| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. વਜਿਰੂਪਮਸੁਤ੍ਤવਣ੍ਣਨਾ
5. Vajirūpamasuttavaṇṇanā
੨੫. ਪਞ੍ਚਮੇ ਅਰੁਇਤਿ ਪੁਰਾਣਂ ਦੁਟ੍ਠવਣਂ વੁਚ੍ਚਤਿ। ਕ-ਕਾਰੋ ਪਦਸਨ੍ਧਿਕਰੋਤਿ ਅਰੁਕੂਪਮਂ ਚਿਤ੍ਤਂ ਏਤਸ੍ਸਾਤਿ ਅਰੁਕੂਪਮਚਿਤ੍ਤੋ ਅਪ੍ਪਮਤ੍ਤਕਸ੍ਸਪਿ ਦੁਕ੍ਖਸ੍ਸ ਅਸਹਨਤੋ। ਸੇਸਪਦਦ੍વਯੇਪਿ ਏਸੇવ ਨਯੋ। ਇਤ੍ਤਰਕਾਲੋਭਾਸੇਨਾਤਿ ਪਰਿਤ੍ਤਮੇવ ਕਾਲੋ ਞਾਣੋਭਾਸવਿਰਹੇਨ। ਲਗਤੀਤਿ ਕੋਧਾਸਙ੍ਗવਸੇਨ ਕੁਪ੍ਪਨ੍ਤੋ ਪੁਗ੍ਗਲੋ ਸਮ੍ਮੁਖਾ, ‘‘ਕਿਂ વਦਸੀ’’ਤਿਆਦਿਨਾ ਪਰਮ੍ਮੁਖਾ ਚ ਉਪਨਯ੍ਹਨવਸੇਨ ਲਗਤਿ, ਨ ਤਣ੍ਹਾਸਙ੍ਗવਸੇਨ। ਕੁਪ੍ਪਤੀਤਿ ਕੁਜ੍ਝਤਿ। ਬ੍ਯਾਪਜ੍ਜਤੀਤਿ વਿਪਨ੍ਨਚਿਤ੍ਤੋ ਹੋਤਿ। ਥਦ੍ਧਭਾવਂ ਆਪਜ੍ਜਤਿ ਈਸਕਮ੍ਪਿ ਮੁਦੁਤ੍ਤਾਭਾવਤੋ। ਦੁਟ੍ਠਾਰੁਕੋਤਿ ਮਂਸਲੋਹਿਤਾਨਂ ਦੁਟ੍ਠਭਾવੇਨ ਪਕਤਿਭਾવਂ ਜਹਿਤ੍વਾ ਠਿਤੋ ਦੁਟ੍ਠવਣੋ। ‘‘ਦੁਟ੍ਠਾਰੁਤਾ’’ਤਿਪਿ ਪਠਨ੍ਤਿ, ਤਤ੍ਥਾਪਿ ਤਾਕਾਰੋ ਪਦਸਨ੍ਧਿਕਰੋ।
25. Pañcame aruiti purāṇaṃ duṭṭhavaṇaṃ vuccati. Ka-kāro padasandhikaroti arukūpamaṃ cittaṃ etassāti arukūpamacitto appamattakassapi dukkhassa asahanato. Sesapadadvayepi eseva nayo. Ittarakālobhāsenāti parittameva kālo ñāṇobhāsavirahena. Lagatīti kodhāsaṅgavasena kuppanto puggalo sammukhā, ‘‘kiṃ vadasī’’tiādinā parammukhā ca upanayhanavasena lagati, na taṇhāsaṅgavasena. Kuppatīti kujjhati. Byāpajjatīti vipannacitto hoti. Thaddhabhāvaṃ āpajjati īsakampi muduttābhāvato. Duṭṭhārukoti maṃsalohitānaṃ duṭṭhabhāvena pakatibhāvaṃ jahitvā ṭhito duṭṭhavaṇo. ‘‘Duṭṭhārutā’’tipi paṭhanti, tatthāpi tākāro padasandhikaro.
ਤਸ੍ਸਾਤਿ ਦੁਟ੍ਠਾਰੁਕਸ੍ਸ। ਸવਨਨ੍ਤਿ ਅਸੁਚਿવਿਸਨ੍ਦਨਂ। ਉਦ੍ਧੁਮਾਤਸ੍ਸ વਿਯਾਤਿ ਕੋਧੇਨ ਉਦ੍ਧਂ ਉਦ੍ਧਂ ਧੁਮਾਤਕਸ੍ਸ વਿਯ ਕੋਧੂਪਾਯਾਸਸ੍ਸ ਅવਿਸ੍ਸਜ੍ਜਨਤੋ। ਚਣ੍ਡਿਕਤਸ੍ਸਾਤਿ ਕੁਪਿਤਸ੍ਸ। ਏਤ੍ਥ ਚ ਕਿਞ੍ਚਾਪਿ ਹੇਟ੍ਠਿਮਮਗ੍ਗવਜ੍ਝਾਪਿ ਕਿਲੇਸਾ ਤੇਹਿ ਅਨੁਪ੍ਪਤ੍ਤਿਧਮ੍ਮਤਂ ਆਪਾਦਿਤਤ੍ਤਾ ਸਮੁਚ੍ਛਿਨ੍ਨਾ, ਤਥਾਪਿ ਤਸ੍ਮਿਂ ਸਨ੍ਤਾਨੇ ਅਗ੍ਗਮਗ੍ਗਸ੍ਸ ਅਨੁਪ੍ਪਨ੍ਨਤ੍ਤਾ ਤਤ੍ਥ ਅਪ੍ਪਹੀਨਾਪਿ ਕਿਲੇਸਾ ਅਤ੍ਥੇવਾਤਿ ਕਤ੍વਾ ਤੇਸਂ ਞਾਣਾਨਂ વਿਜ੍ਜੂਪਮਤਾ વੁਤ੍ਤਾ, ਨ ਤੇਹਿ ਮਗ੍ਗੇਹਿ ਪਹੀਨਾਨਂ ਕਿਲੇਸਾਨਂ ਅਤ੍ਥਿਭਾવਤੋਤਿ ਦਟ੍ਠਬ੍ਬਂ।
Tassāti duṭṭhārukassa. Savananti asucivisandanaṃ. Uddhumātassa viyāti kodhena uddhaṃ uddhaṃ dhumātakassa viya kodhūpāyāsassa avissajjanato. Caṇḍikatassāti kupitassa. Ettha ca kiñcāpi heṭṭhimamaggavajjhāpi kilesā tehi anuppattidhammataṃ āpāditattā samucchinnā, tathāpi tasmiṃ santāne aggamaggassa anuppannattā tattha appahīnāpi kilesā atthevāti katvā tesaṃ ñāṇānaṃ vijjūpamatā vuttā, na tehi maggehi pahīnānaṃ kilesānaṃ atthibhāvatoti daṭṭhabbaṃ.
વਜਿਰੂਪਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vajirūpamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. વਜਿਰੂਪਮਸੁਤ੍ਤਂ • 5. Vajirūpamasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. વਜਿਰੂਪਮਸੁਤ੍ਤવਣ੍ਣਨਾ • 5. Vajirūpamasuttavaṇṇanā
