| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
வஜ்ஜனீயபுக்³க³லஸந்த³ஸ்ஸனகதா²
Vajjanīyapuggalasandassanakathā
183. பி⁴க்கு²னியா நிஸின்னபரிஸாயாதிஆதீ³ஸு ஹத்த²பாஸுபக³மனமேவ பமாணங். அஞ்ஞத்ர அவுட்டி²தாய பரிஸாயாதி இத³ஞ்ஹி பாரிவாஸியபாரிஸுத்³தி⁴தா³னங் நாம பரிஸாய வுட்டி²தகாலதோ பட்டா²ய ந வட்டதி, அவுட்டி²தாய பன வட்டதி. தேனாஹ – ‘‘அஞ்ஞத்ர அவுட்டி²தாய பரிஸாயா’’தி. தஸ்ஸ லக்க²ணங் பி⁴க்கு²னிவிப⁴ங்கே³ பரிவாஸியச²ந்த³தா³னவண்ணனதோ க³ஹேதப்³ப³ங். அனுபோஸதே²தி சாதுத்³த³ஸிகோ ச பன்னரஸிகோ சாதி இமே த்³வே உபோஸதே² ட²பெத்வா அஞ்ஞஸ்மிங் தி³வஸே. அஞ்ஞத்ர ஸங்க⁴ஸாமக்³கி³யாதி யா கோஸம்ப³கபி⁴க்கூ²னங் விய பி⁴ன்னே ஸங்கே⁴ புன ஸங்க⁴ஸாமக்³கீ³ கரியதி, ததா²ரூபிங் ஸங்க⁴ஸாமக்³கி³ங் ட²பெத்வா . ததா³ ச ‘‘ஸுணாது மே ப⁴ந்தே ஸங்கோ⁴ அஜ்ஜுபோஸதோ² ஸாமக்³கீ³’’தி வத்வா காதப்³போ³. யே பன கிஸ்மிஞ்சிதே³வ அப்பமத்தகே உபோஸத²ங் ட²பெத்வா புன ஸமக்³கா³ ஹொந்தி, தேஹி உபோஸதே²யேவ காதப்³போ³தி.
183.Bhikkhuniyā nisinnaparisāyātiādīsu hatthapāsupagamanameva pamāṇaṃ. Aññatra avuṭṭhitāya parisāyāti idañhi pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭati. Tenāha – ‘‘aññatra avuṭṭhitāya parisāyā’’ti. Tassa lakkhaṇaṃ bhikkhunivibhaṅge parivāsiyachandadānavaṇṇanato gahetabbaṃ. Anuposatheti cātuddasiko ca pannarasiko cāti ime dve uposathe ṭhapetvā aññasmiṃ divase. Aññatra saṅghasāmaggiyāti yā kosambakabhikkhūnaṃ viya bhinne saṅghe puna saṅghasāmaggī kariyati, tathārūpiṃ saṅghasāmaggiṃ ṭhapetvā . Tadā ca ‘‘suṇātu me bhante saṅgho ajjuposatho sāmaggī’’ti vatvā kātabbo. Ye pana kismiñcideva appamattake uposathaṃ ṭhapetvā puna samaggā honti, tehi uposatheyeva kātabboti.
உபோஸத²க்க²ந்த⁴கவண்ணனா நிட்டி²தா.
Uposathakkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 105. வஜ்ஜனீயபுக்³க³லஸந்த³ஸ்ஸனா • 105. Vajjanīyapuggalasandassanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வஜ்ஜனீயபுக்³க³லஸந்த³ஸ்ஸனகதா²வண்ணனா • Vajjanīyapuggalasandassanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வஜ்ஜனீயபுக்³க³லஸந்த³ஸ்ஸனகதா²வண்ணனா • Vajjanīyapuggalasandassanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / லிங்கா³தி³த³ஸ்ஸனகதா²தி³வண்ணனா • Liṅgādidassanakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 105. வஜ்ஜனீயபுக்³க³லஸந்த³ஸ்ஸனகதா² • 105. Vajjanīyapuggalasandassanakathā
