяа саванам̣ вияа ‘‘маад̣̇исам̣ наама зса звам̣ вад̣̇ад̇ий’’д̇и бхияяосомад̇д̇ааяа уд̣̇д̇хумааяанабхааво д̣̇адтаб̣б̣о.
Evamevakhoti ettha idaṃ opammasaṃsandanaṃ – duṭṭhāruko viya hi kodhanapuggalo, tassa attano dhammatāya savanaṃ viya kodhanassapi attano dhammatāya uddhumātassa viya caṇḍikatassa caraṇaṃ, kaṭṭhena vā kaṭhalāya vā ghaṭṭanaṃ viya appamattaṃ vacanaṃ, bhiyyosomattāya savanaṃ viya ‘‘mādisaṃ nāma esa evaṃ vadatī’’ti bhiyyosomattāya uddhumāyanabhāvo daṭṭhabbo.
рад̇д̇анд̇хагаарад̇имисааяанд̇и рад̇д̇им̣ жагкувин̃н̃аан̣уббад̇д̇инивааран̣зна анд̇хабхаавагаран̣з б̣ахалад̇амз. виж̇ж̇анд̇аригааяаад̇и виж̇ж̇уббад̇д̇игкан̣з. ид̇хааби ид̣̇ам̣ обаммасам̣санд̣̇анам̣ – жагкумаа бурисо вияа хи яог̇ааважаро д̣̇адтаб̣б̣о, анд̇хагаарам̣ вияа сод̇аабад̇д̇имаг̇г̇аваж̇жхаа гилзсаа, виж̇ж̇усан̃жаран̣ам̣ вияа сод̇аабад̇д̇имаг̇г̇ан̃аан̣асса уббад̇д̇игаало, виж̇ж̇анд̇аригааяа жагкумад̇о бурисасса саманд̇аа руубад̣̇ассанам̣ вияа сод̇аабад̇д̇имаг̇г̇агкан̣з ниб̣б̣аанад̣̇ассанам̣, буна анд̇хагаараавад̇т̇аран̣ам̣ вияа сагад̣̇ааг̇аамимаг̇г̇аваж̇жхаа гилзсаа, буна виж̇ж̇усан̃жаран̣ам̣ вияа сагад̣̇ааг̇аамимаг̇г̇ан̃аан̣асса уббаад̣̇о, виж̇ж̇анд̇аригааяа жагкумад̇о бурисасса саманд̇аа руубад̣̇ассанам̣ вияа сагад̣̇ааг̇аамимаг̇г̇агкан̣з ниб̣б̣аанад̣̇ассанам̣, буна анд̇хагаараавад̇т̇аран̣ам̣ вияа анааг̇аамимаг̇г̇аваж̇жхаа гилзсаа, буна виж̇ж̇усан̃жаран̣ам̣ вияа анааг̇аамимаг̇г̇ан̃аан̣асса уббаад̣̇о, виж̇ж̇анд̇аригааяа жагкумад̇о бурисасса саманд̇аа руубад̣̇ассанам̣ вияа анааг̇аамимаг̇г̇агкан̣з ниб̣б̣аанад̣̇ассанам̣ взд̣̇ид̇аб̣б̣ам̣.
Rattandhakāratimisāyanti rattiṃ cakkhuviññāṇuppattinivāraṇena andhabhāvakaraṇe bahalatame. Vijjantarikāyāti vijjuppattikkhaṇe. Idhāpi idaṃ opammasaṃsandanaṃ – cakkhumā puriso viya hi yogāvacaro daṭṭhabbo, andhakāraṃ viya sotāpattimaggavajjhā kilesā, vijjusañcaraṇaṃ viya sotāpattimaggañāṇassa uppattikālo, vijjantarikāya cakkhumato purisassa samantā rūpadassanaṃ viya sotāpattimaggakkhaṇe nibbānadassanaṃ, puna andhakārāvattharaṇaṃ viya sakadāgāmimaggavajjhā kilesā, puna vijjusañcaraṇaṃ viya sakadāgāmimaggañāṇassa uppādo, vijjantarikāya cakkhumato purisassa samantā rūpadassanaṃ viya sakadāgāmimaggakkhaṇe nibbānadassanaṃ, puna andhakārāvattharaṇaṃ viya anāgāmimaggavajjhā kilesā, puna vijjusañcaraṇaṃ viya anāgāmimaggañāṇassa uppādo, vijjantarikāya cakkhumato purisassa samantā rūpadassanaṃ viya anāgāmimaggakkhaṇe nibbānadassanaṃ veditabbaṃ.
важ̇ируубамажид̇д̇ад̇ааяаби ид̣̇ам̣ обаммасам̣санд̣̇анам̣ – важ̇ирам̣ вияа хи арахад̇д̇амаг̇г̇ан̃аан̣ам̣ д̣̇адтаб̣б̣ам̣, ман̣иг̇ан̣тибаасаан̣аг̇ан̣ти вияа арахад̇д̇амаг̇г̇аваж̇жхаа гилзсаа, важ̇ирасса ман̣иг̇ан̣тимби ваа баасаан̣аг̇ан̣тимби ваа винивиж̇жхид̇ваа аг̇аманабхаавасса над̇т̇ид̇аа вияа арахад̇д̇амаг̇г̇ан̃аан̣зна ажчзж̇ж̇аанам̣ гилзсаанам̣ над̇т̇ибхааво, важ̇ирзна ниб̣б̣ид̣̇д̇хавзд̇хасса буна абад̇ибууран̣ам̣ вияа арахад̇д̇амаг̇г̇зна чиннаанам̣ гилзсаанам̣ буна ануббаад̣̇о д̣̇адтаб̣б̣од̇и.
Vajirūpamacittatāyapi idaṃ opammasaṃsandanaṃ – vajiraṃ viya hi arahattamaggañāṇaṃ daṭṭhabbaṃ, maṇigaṇṭhipāsāṇagaṇṭhi viya arahattamaggavajjhā kilesā, vajirassa maṇigaṇṭhimpi vā pāsāṇagaṇṭhimpi vā vinivijjhitvā agamanabhāvassa natthitā viya arahattamaggañāṇena acchejjānaṃ kilesānaṃ natthibhāvo, vajirena nibbiddhavedhassa puna apatipūraṇaṃ viya arahattamaggena chinnānaṃ kilesānaṃ puna anuppādo daṭṭhabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. важ̇ируубамасуд̇д̇ам̣ • 5. Vajirūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. важ̇ируубамасуд̇д̇аван̣н̣анаа • 5. Vajirūpamasuttavaṇṇanā
