| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
১০৫. ৰজ্জনীযপুগ্গলসন্দস্সনা
105. Vajjanīyapuggalasandassanā
১৮৩. ন, ভিক্খৰে, ভিক্খুনিযা নিসিন্নপরিসায পাতিমোক্খং উদ্দিসিতব্বং। যো উদ্দিসেয্য, আপত্তি দুক্কটস্স। ন সিক্খমানায…পে॰… ন সামণেরস্স …পে॰… ন সামণেরিযা…পে॰… ন সিক্খাপচ্চক্খাতকস্স…পে॰… ন অন্তিমৰত্থুং অজ্ঝাপন্নকস্স নিসিন্নপরিসায পাতিমোক্খং উদ্দিসিতব্বং। যো উদ্দিসেয্য, আপত্তি দুক্কটস্স।
183. Na, bhikkhave, bhikkhuniyā nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa. Na sikkhamānāya…pe… na sāmaṇerassa …pe… na sāmaṇeriyā…pe… na sikkhāpaccakkhātakassa…pe… na antimavatthuṃ ajjhāpannakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa.
ন আপত্তিযা অদস্সনে উক্খিত্তকস্স নিসিন্নপরিসায পাতিমোক্খং উদ্দিসিতব্বং। যো উদ্দিসেয্য, যথাধম্মো কারেতব্বো। ন আপত্তিযা অপ্পটিকম্মে উক্খিত্তকস্স নিসিন্নপরিসায…পে॰… ন পাপিকায দিট্ঠিযা অপ্পটিনিস্সগ্গে উক্খিত্তকস্স নিসিন্নপরিসায পাতিমোক্খং উদ্দিসিতব্বং। যো উদ্দিসেয্য, যথাধম্মো কারেতব্বো।
Na āpattiyā adassane ukkhittakassa nisinnaparisāya pātimokkhaṃ uddisitabbaṃ. Yo uddiseyya, yathādhammo kāretabbo. Na āpattiyā appaṭikamme ukkhittakassa nisinnaparisāya…pe… na pāpikāya diṭṭhiyā appaṭinissagge ukkhittakassa nisinnaparisāya pātimokkhaṃ uddisitabbaṃ. Yo uddiseyya, yathādhammo kāretabbo.
ন পণ্ডকস্স নিসিন্নপরিসায পাতিমোক্খং উদ্দিসিতব্বং। যো উদ্দিসেয্য, আপত্তি দুক্কটস্স। ন থেয্যসংৰাসকস্স…পে॰… ন তিত্থিযপক্কন্তকস্স…পে॰… ন তিরচ্ছানগতস্স…পে॰… ন মাতুঘাতকস্স…পে॰… ন পিতুঘাতকস্স…পে॰… ন অরহন্তঘাতকস্স…পে॰… ন ভিক্খুনিদূসকস্স…পে॰… ন সঙ্ঘভেদকস্স…পে॰… ন লোহিতুপ্পাদকস্স…পে॰… ন উভতোব্যঞ্জনকস্স নিসিন্নপরিসায পাতিমোক্খং উদ্দিসিতব্বং। যো উদ্দিসেয্য, আপত্তি দুক্কটস্স।
Na paṇḍakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa. Na theyyasaṃvāsakassa…pe… na titthiyapakkantakassa…pe… na tiracchānagatassa…pe… na mātughātakassa…pe… na pitughātakassa…pe… na arahantaghātakassa…pe… na bhikkhunidūsakassa…pe… na saṅghabhedakassa…pe… na lohituppādakassa…pe… na ubhatobyañjanakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa.
ন, ভিক্খৰে, পারিৰাসিকপারিসুদ্ধিদানেন উপোসথো কাতব্বো, অঞ্ঞত্র অৰুট্ঠিতায পরিসায। ন চ, ভিক্খৰে, অনুপোসথে উপোসথো কাতব্বো, অঞ্ঞত্র সঙ্ঘসামগ্গিযাতি।
Na, bhikkhave, pārivāsikapārisuddhidānena uposatho kātabbo, aññatra avuṭṭhitāya parisāya. Na ca, bhikkhave, anuposathe uposatho kātabbo, aññatra saṅghasāmaggiyāti.
ৰজ্জনীযপুগ্গলসন্দস্সনা নিট্ঠিতা।
Vajjanīyapuggalasandassanā niṭṭhitā.
ততিযভাণৰারো নিট্ঠিতো।
Tatiyabhāṇavāro niṭṭhito.
উপোসথক্খন্ধকো দুতিযো।
Uposathakkhandhako dutiyo.
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / ৰজ্জনীযপুগ্গলসন্দস্সনকথা • Vajjanīyapuggalasandassanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৰজ্জনীযপুগ্গলসন্দস্সনকথাৰণ্ণনা • Vajjanīyapuggalasandassanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৰজ্জনীযপুগ্গলসন্দস্সনকথাৰণ্ণনা • Vajjanīyapuggalasandassanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / লিঙ্গাদিদস্সনকথাদিৰণ্ণনা • Liṅgādidassanakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১০৫. ৰজ্জনীযপুগ্গলসন্দস্সনকথা • 105. Vajjanīyapuggalasandassanakathā
