| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5. වජිරූපමසුත්‌තවණ්‌ණනා
5. Vajirūpamasuttavaṇṇanā
25. පඤ්‌චමෙ අරුඉති පුරාණං දුට්‌ඨවණං වුච්‌චති. ක-කාරො පදසන්‌ධිකරොති අරුකූපමං චිත්‌තං එතස්‌සාති අරුකූපමචිත්‌තො අප්‌පමත්‌තකස්‌සපි දුක්‌ඛස්‌ස අසහනතො. සෙසපදද්‌වයෙපි එසෙව නයො. ඉත්‌තරකාලොභාසෙනාති පරිත්‌තමෙව කාලො ඤාණොභාසවිරහෙන. ලගතීති කොධාසඞ්‌ගවසෙන කුප්‌පන්‌තො පුග්‌ගලො සම්‌මුඛා, ‘‘කිං වදසී’’තිආදිනා පරම්‌මුඛා ච උපනය්‌හනවසෙන ලගති, න තණ්‌හාසඞ්‌ගවසෙන. කුප්‌පතීති කුජ්‌ඣති. බ්‍යාපජ්‌ජතීති විපන්‌නචිත්‌තො හොති. ථද්‌ධභාවං ආපජ්‌ජති ඊසකම්‌පි මුදුත්‌තාභාවතො. දුට්‌ඨාරුකොති මංසලොහිතානං දුට්‌ඨභාවෙන පකතිභාවං ජහිත්‌වා ඨිතො දුට්‌ඨවණො. ‘‘දුට්‌ඨාරුතා’’තිපි පඨන්‌ති, තත්‌ථාපි තාකාරො පදසන්‌ධිකරො.
25. Pañcame aruiti purāṇaṃ duṭṭhavaṇaṃ vuccati. Ka-kāro padasandhikaroti arukūpamaṃ cittaṃ etassāti arukūpamacitto appamattakassapi dukkhassa asahanato. Sesapadadvayepi eseva nayo. Ittarakālobhāsenāti parittameva kālo ñāṇobhāsavirahena. Lagatīti kodhāsaṅgavasena kuppanto puggalo sammukhā, ‘‘kiṃ vadasī’’tiādinā parammukhā ca upanayhanavasena lagati, na taṇhāsaṅgavasena. Kuppatīti kujjhati. Byāpajjatīti vipannacitto hoti. Thaddhabhāvaṃ āpajjati īsakampi muduttābhāvato. Duṭṭhārukoti maṃsalohitānaṃ duṭṭhabhāvena pakatibhāvaṃ jahitvā ṭhito duṭṭhavaṇo. ‘‘Duṭṭhārutā’’tipi paṭhanti, tatthāpi tākāro padasandhikaro.
තස්‌සාති දුට්‌ඨාරුකස්‌ස. සවනන්‌ති අසුචිවිසන්‌දනං. උද්‌ධුමාතස්‌ස වියාති කොධෙන උද්‌ධං උද්‌ධං ධුමාතකස්‌ස විය කොධූපායාසස්‌ස අවිස්‌සජ්‌ජනතො. චණ්‌ඩිකතස්‌සාති කුපිතස්‌ස. එත්‌ථ ච කිඤ්‌චාපි හෙට්‌ඨිමමග්‌ගවජ්‌ඣාපි කිලෙසා තෙහි අනුප්‌පත්‌තිධම්‌මතං ආපාදිතත්‌තා සමුච්‌ඡින්‌නා, තථාපි තස්‌මිං සන්‌තානෙ අග්‌ගමග්‌ගස්‌ස අනුප්‌පන්‌නත්‌තා තත්‌ථ අප්‌පහීනාපි කිලෙසා අත්‌ථෙවාති කත්‌වා තෙසං ඤාණානං විජ්‌ජූපමතා වුත්‌තා, න තෙහි මග්‌ගෙහි පහීනානං කිලෙසානං අත්‌ථිභාවතොති දට්‌ඨබ්‌බං.
Tassāti duṭṭhārukassa. Savananti asucivisandanaṃ. Uddhumātassa viyāti kodhena uddhaṃ uddhaṃ dhumātakassa viya kodhūpāyāsassa avissajjanato. Caṇḍikatassāti kupitassa. Ettha ca kiñcāpi heṭṭhimamaggavajjhāpi kilesā tehi anuppattidhammataṃ āpāditattā samucchinnā, tathāpi tasmiṃ santāne aggamaggassa anuppannattā tattha appahīnāpi kilesā atthevāti katvā tesaṃ ñāṇānaṃ vijjūpamatā vuttā, na tehi maggehi pahīnānaṃ kilesānaṃ atthibhāvatoti daṭṭhabbaṃ.
වජිරූපමසුත්‌තවණ්‌ණනා නිට්‌ඨිතා.
Vajirūpamasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 5. වජිරූපමසුත්‌තං • 5. Vajirūpamasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. වජිරූපමසුත්‌තවණ්‌ණනා • 5. Vajirūpamasuttavaṇṇanā
