| Library / Tipiṭaka / ติปิฎก • Tipiṭaka / มหาวคฺคปาฬิ • Mahāvaggapāḷi |
๑๓๙. วชฺชนียปุคฺคลสนฺทสฺสนา
139. Vajjanīyapuggalasandassanā
๒๓๓. น, ภิกฺขเว, ภิกฺขุนิยา นิสินฺนปริสาย ปวาเรตพฺพํฯ โย ปวาเรยฺย, อาปตฺติ ทุกฺกฎสฺสฯ น, ภิกฺขเว, สิกฺขมานาย…เป.… น สามเณรสฺส…เป.… น สามเณริยา…เป.… น สิกฺขํ ปจฺจกฺขาตกสฺส…เป.… น อนฺติมวตฺถุํ อชฺฌาปนฺนกสฺส นิสินฺนปริสาย ปวาเรตพฺพํฯ โย ปวาเรยฺย, อาปตฺติ ทุกฺกฎสฺส ฯ
233. Na, bhikkhave, bhikkhuniyā nisinnaparisāya pavāretabbaṃ. Yo pavāreyya, āpatti dukkaṭassa. Na, bhikkhave, sikkhamānāya…pe… na sāmaṇerassa…pe… na sāmaṇeriyā…pe… na sikkhaṃ paccakkhātakassa…pe… na antimavatthuṃ ajjhāpannakassa nisinnaparisāya pavāretabbaṃ. Yo pavāreyya, āpatti dukkaṭassa .
น อาปตฺติยา อทสฺสเน อุกฺขิตฺตกสฺส นิสินฺนปริสาย ปวาเรตพฺพํฯ โย ปวาเรยฺย, ยถาธโมฺม กาเรตโพฺพฯ น อาปตฺติยา อปฺปฎิกเมฺม อุกฺขิตฺตกสฺส…เป.… น ปาปิกาย ทิฎฺฐิยา อปฺปฎินิสฺสเคฺค อุกฺขิตฺตกสฺส นิสินฺนปริสาย ปวาเรตพฺพํฯ โย ปวาเรยฺย, ยถาธโมฺม กาเรตโพฺพฯ
Na āpattiyā adassane ukkhittakassa nisinnaparisāya pavāretabbaṃ. Yo pavāreyya, yathādhammo kāretabbo. Na āpattiyā appaṭikamme ukkhittakassa…pe… na pāpikāya diṭṭhiyā appaṭinissagge ukkhittakassa nisinnaparisāya pavāretabbaṃ. Yo pavāreyya, yathādhammo kāretabbo.
น ปณฺฑกสฺส นิสินฺนปริสาย ปวาเรตพฺพํฯ โย ปวาเรยฺย, อาปตฺติ ทุกฺกฎสฺสฯ น เถยฺยสํวาสกสฺส…เป.… น ติตฺถิยปกฺกนฺตกสฺส…เป.… น ติรจฺฉานคตสฺส…เป.… น มาตุฆาตกสฺส…เป.… น ปิตุฆาตกสฺส…เป.… น อรหนฺตฆาตกสฺส…เป.… น ภิกฺขุนิทูสกสฺส …เป.… น สงฺฆเภทกสฺส…เป.… น โลหิตุปฺปาทกสฺส …เป.… น อุภโตพฺยญฺชนกสฺส นิสินฺนปริสาย ปวาเรตพฺพํฯ โย ปวาเรยฺย, อาปตฺติ ทุกฺกฎสฺสฯ
Na paṇḍakassa nisinnaparisāya pavāretabbaṃ. Yo pavāreyya, āpatti dukkaṭassa. Na theyyasaṃvāsakassa…pe… na titthiyapakkantakassa…pe… na tiracchānagatassa…pe… na mātughātakassa…pe… na pitughātakassa…pe… na arahantaghātakassa…pe… na bhikkhunidūsakassa …pe… na saṅghabhedakassa…pe… na lohituppādakassa …pe… na ubhatobyañjanakassa nisinnaparisāya pavāretabbaṃ. Yo pavāreyya, āpatti dukkaṭassa.
น, ภิกฺขเว, ปาริวาสิกปวารณาทาเนน ปวาเรตพฺพํ, อญฺญตฺร อวุฎฺฐิตาย ปริสายฯ น จ, ภิกฺขเว, อปฺปวารณาย ปวาเรตพฺพํ, อญฺญตฺร สงฺฆสามคฺคิยาติฯ
Na, bhikkhave, pārivāsikapavāraṇādānena pavāretabbaṃ, aññatra avuṭṭhitāya parisāya. Na ca, bhikkhave, appavāraṇāya pavāretabbaṃ, aññatra saṅghasāmaggiyāti.
วชฺชนียปุคฺคลสนฺทสฺสนา นิฎฺฐิตาฯ
Vajjanīyapuggalasandassanā niṭṭhitā.
ทุติยภาณวาโร นิฎฺฐิโตฯ
Dutiyabhāṇavāro niṭṭhito.
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อนาปตฺติปนฺนรสกาทิกถา • Anāpattipannarasakādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๒๑. ปวารณาเภทกถา • 121. Pavāraṇābhedakathā
