| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၁၀၅. ဝဇ္ဇနီယပုဂ္ဂလသန္ဒသ္သနာ
105. Vajjanīyapuggalasandassanā
၁၈၃. န, ဘိက္ခဝေ, ဘိက္ခုနိယာ နိသိန္နပရိသာယ ပာတိမောက္ခံ ဥဒ္ဒိသိတဗ္ဗံ။ ယော ဥဒ္ဒိသေယ္ယ, အာပတ္တိ ဒုက္ကဋသ္သ။ န သိက္ခမာနာယ။ပေ.။ န သာမဏေရသ္သ ။ပေ.။ န သာမဏေရိယာ။ပေ.။ န သိက္ခာပစ္စက္ခာတကသ္သ။ပေ.။ န အန္တိမဝတ္ထုံ အဇ္ဈာပန္နကသ္သ နိသိန္နပရိသာယ ပာတိမောက္ခံ ဥဒ္ဒိသိတဗ္ဗံ။ ယော ဥဒ္ဒိသေယ္ယ, အာပတ္တိ ဒုက္ကဋသ္သ။
183. Na, bhikkhave, bhikkhuniyā nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa. Na sikkhamānāya…pe… na sāmaṇerassa …pe… na sāmaṇeriyā…pe… na sikkhāpaccakkhātakassa…pe… na antimavatthuṃ ajjhāpannakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa.
န အာပတ္တိယာ အဒသ္သနေ ဥက္ခိတ္တကသ္သ နိသိန္နပရိသာယ ပာတိမောက္ခံ ဥဒ္ဒိသိတဗ္ဗံ။ ယော ဥဒ္ဒိသေယ္ယ, ယထာဓမ္မော ကာရေတဗ္ဗော။ န အာပတ္တိယာ အပ္ပဋိကမ္မေ ဥက္ခိတ္တကသ္သ နိသိန္နပရိသာယ။ပေ.။ န ပာပိကာယ ဒိဋ္ဌိယာ အပ္ပဋိနိသ္သဂ္ဂေ ဥက္ခိတ္တကသ္သ နိသိန္နပရိသာယ ပာတိမောက္ခံ ဥဒ္ဒိသိတဗ္ဗံ။ ယော ဥဒ္ဒိသေယ္ယ, ယထာဓမ္မော ကာရေတဗ္ဗော။
Na āpattiyā adassane ukkhittakassa nisinnaparisāya pātimokkhaṃ uddisitabbaṃ. Yo uddiseyya, yathādhammo kāretabbo. Na āpattiyā appaṭikamme ukkhittakassa nisinnaparisāya…pe… na pāpikāya diṭṭhiyā appaṭinissagge ukkhittakassa nisinnaparisāya pātimokkhaṃ uddisitabbaṃ. Yo uddiseyya, yathādhammo kāretabbo.
န ပဏ္ဍကသ္သ နိသိန္နပရိသာယ ပာတိမောက္ခံ ဥဒ္ဒိသိတဗ္ဗံ။ ယော ဥဒ္ဒိသေယ္ယ, အာပတ္တိ ဒုက္ကဋသ္သ။ န ထေယ္ယသံဝာသကသ္သ။ပေ.။ န တိတ္ထိယပက္ကန္တကသ္သ။ပေ.။ န တိရစ္ဆာနဂတသ္သ။ပေ.။ န မာတုဃာတကသ္သ။ပေ.။ န ပိတုဃာတကသ္သ။ပေ.။ န အရဟန္တဃာတကသ္သ။ပေ.။ န ဘိက္ခုနိဒူသကသ္သ။ပေ.။ န သင္ဃဘေဒကသ္သ။ပေ.။ န လောဟိတုပ္ပာဒကသ္သ။ပေ.။ န ဥဘတောဗ္ယဉ္ဇနကသ္သ နိသိန္နပရိသာယ ပာတိမောက္ခံ ဥဒ္ဒိသိတဗ္ဗံ။ ယော ဥဒ္ဒိသေယ္ယ, အာပတ္တိ ဒုက္ကဋသ္သ။
Na paṇḍakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa. Na theyyasaṃvāsakassa…pe… na titthiyapakkantakassa…pe… na tiracchānagatassa…pe… na mātughātakassa…pe… na pitughātakassa…pe… na arahantaghātakassa…pe… na bhikkhunidūsakassa…pe… na saṅghabhedakassa…pe… na lohituppādakassa…pe… na ubhatobyañjanakassa nisinnaparisāya pātimokkhaṃ uddisitabbaṃ. Yo uddiseyya, āpatti dukkaṭassa.
န, ဘိက္ခဝေ, ပာရိဝာသိကပာရိသုဒ္ဓိဒာနေန ဥပောသထော ကာတဗ္ဗော, အညတ္ရ အဝုဋ္ဌိတာယ ပရိသာယ။ န စ, ဘိက္ခဝေ, အနုပောသထေ ဥပောသထော ကာတဗ္ဗော, အညတ္ရ သင္ဃသာမဂ္ဂိယာတိ။
Na, bhikkhave, pārivāsikapārisuddhidānena uposatho kātabbo, aññatra avuṭṭhitāya parisāya. Na ca, bhikkhave, anuposathe uposatho kātabbo, aññatra saṅghasāmaggiyāti.
ဝဇ္ဇနီယပုဂ္ဂလသန္ဒသ္သနာ နိဋ္ဌိတာ။
Vajjanīyapuggalasandassanā niṭṭhitā.
တတိယဘာဏဝာရော နိဋ္ဌိတော။
Tatiyabhāṇavāro niṭṭhito.
ဥပောသထက္ခန္ဓကော ဒုတိယော။
Uposathakkhandhako dutiyo.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဝဇ္ဇနီယပုဂ္ဂလသန္ဒသ္သနကထာ • Vajjanīyapuggalasandassanakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝဇ္ဇနီယပုဂ္ဂလသန္ဒသ္သနကထာဝဏ္ဏနာ • Vajjanīyapuggalasandassanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝဇ္ဇနီယပုဂ္ဂလသန္ဒသ္သနကထာဝဏ္ဏနာ • Vajjanīyapuggalasandassanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / လိင္ဂာဒိဒသ္သနကထာဒိဝဏ္ဏနာ • Liṅgādidassanakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၀၅. ဝဇ္ဇနီယပုဂ္ဂလသန္ဒသ္သနကထာ • 105. Vajjanīyapuggalasandassanakathā
