| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
105. важ̇ж̇анийяабуг̇г̇аласанд̣̇ассанаа
105. Vajjanīyapuggalasandassanā
183. на, бхигкавз, бхигкунияаа нисиннабарисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. на сигкамаанааяа…бз… на сааман̣зрасса …бз… на сааман̣зрияаа…бз… на сигкаабажжагкаад̇агасса…бз… на анд̇имавад̇т̇ум̣ аж̇жхаабаннагасса нисиннабарисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса.
183. Na, bhikkhave, bhikkhuniyā nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa. Na sikkhamānāya…pe… na sāmaṇerassa …pe… na sāmaṇeriyā…pe… na sikkhāpaccakkhātakassa…pe… na antimavatthuṃ ajjhāpannakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa.
на аабад̇д̇ияаа ад̣̇ассанз угкид̇д̇агасса нисиннабарисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, яат̇аад̇хаммо гаарзд̇аб̣б̣о. на аабад̇д̇ияаа аббадигаммз угкид̇д̇агасса нисиннабарисааяа…бз… на баабигааяа д̣̇идтияаа аббадиниссаг̇г̇з угкид̇д̇агасса нисиннабарисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, яат̇аад̇хаммо гаарзд̇аб̣б̣о.
Na āpattiyā adassane ukkhittakassa nisinnaparisāya pātimokkhaṃ uddisitabbaṃ. Yo uddiseyya, yathādhammo kāretabbo. Na āpattiyā appaṭikamme ukkhittakassa nisinnaparisāya…pe… na pāpikāya diṭṭhiyā appaṭinissagge ukkhittakassa nisinnaparisāya pātimokkhaṃ uddisitabbaṃ. Yo uddiseyya, yathādhammo kāretabbo.
на бан̣д̣агасса нисиннабарисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. на т̇зяяасам̣ваасагасса…бз… на д̇ид̇т̇ияабагганд̇агасса…бз… на д̇иражчаанаг̇ад̇асса…бз… на маад̇угхаад̇агасса…бз… на бид̇угхаад̇агасса…бз… на араханд̇агхаад̇агасса…бз… на бхигкунид̣̇уусагасса…бз… на сан̇гхабхзд̣̇агасса…бз… на лохид̇уббаад̣̇агасса…бз… на убхад̇об̣яан̃ж̇анагасса нисиннабарисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса.
Na paṇḍakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa. Na theyyasaṃvāsakassa…pe… na titthiyapakkantakassa…pe… na tiracchānagatassa…pe… na mātughātakassa…pe… na pitughātakassa…pe… na arahantaghātakassa…pe… na bhikkhunidūsakassa…pe… na saṅghabhedakassa…pe… na lohituppādakassa…pe… na ubhatobyañjanakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa.
на, бхигкавз, баариваасигабаарисуд̣̇д̇хид̣̇аанзна убосат̇о гаад̇аб̣б̣о, ан̃н̃ад̇ра авудтид̇ааяа барисааяа. на жа, бхигкавз, анубосат̇з убосат̇о гаад̇аб̣б̣о, ан̃н̃ад̇ра сан̇гхасаамаг̇г̇ияаад̇и.
Na, bhikkhave, pārivāsikapārisuddhidānena uposatho kātabbo, aññatra avuṭṭhitāya parisāya. Na ca, bhikkhave, anuposathe uposatho kātabbo, aññatra saṅghasāmaggiyāti.
важ̇ж̇анийяабуг̇г̇аласанд̣̇ассанаа нидтид̇аа.
Vajjanīyapuggalasandassanā niṭṭhitā.
д̇ад̇ияабхаан̣авааро нидтид̇о.
Tatiyabhāṇavāro niṭṭhito.
убосат̇агканд̇хаго д̣̇уд̇ияо.
Uposathakkhandhako dutiyo.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / важ̇ж̇анийяабуг̇г̇аласанд̣̇ассанагат̇аа • Vajjanīyapuggalasandassanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важ̇ж̇анийяабуг̇г̇аласанд̣̇ассанагат̇ааван̣н̣анаа • Vajjanīyapuggalasandassanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / важ̇ж̇анийяабуг̇г̇аласанд̣̇ассанагат̇ааван̣н̣анаа • Vajjanīyapuggalasandassanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / лин̇г̇аад̣̇ид̣̇ассанагат̇аад̣̇иван̣н̣анаа • Liṅgādidassanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 105. важ̇ж̇анийяабуг̇г̇аласанд̣̇ассанагат̇аа • 105. Vajjanīyapuggalasandassanakathā
