| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
139. වජ්‌ජනීයපුග්‌ගලසන්‌දස්‌සනා
139. Vajjanīyapuggalasandassanā
233. න, භික්‌ඛවෙ, භික්‌ඛුනියා නිසින්‌නපරිසාය පවාරෙතබ්‌බං. යො පවාරෙය්‍ය, ආපත්‌ති දුක්‌කටස්‌ස. න, භික්‌ඛවෙ, සික්‌ඛමානාය…පෙ.… න සාමණෙරස්‌ස…පෙ.… න සාමණෙරියා…පෙ.… න සික්‌ඛං පච්‌චක්‌ඛාතකස්‌ස…පෙ.… න අන්‌තිමවත්‌ථුං අජ්‌ඣාපන්‌නකස්‌ස නිසින්‌නපරිසාය පවාරෙතබ්‌බං. යො පවාරෙය්‍ය, ආපත්‌ති දුක්‌කටස්‌ස .
233. Na, bhikkhave, bhikkhuniyā nisinnaparisāya pavāretabbaṃ. Yo pavāreyya, āpatti dukkaṭassa. Na, bhikkhave, sikkhamānāya…pe… na sāmaṇerassa…pe… na sāmaṇeriyā…pe… na sikkhaṃ paccakkhātakassa…pe… na antimavatthuṃ ajjhāpannakassa nisinnaparisāya pavāretabbaṃ. Yo pavāreyya, āpatti dukkaṭassa .
න ආපත්‌තියා අදස්‌සනෙ උක්‌ඛිත්‌තකස්‌ස නිසින්‌නපරිසාය පවාරෙතබ්‌බං. යො පවාරෙය්‍ය, යථාධම්‌මො කාරෙතබ්‌බො. න ආපත්‌තියා අප්‌පටිකම්‌මෙ උක්‌ඛිත්‌තකස්‌ස…පෙ.… න පාපිකාය දිට්‌ඨියා අප්‌පටිනිස්‌සග්‌ගෙ උක්‌ඛිත්‌තකස්‌ස නිසින්‌නපරිසාය පවාරෙතබ්‌බං. යො පවාරෙය්‍ය, යථාධම්‌මො කාරෙතබ්‌බො.
Na āpattiyā adassane ukkhittakassa nisinnaparisāya pavāretabbaṃ. Yo pavāreyya, yathādhammo kāretabbo. Na āpattiyā appaṭikamme ukkhittakassa…pe… na pāpikāya diṭṭhiyā appaṭinissagge ukkhittakassa nisinnaparisāya pavāretabbaṃ. Yo pavāreyya, yathādhammo kāretabbo.
න පණ්‌ඩකස්‌ස නිසින්‌නපරිසාය පවාරෙතබ්‌බං. යො පවාරෙය්‍ය, ආපත්‌ති දුක්‌කටස්‌ස. න ථෙය්‍යසංවාසකස්‌ස…පෙ.… න තිත්‌ථියපක්‌කන්‌තකස්‌ස…පෙ.… න තිරච්‌ඡානගතස්‌ස…පෙ.… න මාතුඝාතකස්‌ස…පෙ.… න පිතුඝාතකස්‌ස…පෙ.… න අරහන්‌තඝාතකස්‌ස…පෙ.… න භික්‌ඛුනිදූසකස්‌ස …පෙ.… න සඞ්‌ඝභෙදකස්‌ස…පෙ.… න ලොහිතුප්‌පාදකස්‌ස …පෙ.… න උභතොබ්‍යඤ්‌ජනකස්‌ස නිසින්‌නපරිසාය පවාරෙතබ්‌බං. යො පවාරෙය්‍ය, ආපත්‌ති දුක්‌කටස්‌ස.
Na paṇḍakassa nisinnaparisāya pavāretabbaṃ. Yo pavāreyya, āpatti dukkaṭassa. Na theyyasaṃvāsakassa…pe… na titthiyapakkantakassa…pe… na tiracchānagatassa…pe… na mātughātakassa…pe… na pitughātakassa…pe… na arahantaghātakassa…pe… na bhikkhunidūsakassa …pe… na saṅghabhedakassa…pe… na lohituppādakassa …pe… na ubhatobyañjanakassa nisinnaparisāya pavāretabbaṃ. Yo pavāreyya, āpatti dukkaṭassa.
න, භික්‌ඛවෙ, පාරිවාසිකපවාරණාදානෙන පවාරෙතබ්‌බං, අඤ්‌ඤත්‍ර අවුට්‌ඨිතාය පරිසාය. න ච, භික්‌ඛවෙ, අප්‌පවාරණාය පවාරෙතබ්‌බං, අඤ්‌ඤත්‍ර සඞ්‌ඝසාමග්‌ගියාති.
Na, bhikkhave, pārivāsikapavāraṇādānena pavāretabbaṃ, aññatra avuṭṭhitāya parisāya. Na ca, bhikkhave, appavāraṇāya pavāretabbaṃ, aññatra saṅghasāmaggiyāti.
වජ්‌ජනීයපුග්‌ගලසන්‌දස්‌සනා නිට්‌ඨිතා.
Vajjanīyapuggalasandassanā niṭṭhitā.
දුතියභාණවාරො නිට්‌ඨිතො.
Dutiyabhāṇavāro niṭṭhito.
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අනාපත්‌තිපන්‌නරසකාදිකථා • Anāpattipannarasakādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 121. පවාරණාභෙදකථා • 121. Pavāraṇābhedakathā
